'దిల్ రాజు' బ్యానర్ లో 'కళ్యాణ్ రామ్' హీరోగా మూవీ
on Jul 5, 2021
నందమూరి కళ్యాణ్ రామ్ హీరోగా ప్రముఖ నిర్మాణ సంస్థ శ్రీ వెంకటేశ్వర క్రియేషన్స్ బ్యానర్ లో దిల్ రాజు, శిరీష్ నిర్మాతలుగా ఓ సినిమా రూపొందనుంది. సోమవారం(జూలై 5) కళ్యాణ్ రామ్ పుట్టినరోజు సందర్భంగా ఈ సినిమాని అధికారికంగా ప్రకటించారు.
డిఫరెంట్ చిత్రాలకు కేరాఫ్ కళ్యాణ్ రామ్.. సక్సెస్ఫుల్ చిత్రాలకు కేరాఫ్ దిల్రాజు కాంబినేషన్లో రూపొందనున్న ఈ చిత్రానికి కె.వి.గుహన్ దర్శకత్వం వహించనున్నారు. కళ్యాణ్ రామ్, గుహన్ కాంబినేషన్ లో గతంలో వచ్చిన సస్పెన్స్ థ్రిల్లర్ '118' సూపర్ హిట్టయిన సంగతి తెలిసిందే. ఈ హిట్ కాంబినేషన్ మరోసారి రిపీట్ కానుంది. కళ్యాణ్ రామ్ కోసం గుహన్ డిఫరెంట్ స్క్రిప్ట్ ను సిద్ధం చేశారని తెలుస్తోంది.
కళ్యాణ్ రామ్ నటిస్తోన్న 20వ చిత్రమిది. త్వరలోనే ప్రారంభం కాబోయే ఈ సినిమాలోని ఇతర నటీనటులు, సాంకేతిక నిపుణుల వివరాలు త్వరలోనే తెలియజేస్తామని చిత్ర యూనిట్ ప్రకటించింది. ఇక కళ్యాణ్ రామ్ ప్రస్తుతం విశిష్ట దర్శకత్వంలో 'బింబిసార' అనే సినిమా చేస్తున్నాడు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
