ఎవరి కోసం సాయిపల్లవి నిరీక్షణ?
on May 9, 2020
తెలుగులో తొలి సినిమాతో ప్రేక్షకులను 'ఫిదా' చేసిన కథానాయిక సాయిపల్లవి. తర్వాత 'మిడిల్ క్లాస్ అబ్బాయి', 'పడి పడి లేచె మనసు' సినిమాలు చేశారు. నటించినవి తక్కువ సినిమాలే అయినప్పటికీ ఆమెకంటూ ప్రత్యేకంగా అభిమానులు ఏర్పడ్డారు. ప్రస్తుతం తెలుగులో సాయి పల్లవి నటిస్తున్న సినిమా 'విరాటపర్వం'. రానా దగ్గుబాటి హీరో. 'నీదీ నాదీ ఒకే కథ' ఫేమ్ వేణు ఊడుగుల దర్శకత్వం వహిస్తున్నారు. మే 9న సాయి పల్లవి పుట్టినరోజు సందర్భంగా సినిమాలో ఆమె ఫస్ట్ లుక్ విడుదల చేశారు.
"అడవి మార్గాన ఉన్న ఆ అమరవీరుల స్తూపం దగ్గరే ఆమె (సాయి పల్లవి) ఎందుకు ఒంటరిగా కూర్చుంది?ఎవరి కోసం ఆమె నిరీక్షణ? ఆమె ఒడిలోని డైరీలో రాసి ఉన్నఅక్షరాలు ఏమిటి? ఆమె పక్కనున్న బ్యాగులో ఉన్నవి ఏమిటి? ఈ ప్రశ్నలకు జవాబులు సినిమా విడుదల తర్వాతే" అని దర్శకుడు వేణు ఊడుగుల అన్నారు. 'రివల్యూషన్ ఈజ్ ఎన్ యాక్ట్ ఆఫ్ లవ్' అని ఆయన సినిమాకి క్యాప్షన్ పెట్టారు. విప్లవం అనేది ప్రేమలో నుండి వచ్చే చర్య అంటే... ప్రేమికుడి కోసం ఆమె అక్కడ ఎదురు చూస్తున్నదా? వెయిట్ అండ్ సి. మరో ఎనిమిది రోజులు షూటింగ్ చేస్తే సినిమా కంప్లీట్ అవుతుందట. లాక్ డౌన్ తొలగించిన తర్వాత షూటింగ్ చేసి తర్వాత విడుదల గురించి ఆలోచించనున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
