విశాఖకు తరలడానికి ఐఏఎస్ లు ససేమిరా!?

Publish Date:Nov 29, 2023

Advertisement

జగన్ విశాఖ నుంచి పాలన అని ఏ ముహూర్తాన అన్నారో కానీ.. అందుకు పెట్టిన ప్రతి ముహూర్తం వాయిదా పడుతూనే ఉంది. కోర్టు ఉత్తర్వులను ఉల్లంఘించైనా సరే ఏదో విధంగా విశాఖ నుంచి పాలన ఆరంభించి పంతం నెగ్గించుకోవాలని చూస్తున్న జగన్ కు అడుగడుగునా అవాంతరాలే ఎదురౌతున్నాయి. చివరకు అన్నీ అధిగమించి ఇక విశాఖకు తరలిపోవడమే ఖాయమని భావించిన జగన్ కు కేంద్ర సర్వీసు అధికారులు గట్టి ఝలక్ ఇచ్చారు. విశాఖకు తరలిరావడానికి విముఖత వ్యక్తం చేశారు. సర్వీస్ రూల్స్ కు అది విరుద్ధమంటూ కుండబద్దలు కొట్టేశారు. ఫలానా తేదీన విశాఖకు రావాలని అని చెబితే వస్తాం.. అక్కడ పని అయిపోగానే తిరిగి అమరావతికి తిరిగి వచ్చేస్తాం. అంతే కానీ పర్మనెంట్ గా విశాఖలో మకాం అంటే మాత్రం మేం ఒప్పం అని తెగేసి చెప్పారు.
ప్లేస్ ఆఫ్ వర్క్ అనేది చాలా ముఖ్యమైన అంశమనీ, దానికి సంబంధించి విస్పష్టమైన ఉత్తర్వులు లేకుండా విశాఖలో క్యాంప్ ఆపీస్ ఏర్పాటు చేసుకోవడం కుదరని పని అని తేల్చేశారు. 

దీంతో విశాఖకు రాజధానిని తరలించి అక్కడే మంత్రులు ఐఏఎస్, ఐపీఎస్ అధికారుల కోసం క్యాంపు కార్యాలయాలు ఏర్పాటు చేయాలని నిర్ణయించి, ఇందు కోసం అక్కడ భవనాలను కూడా కేటాయించిన ప్రభుత్వానికి దిక్కుతోచని పరిస్థితి ఎదురైనట్లైంది. విశాఖలో ఐటీ  కంపెనీలకు నెలవు అయిన మిలీనియం టవర్లను యుద్ధ ప్రాతిపదికన ఖాళీ చేయించి, ఆ కంపెనీలు రాష్ట్రంలో తమ కార్యకలాపాలను వేరే రాష్ట్రాలకు తరలించుకునేలా చేసిన జగన్ సర్కార్ కు ఇప్పుడు వ్రంతం చెడ్డా ఫలం దక్కకుండా పోయింది. 
విశాఖకు తరలే విషయంలో పలువురు సీనియర్ ఐఏఎస్ అధికారులు సీఎస్ కు తమ అభ్యంతరాలు, సందేహాలను ఏకరవు పెట్టడమే కాదు, విశాఖకు రావడం కుదరదని ముఖం మీదే చెప్పేశారని విశ్వసనీయంగా తెలిసింది. కాకపోతే.. మీరు ఫలానా తేదీన విశాఖలో సమావేశం ఉందనో, మరో పని ఉందనో చెబితే ఆ రోజుకు విశాఖకు వస్తామే తప్ప అక్కడే మకాం అంటే అది కుదిరేపని కాదని విస్పష్టంగా చెప్పేశారని అంటున్నారు.  

ప్రభుత్వ శాఖల కార్యాలయాలను విశాఖకు తరలించేందుకు వైసీపీ సర్కార్ హడావుడి చేస్తుంటే అధికారులు మాత్రం అది సాధ్యమయ్యే పని కాదని చెబుతున్నారు. దీంతో  జగన్ విశాఖ పాలనపై మళ్లీ అనుమాన మేఘాలు కమ్ముకున్నాయి.  వచ్చే నెల   8 నుంచి విశాఖ కేంద్రంగా ఇని ఇప్పటికే ప్రకటించేసిన జగన్ ఆ తేదీ నాటికి ప్రభుత్వ కార్యాలయాలను అక్కడికి తరలించేయాలన్న ఉద్దేశంతో ఉన్నారు. అయితే బాబూస్ మాత్రం బిజినెస్ రూల్స్ కు విరుద్ధంగా విశాఖకు తరలి వచ్చే ప్రశక్తేలేని భీష్మించడంతో డిసెంబర్ 8 ముహూర్తం ప్రకారం విశాఖ నుంచి పాలన ఆరంభమయ్యే అవకాశాలు ఇసుమంతైనా కనిపించడం లేదని పరిశీలకులు విశ్లేషిస్తున్నారు. అయినా ప్రభుత్వం ప్లేస్ ఆఫ్ వర్క్‌ నోటిఫై చేయకుండా శాఖల్ని తరలించడం సాధ్యం కాదని ఐఏఎస్ అధికారులు కుండబద్దలు కొట్టినట్లు చెప్పడం, ఈ విషయంలో సీఎస్ కు నిలదీయడంతో ప్రభుత్వం పునరాలోచనలో పడిందని చెబుతున్నారు.  

అమరావతి నుంచి విశాఖకు శాఖల కార్యాలయాలను తరలించాలని వైసీపీ ప్రభుత్వం హడావుడి చేస్తుంటే అధికారులు అందుకు ససేమిరా అంటున్నారు.  ప్లేస్ ఆఫ్ వర్క్‌ను మార్చేందుకు స్పష్టమైన ఉత్తర్వులు ఇస్తేనే తాము కదులుతామని విస్పష్టంగా చెబుతున్నారు.  నిబంధనల ప్రకారం ప్రభుత్వానికి, ప్రభుత్వ శాఖలకు, ఉన్నతాధికారులకు, ఉద్యోగులు, సిబ్బందికి ప్లేస్ ఆఫ్ వర్క్ అనేది కీలకమైన అంశమనీ, దీనిని ఇష్టారీతిగా మార్చేయడానికీ ఎంతమాత్రం వీలుండదని చెబుతున్నారు.   
ఈ నేపథ్యంలోనే   సీనియర్ అధికారులతో కూడిన త్రిసభ్య కమిటీ, విశాఖలో కార్యాలయాల ఏర్పాటుకు నివేదిక ఇవ్వడాన్నే తప్పుపడుతున్నారు.    

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.