మోతెవరి లవ్ స్టోరీ వెబ్ సిరీస్ రివ్యూ
on Aug 8, 2025
.webp)
వెబ్ సిరీస్ : మోతెవరి లవ్ స్టోరీ
నటీనటులు: అనిల్ గీలా, వర్షిణి రెడ్డి జున్నుతుల, మురళీధర్ గౌడ్, సదన్న, అంజి, చందు తదితరులు
ఎడిటింగ్: అనిల్ గీలా
మ్యూజిక్: చరణ్ అర్జున్
సినిమాటోగ్రఫీ: శ్రీకాంత్ అరుపుల
నిర్మాతలు: మధుర శ్రీధర్, శ్రీరామ్ శ్రీకాంత్
దర్శకత్వం: శివకృష్ణ బుర్ర
ఓటీటీ : జీ5
కథ:
తెలంగాణలోని ఆరెపల్లి గ్రామంలో పర్శి అనే కుర్రాడు ఉంటాడు. అదే గ్రామంలో ఉంటున్న అనిత అనే అమ్మాయిని పర్శి ప్రేమిస్తుంటాడు. పర్శి వాళ్ళ అమ్మమ్మకి మోతెవరితో ఏదో సీక్రెట్ ఒప్పందం ఉంటుంది. అదే గ్రామంలో సత్తయ్య, నార్సింగ్ ఇద్దరు అన్నదమ్ములు. వారే ఆ ఊరికి గ్రామ పెద్దలు. వారి నాన్నే మోతెవరి. కొన్ని సంవత్సరాల క్రితం మోతెవరి ఉరేసుకొని చనిపోతాడు. ప్రస్తుతం పర్శి, అనితల ప్రేమ సక్సెస్ చేసుకోవాలని అనుకుంటారు. అందుకే అనితని తీసుకెళ్ళి పెళ్ళి చేసుకోవాలనుకుంటాడు పర్శి. అయితే వారి ప్రేమ చాలా టర్న్స్ తీసుకుంటుంది. పర్శి వాళ్ళ అమ్మమ్మకి మోతెవరి అయిదెకరాల పొలం రాసి ఇచ్చిన విషయం మోతెవరి కొడుకులైన సత్తయ్య, నర్సింగ్ లకి తెలుస్తుంది. ఆ భూమి వారికి కావాలని వారిద్దరు పర్శి వాళ్ళ అమ్మ దగ్గరికి వెళ్తారు. మరి పర్శి, అనితల ప్రేమ ఫలించిందా? మోతెవరి లైఫ్ లో ఉన్న సీక్రెట్ రిలేషన్స్ ఏంటనేది మిగతా కథ.
విశ్లేషణ:
గ్రామీణ నేపథ్యంలో సాగే కథ. కొన్ని సంవత్సరాల క్రితం గ్రామాల్లో ఊరి పెద్దలు, దొరలు, మోతెవర్లు అని ఉండేవారు. వారి దగ్గర భుమి, ఆస్తులు ఎక్కువగా ఉండేవి. అందుకే వారి మాటే ఎక్కవగా చెల్లుబాటు అయ్యేది. ఇదే కథతో తెరకెక్కించిన వెబ్ సిరీస్ 'మోతెవరి లవ్ స్టోరీ'. పర్శి, అనితల ప్రేమ సక్సెస్ చేసుకోవడం కోసం వారు పడే పాట్లు ఓ వైపు, ఆస్తులని దక్కించుకోవాలని చూసే మోతెవరి కొడుకులు సత్తయ్య, నర్సింగ్ లు మరోవైపు.. వీరి మధ్య సాగే ఈ కథ ఎంగేజింగ్ గా ఉంటుంది.
తెలంగాణ యాసతో నడిచే ఈ వెబ్ సిరీస్ లో మొత్తం ఏడు ఎపిసోడ్ లు ఉన్నాయి. ఇందులో ఎక్కడ అశ్లీల పదాలు వాడకుండా, ఫ్యామిలీతో కలిసి చూసేలా ఉంటుంది. కథా వస్తువు చిన్నదే అయిన ఎంగేజింగ్ స్క్రీన్ ప్లేతో చివరి వరకు చూసేలా ఉంటుంది. చివరి ఎపిసోడ్ అందరిని ఆలోచింపజేస్తుంది. గ్రామంలోని ప్రతీ ఒక్కరి లైఫ్ లో ఇష్టమైన వాళ్ళు అని కొందరు ఉంటారు. వారికి తెలిసిన సీక్రెట్స్ కొన్ని ఉంటాయి. వాటి వల్ల వారి లైఫ్ ఎంత క్లిష్టంగా మారుతుందో చెప్తూ చక్కగా చూపించారు. ముఖ్యంగా మై విలేజ్ షో టీమ్ అంతా ఈ సినిమాలో తమ నటనతో ఆకట్టుకున్నారు.
తెలంగాణ బ్యాక్ డ్రాప్ లో గతంలో పలు సిరీస్ లు వచ్చినా అంతగా ప్రభావం చూపించలేదు. కానీ ఈ సిరీస్ మాత్రం ఫ్యామిలీ ఆడియన్స్ కి కనెక్ట్ అవుతుంది. అనిల్ గీలా ఎడిటింగ్ నీట్ గా ఉంది. బిజిఎమ్ బాగుంది. శ్రీకాంత్ అరుపుల సినిమాటోగ్రఫీ బాగుంది. పల్లె అందాలను చక్కగా చూపించారు. చరణ్ అర్జున్ మ్యూజిక్ బాగుంది. నిర్మాణ విలువలు బాగున్నాయి.
నటీనటుల పనితీరు:
పర్శి పాత్రలో అనిల్ గీలా, అనితగా వర్షిణి రెడ్డి చక్కగా ఆకట్టుకున్నారు. సదన్న తన నటనతో మెప్పించాడు. చందు, అంజన్న తమ పాత్రలకి పూర్తి న్యాయం చేశారు.
ఫైనల్ గా : గ్రామీణ నేపథ్యంలో సాగే ఈ కథ మెప్పిస్తుంది.
రేటింగ్ : 2.75 / 5
✍️. దాసరి మల్లేష్
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
