ద‌ర్శ‌క ధీరుడు య‌స్‌.య‌స్‌. రాజ‌మౌళి, ఆయ‌న ఫ్యామిలీ కొవిడ్‌-19 పాజిటివ్‌గా టెస్టుల్లో వెల్ల‌డ‌య్యింద‌నే వార్త తెలియ‌గానే టాలీవుడ్‌తో పాటు దేశంలోని అన్ని ఫిల్మ్ ఇండ‌స్ట్రీలు ఉలిక్కిప‌డ్డాయి. అమితాబ్ బ‌చ్చ‌న్ కుటుంబం త‌ర్వాత మ‌ళ్లీ ఒక హై ప్రొఫైల్ ఫిల్మ్ ఫ్యామిలీ కొవిడ్ బారిన ప‌డ‌టం ఇదే. రాజ‌మౌళి త్వ‌ర‌గా క‌రోనా వైర‌స్ ఇన్‌ఫెక్ష‌న్ నుంచి కోలుకోవాల‌ని ఆకాంక్షిస్తూ అనేక‌మంది సెల‌బ్రిటీలు ట్వీట్లు చేశారు. వారిలో కొంత‌మంది పొలిటిక‌ల్ సెల‌బ్రిటీలు సైతం ఉండ‌టం గ‌మ‌నార్హం.

త‌న‌కూ, త‌న కుటుంబ స‌భ్యుల‌కూ మైల్డ్ కొవిడ్ పాజిటివ్ ఉన్న‌ట్లు టెస్టుల్లో నిర్ధార‌ణ అయ్యింద‌నీ, వైద్యుల సూచ‌న మేర‌కు హోమ్ క్వారంటైన్‌లో ఉన్నామ‌నీ రాజ‌మౌళి బుధ‌వారం రాత్రి త‌న సోష‌ల్ మీడియా అకౌంట్ ద్వారా వెల్ల‌డించారు. ఆయ‌న స్పెసిఫిక్‌గా త‌న కుటుంబ స‌భ్యుల పేర్లు వెల్ల‌డించ‌క‌పోయినా.. ఆయ‌న కుటుంబంలో ఉన్న ఐదు మందికీ ఆ వైర‌స్ సోకిన‌ట్లు తెలుస్తోంది. భార్య ర‌మ‌, కుమారుడు కార్తికేయ‌, కోడ‌లు పూజ‌, కుమార్తె మ‌యూఖ కూడా కొవిడ్‌-19 పాజిటివ్‌గా తేలింది. ఇక ఆయ‌న కొవిడ్ ఇన్‌ఫెక్ష‌న్ నుంచి త్వ‌ర‌గా కోలుకోవాల‌ని ఎవ‌రెవ‌రు ట్వీట్ చేశారంటే...