తెలంగాణ ఎన్నికలు.. బీఆర్ఎస్ ను మించి వైసీపీకే ఎక్కువ టెన్షన్?!

Publish Date:Nov 23, 2023

Advertisement

తెలుగు రాష్ట్రాల రాజకీయాలలో చిత్ర విచిత్ర రాజకీయ పరిస్థితులు నెలకొన్నాయి. ఉమ్మడి ఆంధ్రప్రదేశ్  ఆంధ్రప్రదేశ్, తెలంగాణగా విడిపోయిన ఈ తొమ్మిదేళ్లలో ఎన్నడూలేని పరిస్థితులు ఇప్పుడు కనిపిస్తున్నాయి. రాజకీయంగా ఒక రాష్ట్రంతో మరొక రాష్ట్రానికి ఎలాంటి అనుబంధం లేకపోగా.. రాజకీయ పార్టీలకు కూడా ఎలాంటి సంబంధం లేదు. తెలంగాణలో అధికారంలో ఉన్న బీఆర్ఎస్, ప్రధాన ప్రతిపక్షాలు కాంగ్రెస్, బీజేపీలు ఏపీలో  కనీసం పోటీ ఇచ్చే పరిస్థితిలో కూడా లేవు. ఏపీలో వీటి ఉనికి నామమాత్రం కంటే కూడా తక్కువ అనే చెప్పాలి.  అలాగే ఏపీలో అధికారంలో ఉన్న వైసీపీ ఎప్పుడో తెలంగాణలో తన జెండా పీకేసింది.  ఇక ఏపీలో ప్రధాన ప్రతిపక్షం తెలుగుదేశం తెలంగాణ అసెంబ్లీ ఎన్నికలలో పోటీలోనే లేదు. కానీ ఆ తెలుగుదేశం పార్టీయే ఇప్పుడు  తెలంగాణలో గెలుపు ఓటములను శాశించే పరిస్థితిలో ఉంది. అలాగే ఏపీలో తెలుగుదేశం వైసీపీకి అధికార పీఠాన్ని దూరం చేసే స్థితికి చేరింది.  దీంతో రెండు రాష్ట్రాలలో ఉన్న అధికార పార్టీలూ తెలుగుదేశం పేరు వింటేనే వెన్నులో వణుకు పుడుతున్న పరిస్థితిలో ఉన్నాయి.  ఆంధ్రా రాజకీయాల ప్రభావం తెలంగాణపై ఎలా ఉండబోతోందా అన్నది టీఆర్ఎస్ టెన్షన్ పడుతోంది.  అయితే అంతకు మించి తెలంగాణలో ఫలితాలు ఎలా ఉంటాయా అని ఏపీలో అధికారంలో ఉన్న జగన్ పార్టీ వర్రీ చెందుతోంది.  

  దీనికి కారణం ఈసారి తెలంగాణ ఫలితాలు  ఏపీపై తీవ్ర ప్రభావం చూపుతాయనడంలో సందేహం లేదు. తెలంగాణలో బీఆర్ఎస్ మరోసారి అధికారం దక్కించుకుంటే ఏపీ రాజకీయాలు ఒకలా ఉండనున్నాయి.. అదే కాంగ్రెస్ అక్కడ అధికారం దక్కించుకుంటే ఇక్కడ రాజకీయాలు మరోలా ఉంటాయని పరిశీలకులు సైతం విశ్లేషిస్తున్నారు. గత ఎన్నికలలో కూడా తెలంగాణ ఎన్నికల ఫలితాలు ఏపీ మీద  ప్రభావం  చూపాయి. తెలంగాణలో గత ఎన్నికలలో ఏపీలో  అప్పట్లో అధికారంలో ఉన్న తెలుగుదేశం కాంగ్రెస్ తో పొత్తు పెట్టుకొని ఎన్నికలకు వెళ్లగా ఓటమి ఎదురైంది. దీంతో ఆ ప్రభావం ఏపీ ఎన్నికలలో  తెలుగుదేశంపై పడింది. అప్పటి టీఆర్ఎస్ కూడా ఏపీలో  అప్పటికి విపక్షంగా ఉన్న వైసీపీకి మద్దతుగా పని చేసింది.  అయితే ఈసారి తెలంగాణలో  తెలుగుదేశం పోటీకి దూరంగా ఉంది. దీంతో ఆ రాష్ట్రంలో తెలుగుదేశం శ్రేణులు పరోక్షంగా కాంగ్రెస్ కు మద్దతు ఇస్తున్నాయి. పవన్ కళ్యాణ్ జనసేన కూడా తెలంగాణ బీజేపీతో కలిసి పోటీ చేస్తున్నది. అయితే ఇక్కడ బీఆర్ఎస్, కాంగ్రెస్ ల మధ్యనే ప్రధాన పోటీ కనిపిస్తున్నదన్నది పరిశీలకుల విశ్లేషణ.

