రెజీనా నుండి అరుంధతి టైప్ సినిమా
on Mar 3, 2020
సందీప్ కిషన్ హీరోగా నటించి నిర్మించిన 'నిను వీడని నీడను నేనే' సినిమా గుర్తుందా? ఆ చిత్ర దర్శకుడు కార్తీక్ రాజు తాజాగా తెరకెక్కిస్తున్న సినిమా 'నేనే నా...?!'. తమిళంలో 'సూర్పణగై' టైటిల్ తో తెరకెక్కుతోంది. ఇందులో రెజీనా ప్రధాన పాత్రలో నటిస్తోంది. తెలుగు ప్రేక్షకులకు సుపరిచితుడైన తమిళ నటుడు విజయ్ సేతుపతి మంగళవారం సాయంత్రం సినిమా ఫస్ట్ లుక్ విడుదల చేశారు. ఆ లుక్ చూస్తే... రెజీనాయేనా? అన్నట్టుంది. అంత పద్ధతిగా సంప్రదాయబద్ధమైన ఆహార్యంలో ఆమె కనిపించింది. చూపులకు ఇదేదో అరుంధతి టైపు సినిమాలా ఉంది. ఫాంటసీ కథతో సినిమాను తెరకెక్కిస్తున్నారట! హారర్ ఎలిమెంట్స్ ఉన్నాయో లేవో ఇప్పుడే చెప్పడం కష్టం. నిజానికి, దర్శకుడి తొలి సినిమా 'నిను వీడని నీడను నేనే' హారర్, ఆత్మలు కాన్సెప్ట్ తో తెరకెక్కింది. చెన్నై టాక్ ప్రకారం... ఈ సినిమాలో రెజీనా పాత్ర సూర్పణక పాత్ర తరహాలో ఉంటుందట. ఇంతకు ముందు నాని నిర్మించిన 'అ!'లో రెజీనా విభిన్నమైన పాత్రలో కనిపించారు. '7' అనే మరో సినిమాలోనూ డిఫరెంట్ క్యారెక్టర్ ప్లే చేశారు. ఈ సినిమాలో కూడా నెగిటివ్ షేడ్స్ ఉన్న క్యారెక్టర్ చేస్తున్నట్టు సమాచారం.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
