చిరంజీవి తమ్ముడిగా చరణ్ స్నేహితుడు
on May 9, 2020
మెగాస్టార్ చిరంజీవికి తమ్ముడిగా మెగా పవర్‌స్టార్ రామ్ చరణ్ స్నేహితుడు నటించనున్నాడని ఇండస్ట్రీ టాక్. మలయాళంలో విజయం సాధించిన, తెలుగులోనూ విడుదలైన 'లూసిఫర్'ను చిరంజీవి రీమేక్ చేస్తున్న సంగతి తెలిసిందే. ఇందులో హీరోకి తమ్ముడి లాంటి క్యారెక్టర్ ఒకటి ఉంది. ఆ పాత్రలో రానా దగ్గుబాటి నటించనున్నాడని ఇండస్ట్రీ టాక్. అతడు రామ్ చరణ్ కి మంచి స్నేహితుడు అన్న సంగతి తెలిసిందే. ఓ వైపు హీరోగా నటిస్తున్న దగ్గుబాటి వారసుడు, మరోవైపు మంచి పాత్రలు వస్తే చేయడానికి రెడీగా ఉంటున్నాడు. ముందు చిరంజీవి సినిమాలో సల్మాన్ ఖాన్ నటిస్తాడని ప్రచారం జరిగినా... అది నిజం కాదని తెలిసింది. తర్వాత రానా పేరు లిస్టులోకి వచ్చింది. ఇది కాస్త నమ్మేలా ఉంది.
'రన్ రాజా రన్', 'సాహో' ఫేమ్ సుజీత్ 'లూసిఫర్' రీమేక్ స్క్రిప్ట్ వర్క్ చేస్తున్నారు. కొరటాల శివ దర్శకత్వంలో చిరంజీవి ప్రస్తుతం నటిస్తున్న 'ఆచార్య' పూర్తయిన తర్వాత ఈ సినిమా షూటింగ్ స్టార్ట్ కానుంది. ఈ సినిమాను రామ్ చరణ్ నిర్మించనున్నారని సమాచారం. సుజిత్ కాకుండా మెహర్ రమేష్, కెఎస్ రవీంద్ర (బాబీ)తోనూ సినిమాలు చేయనున్నట్టు చిరంజీవి వెల్లడించిన సంగతి తెలిసిందే.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