ఇంకా చెప్పాలంటే ఈసారి తెలంగాణలో కాంగ్రెస్ అధికారం దక్కించుకునే అవకాశం ఉందని పలు సర్వేలు చెబుతున్నాయి.ఒకవేళ ఆ సర్వేలే నిజమైతే ఏపీలో అధికార  వైసీపీకి చిక్కులు తప్పవనే అభిప్రాయం బలంగా వ్యక్తం అవుతోంది. తెలంగాణ ఫలితాలతో ఏపీ కాంగ్రెస్  ఓకింత పుంజుకునే అవకాశం ఉంది.  అలాగే ఏపీ సీఎం సోదరి, వైఎస్సార్టీపీ అధినేత్రి షర్మిల తెలంగాణలో  ఎన్నికల బరి నుంచి తప్పుకుని కాంగ్రెస్ కు సంపూర్ణ మద్దతు ప్రకటించింది. దీంతో  తెలంగాణలో కాంగ్రెస్ అధికారంలోకి వస్తే షర్మిల తన రాజకీయ కార్యక్షేత్రాన్ని ఏపీకి మార్చు అవకాశం ఉంది. రాజకీయ వర్గాలలో జరుగుతున్న చర్చ మేరకు షర్మిల ఏపీ కాంగ్రెస్ పగ్గాలు చేపట్టే అవకాశాలు కూడా ఉన్నాయి. అదే జరిగితే  ఏపీలో అధికార పార్టీకి తేరుకోలేని నష్టం జరుగుతుందన్నది పరిశీలకుల విశ్లేషణ.  అదే సమయంలో తెలంగాణలో కాంగ్రెస్ అధికారం దక్కించుకుంటే ఏపీ ఎన్నికలలో  తెలుగుదేశం పార్టీకి బలం చేకూరనుంది.  తెలంగాణలో  తెలగుదేశం శ్రేణులు కాంగ్రెస్ కు మద్దతిచ్చినందుకు బదులుగా  ఏపీ ఎన్నికల సమయంలో  ఆ పార్టీ  తెలుగుదేశం పార్టీకి సహకరించడం గ్యారంటీ. అలాగే కేసీఆర్ ఓటమి అంటే దాని ప్రభావం మిత్రుడైన జగన్ మీద కూడా  పడుతుంది. ఇప్పటికే కర్ణాటకలో కాంగ్రెస్ ప్రభుత్వం ఏర్పాటు చేయగా.. తెలంగాణను కూడా హస్తం చేజిక్కించుకుంటే వచ్చే సార్వత్రిక ఎన్నికలలో కాంగ్రెస్ విజయానికి మార్గం సుగమమౌతుంది. ఇప్పటికే ఇండియా కూటమి జాతీయ స్థాయిలో బీజేపీకి ప్రత్యామ్నాయంగా ఎదిగిందన్న అంచనాలు ఉన్నాయి. ఈ నేపథ్యంలోనే తెలంగాణలో కాంగ్రెస్ విజయం ఇండియా కూటమి ప్రధాని అభ్యర్థి ఎవరన్న ప్రశ్నకు సమాధానంగా నిలుస్తుంది. అదే జరిగితే ఏపీలో జగన్ సర్కార్ కు, పార్టీకీ కూడా పూడ్చుకోలేని నష్టం జరుగుతుందని పరిశీలకులు అంటున్నారు. 

ఇవి కాకుండా పాలనా తీరును బట్టి చూసినా  తెలంగాణలో బీఆర్ఎస్ ఓటమి ఏపీలో వైసీపీకి  శరాఘాతమే అవుతుంది. రైతు బంధు, రైతులకు ఉచిత విద్యుత్, ఐకెపీ కేంద్రాల ద్వారా ధాన్యం కొనుగోలు, డబుల్ బెడ్ రూమ్ ఇల్లు, మిషన్ భగీరథ, కాళేశ్వరం లాంటి ప్రాజెక్టులతో ఒకవైపు సంక్షేమం, మరోవైపు పెట్టుబడుల ఆకర్షణ, పరిశ్రమల స్థాపనతో తెలంగాణలో బీఆర్ఎస్ సర్కార్ ఏదో మేరకు పురోగతి సాధించింది.  అందుకు భిన్నంగా ఏపీలో  జగన్ సర్కార్ అరకొర సంక్షేమం పథకాలను గొప్పగా ప్రచారం చేసుకుంటూ, అభివృద్ధిని గాలికి వదిలేసింది. దీంతో ఏపీలో  వైసీపీపై ప్రజా వ్యతిరేకత తీవ్రస్థాయిలో ఉందని ఆ పార్టీ కార్యక్రమాలకు వస్తున్న స్పందనే నిదర్శనంగా నిలుస్తున్నది.   అదే అక్కడ బీఆర్ఎస్ గెలిస్తే అసంతృప్తి ఉన్నా అది ఓటమి స్థాయిలో లేదన్న లెక్కలో వైసీపీకి ఏదో మేరకు ఊరట లభించే అవకాశం ఉంది.  అదే అక్కడ బీఆర్ఎస్ పరాజయం  అయితే ఎంతో కొంత అభివృద్ధి చేసిన, సంక్షేమం అందించిన బీఆర్ఎస్ పైనే అంత అసంతృప్తి ఉంటే.. ఏపీ చేయని జగన్ సర్కార్ పై  ప్రజాగ్రహం ఏ స్థాయిలో ఉంటుందన్నది ఇట్లు అర్ధమైపోతుంది. ఈ కారణంతోనే తెలంగాణ అసెంబ్లీ ఎన్నికల ఫలితాలు ఎలా ఉంటాయన్న విషయంపై  ఏపీలో అధికారంలో ఉన్న జగన్ పార్టీ తీవ్ర టెన్షన్ పడుతోంది. ఒక విధంగా చెప్పాలంటే తెలంగాణలో అధికారంలో ఉన్న బీఆర్ఎస్ కంటే ఆ రాష్ట్ర ఎన్నికల ఫలితాలపై వైసీపీకే ఎక్కువ టెన్షన్ పడుతోందని పరిశీలకులు విశ్లేషిస్తున్నారు.  

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.