మెగా మార్పు... త్రిష స్థానంలో కాజల్?
on Mar 13, 2020
మెగాస్టార్ చిరంజీవి 152వ సినిమా 'ఆచార్య' నుండి త్రిష తప్పుకున్నారు. ఎందుకు? ఏమిటి? కారణం ఎవరు? అని త్రిష చెప్పలేదు. జస్ట్... క్రియేటివ్ డిఫరెన్స్‌ల కారణంగా సినిమా నుండి తప్పుకుంటున్నట్టు ట్వీట్ చేసి ఊరుకున్నారు. త్రిష తప్పుకోవడానికి గల కారణాలను విశ్లేషించడం కన్నా... వీలైనంత త్వరగా ఆమె స్థానంలో మరొకరిని ఎంపిక చేయాలని 'ఆచార్య' టీమ్ కథానాయిక అన్వేషణలో పడింది. దీనికి కారణం... ఇప్పటికే సినిమా చిత్రీకరణ ప్రారంభం కావడం, మెగాస్టార్ మీద తీయాల్సిన సీన్లు పూర్తి చేయడం, కథానాయిక కాంబినేషన్లో తీయాల్సినవి మాత్రమే మిగిలి ఉండడం!
త్రిష స్థానంలో కాజల్ అగర్వాల్‌ను తీసుకుంటున్నారని ఫిలింనగర్ టాక్. మెగాస్టార్ చిరంజీవి రీఎంట్రీ సినిమా 'ఖైదీ నంబర్ 150'లో ఆమె కథానాయికగా నటించారు. అందులో చిరు, కాజల్ కెమిస్ట్రీకి మార్కులు బాగానే పడ్డాయి. పాటల్లో ఇద్దరి జోడీ బాగుంది. అందుకని, మరోసారి ఆమెను రిపీట్ చేయాలని ఆలోచిస్తున్నారట. ప్రస్తుతం కాజల్ చేతిలో పెద్ద సినిమాలు ఏవీ లేవు. మంచు విష్ణు 'మోసగాళ్లు' షూటింగ్ ఆల్మోస్ట్ కంప్లీట్ చేశారు. ఇటీవల తమిళంలో ఒక సినిమా ఒప్పుకున్నారు. డేట్స్ ఈజీగా అడ్జస్ట్ చేయగలరు. అదీ సంగతి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
