బాహుబలి 'శాటిలైట్' అమ్ముడుపోలేదు

on Jul 3, 2015

బాహుబలి శాటిలైట్ రైట్స్ టాలీవుడ్ లోనే రికార్డ్ ధరకు అమ్ముడుపోయిందని గతంలో వార్తలు వచ్చాయి. అయితే ఆ వార్తలు నిజంకాదని తెలుస్తోంది. బాహుబలి శాటిలైట్ ని రాజమౌళి అండ్ కో భారీ ధరకు అమ్మాలని డిసైడ్ అయ్యారట.

కానీ చానెల్ వాళ్లు మాత్రం 16 కోట్లు ఇస్తామని అంటున్నారట. సినిమా మీద కాన్ఫిడెన్స్ తో పాతిక కోట్లకు తగ్గేదిలేదని బాహుబలి టీమ్ డిమాండ్ చేస్తున్నారట.. సినిమా రిలీజ్ అయితే అదే ధర ఈజీగా దక్కుతుందని వారు భావిస్తున్నారట. మరి సినిమా రిలీజ్ తరువాత బాహుబలి టీమ్ ఆశిస్తున్న రేట్ దక్కుంతుందా? లేదా? అన్నది ఇండస్ట్రీ వర్గాలలో ఆసక్తిగా మారింది.

ఇదిలా వుండగా..బాహుబలి జూలై 10న ప్రపంచవ్యాప్తంగా రిలీజ్ అవ్వడానికి సిద్దంగా వుంది. ఈ సినిమాను ప్రపంచవ్యాప్తంగా రికార్డ్ ధియేటర్లలో విడుదల చేయబోతున్నారు.