గన్నవరం వైసీపీలో వంశీ కథ ముగిసినట్టేనా...!

Publish Date:Sep 12, 2020

Advertisement

2019 లో జరిగిన అసెంబ్లీ ఎన్నికలలో గన్నవరం నుండి టీడీపీ అభ్యర్థిగా పోటీ చేసి గెలిచిన వల్లభనేని వంశీ ఇటు తెలంగాణలో తన ఆస్తులను కాపాడుకోవడంతో పాటు తనపై పెట్టిన కేసుల నుండి తప్పించుకోవడానికి సీఎం జగన్ ను కలిసారని అప్పట్లో టాక్ నడిచింది. ఆ తరువాత చంద్రబాబుకు ప్రతిపక్షనాయకుడి హోదా తప్పించే రాజకీయ క్రీడలో భాగంగా సీఎం జగన్ సారధ్యంలోని వైసిపికి జై కొట్టిన సంగతి కూడా తెలిసిందే. దీంతో అప్పటికే రెండు గ్రూపులు ఉన్న గన్నవరం వైసిపిలో ఆయన చేరిక మరిన్ని ఘర్షణలకు దారి తీస్తోంది. అంతేకాకుండా అయన చేరికను ఈ రెండు గ్రూపులు ఎంత మాత్రం జీర్ణించుకోలేకపోయాయి. దీనికి గల ముఖ్య కారణం ఎన్నికల ప్రచార సమయంలో జగన్ సారధ్యంలోని వైసిపి పై అయన చేసిన కామెంట్సేనట. "బుద్ది ఉన్నవాడెవడు వైసిపిలో చేరడు" అని ఆరోజుల్లో వంశీ చేసిన సంచలన కామెంట్స్ ఇప్పటికి వైసిపి శ్రేణులను ముల్లులా గుచ్చుతూనే ఉన్నాయి. అంతేకాకుండా టీడీపీ ఎమ్మెల్యే గా ఉన్నపుడు జగన్ సతీమణి ని కూడా జైలుకు పంపుతాము అని కామెంట్ చేయడంతోపాటు, సాక్షాత్తు జగన్ పై అయన చేసిన కామెంట్లను పార్టీ కేడర్ అసలు మర్చిపోలేకపోతున్నారని.. దీంతో వైసిపి కేడర్ ఆయనతో కలిసి నడవడం కష్టమేనని తెలుస్తోంది.

 

ఇదిలా ఉండగా తాజాగా నియోజకవర్గంలో అటు ఎమ్మెల్యేను, ఇటు వైసిపి ఇంచార్జ్ కూడా తానేనని వంశీ ప్రకటించుకున్న నేపథ్యంలో ఆయనకు పార్టీ కేడర్ కు మధ్య గ్యాప్ మరింత పెరిగింది. ఇప్పటికే నియోజకవర్గంలో పార్టీకి పెద్దదిక్కుగా ఉన్న దుట్టా రామచంద్రరావు వర్గం, మొన్నటి ఎన్నికలలో పోటీ చేసి ఓడిపోయిన యార్లగడ్డ వెంకట్రావు వర్గం వంశీ పోకడ పై గుర్రుగా ఉన్నాయి. అంతేకాకుండా నియోజకవర్గంలోని కొన్ని ప్రాంతాల్లో ఈ రెండు వర్గాల పై వంశీ వర్గీయులు దాడులు చేస్తుండడంతో ఈ వ్యవహారం పార్టీ అధిష్టానం దృష్టికి కూడా చేరినట్లు సమాచారం. దీంతో గన్నవరం నియోజకవర్గంలో ఏం జరుగుతోందని పార్టీ హైకమాండ్ ఆరా తీసి అక్కడి పరిస్థితుల పై రిపోర్ట్ కూడా తెప్పించుకున్నట్లుగా వార్తలు వస్తున్నాయి. ఈ రిపోర్ట్ ను పరిశీలించిన హైకమాండ్ పార్టీలోని కేడర్ తో అడ్జస్ట్ కాలేని నాయకులు పార్టీకి అవసరం లేదని డిసైడ్ అయిందని దీంతో ఇక వంశీని పక్కన పెట్టేసినట్లేనని జిల్లాలోని ముఖ్య నాయకులు గుసగుసలాడుకుంటున్నారు. దీంతో వైసిపిలో వంశీ కథ ముగిసినట్లేనని లేటెస్ట్ గా టాక్ వినిపిస్తోంది. దీంతో అటు టికెట్ ఇచ్చిన పార్టీ, ఇటు అధికార పార్టీ లు రెండు పక్కన పెడితే వంశీ పరిస్థితి రెంటికి చెడ్డ రేవడిలా అవుతుందేమోనని అయన అనుచరుల ఆందోళన.

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.