రాజమౌళి సార్... మోసం చేశారు కదా!
on May 20, 2020
కొమరం భీమ్‌గా ఎన్టీఆర్ ఫస్ట్ లుక్, టీజర్ ఎందుకు విడుదల చేయలేకపోయిందీ 'ఆర్ఆర్ఆర్' టీమ్ చాలా స్పష్టంగా వివరించింది. దర్శక ధీరుడు రాజమౌళి, యూనిట్‌ని సపోర్ట్ చేస్తూ అభిమానులకు ఎన్టీఆర్ లేఖ కూడా రాశారు. అయినా నందమూరి తారక రామారావు అభిమానుల ఆగ్రహావేశాలు ఇంకా చల్లారలేదు. రాజమౌళి, 'ఆర్ఆర్ఆర్' యూనిట్ మీద చాలా గుర్రుగా ఉన్నారు. తమను రాజమౌళి మోసం చేశారనే అభిప్రాయం ఇంకా అభిమానుల మనస్సులో ఉంది. సోషల్ మీడియా సాక్షిగా అది స్పష్టంగా బయట పడుతూ ఉంది.
'ఆర్ఆర్ఆర్' అఫీషియల్ సోషల్ మీడియా హ్యాండిల్స్ నుండి ఎన్టీఆర్‌కి బర్త్‌డే విషెష్ చెబుతూ పోస్టులు పడ్డాయి. వెంటనే అభిమానులు రియాక్ట్ అయ్యారు. కనీసం ఫస్ట్ లుక్ విడుదల చేయలేదు కానీ వీటికేం తక్కువ లేదంటూ ఒక అభిమాని కామెంట్ చేశాడు. అటువంటి అభిప్రాయం, బాధ పలువురి అభిమానుల స్పందనలో వ్యక్తమైంది. ఒక అభిమాని అయితే 'మోసం చేశారు కదా సార్' అని రాజమౌళి పేజీలో పోస్ట్ కింద కామెంట్ చేశారు.
రాజమౌళి, 'ఆర్ఆర్ఆర్' టీమ్ మీద ఎన్టీఆర్ అభిమానులు ఒక రేంజ్‌లో ట్రోల్ చేస్తున్నారు. 'ఆర్ఆర్ఆర్' నుండి ఎన్టీఆర్ లుక్ లేదా టీజర్ వచ్చేవరకు ఈ ట్రోలింగ్ తప్పేలా లేదు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
