క్రిస్మస్ వార్: రవితేజ vs నితిన్
on Aug 29, 2019
రవితేజ క్రిస్మస్ సెలవుల మీద కన్నేశాడు. క్రిస్మస్ ముందు వారంలో 'డిస్కో రాజా'ను ప్రేక్షకుల ముందుకు తీసుకొస్తున్నాడు. వీఐ ఆనంద్ దర్శకత్వంలో రవితేజ హీరోగా నటిస్తున్న 'డిస్కో రాజా'ను డిసెంబర్ 20న విడుదల చేస్తున్నట్టు నిర్మాత రామ్ తాళ్లూరి ప్రకటించారు. డిసెంబర్ 20 శుక్రవారం. తర్వాత రెండు రోజులు 21, 22 వీకెండ్. మళ్లీ డిసెంబర్ 25న క్రిస్మస్. ఎలాగో స్కూళ్లు, కాలేజీలు, ఆఫీసులకు సెలవులు వస్తాయి. అందువల్ల, డిసెంబర్ 20 మంచి రిలీజ్ డేటే. రవితేజ కంటే ముందే క్రిస్మస్ మీద కన్నేశాడు నితిన్. కానీ, రిలీజ్ డేట్ మాత్రం చెప్పలేదు. 'ఛలో' ఫేమ్ వెంకీ కుడుముల దర్శకత్వంలో నితిన్ హీరోగా నటిస్తున్న సినిమా 'భీష్మ'. ఈ సినిమాను క్రిస్మస్ కి విడుదల చేస్తున్నట్టు సితార ఎంటర్టైన్మెంట్ సంస్థ బుధవారం ప్రకటించింది. అటు రవితేజ, ఇటు నితిన్... ఇద్దరూ తప్పకుండా హిట్ అందుకోవాల్సిన పరిస్థితిలో ఉన్నారు. క్రిస్మస్ కి ముందు వారంలో వచ్చినా... వెనుక వారంలో వచ్చినా... సెలవులు ఉంటాయి కాబట్టి ప్రేక్షకులు సినిమాలకు వస్తారు. హిట్ టాక్ వచ్చిన సినిమాకు ఎక్కువ మంది ప్రేక్షకులు వెళతారు. క్రిస్మస్ వార్ లో ఎవరి సినిమా విజయం సాధిస్తుందో? నందమూరి బాలకృష్ణ హీరోగా కెఎస్ రవికుమార్ దర్శకత్వంలో సి. కల్యాణ్ నిర్మిస్తున్న సినిమాను కూడా డిసెంబర్ లో విడుదల చేయాలనుకుంటున్నారు. అదెప్పుడు వస్తుందో?
.jpg)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
