జగన్ మళ్లీ సభకు వచ్చేనా?

Publish Date:Jun 21, 2024

Advertisement

ఎమ్మెల్యేగా మాజీ ముఖ్యమంత్రి జగన్ మోహన్ రెడ్డి శుక్రవారం (జూన్ 21) అసెంబ్లీలో ప్రమాణ స్వీకారం చేశారు. గత అసెంబ్లీలో ముఖ్యమంత్రిగా ప్రమాణ స్వీకారం చేసిన జగన్ కు అప్పుడు ఆయన పార్టీ తరఫున 151 మంది ఎమ్మెల్యులు ఉన్నారు. ఐదేళ్లు గిర్రున తిరిగి ఇప్పుడు  ఆయన కనీసం ప్రతిపక్ష నేత హోదాను కూడా కోల్పోయి ఎమ్మెల్యేగా ప్రమాణ స్వీకారం చేశారు. ఆయన పార్టీ తరఫున ఆయనతో సహా కేవలం 11 మంది ఎమ్మెల్యేలు మాత్రమే ఇప్పుడు ఉన్నారు. అంటే ఐదేళ్ల జగన్ పాలన పట్ల ప్రజలు ఎంతగా విసిగిపోయారో ఇట్టే అర్ధం చేసుకోవచ్చు. జగన్ కు కనీసం ప్రతిపక్ష హోదా కూడా దక్కకూడదన్నదే ప్రజా తీర్పు. ఆ ప్రజా తీర్పును ఎవరైనా సరే గౌరవించి తీరాల్సిందే. అందుకు ప్రస్తుత ముఖ్యమంత్రి, తెలుగుదేశం అధినేత చంద్రబాబుకు కూడా మినహాయింపు లేదు.

ఇక విషయానికి వస్తే ఎమ్మెల్యేగా అసెంబ్లీలో అడుగుపెట్టిన జగన్ కు చంద్రబాబు ఆయన కోరిన మీదటే అయినా కొన్ని వెసులు బాట్లు ఇవ్వడం పట్ల ప్రజలలో  ఒకింత అసంతృప్తి వ్యక్తం అవుతోంది. తెలుగుదేశం కూటమి ఎమ్మెల్యేలు కూడా బాబు మరీ అంత మంచితనం ప్రదర్శించకుండా ఉండాల్సిందని అంటున్నారు. ఇంతకీ జగన్ కోరిన మీదట చంద్రబాబు ఆయనకు కల్పించిన వెసులు బాట్లు ఏమిటయ్యా అంటే.. మంత్రులు వచ్చినట్లుగానే జగన్ కూడా తన వాహనంలోనే అసెంబ్లీ ఆవరణలోకి వచ్చే అవకాశం కల్పించడం, అలాగే ప్రమాణ స్వీకారానికి అక్షర క్రమంలో తన వంతు వచ్చే వరకూ వేచి చూడాల్సిన అవసరం లేకుండా మంత్రుల ప్రమాణ స్వీకారం కాగానే జగన్  ఎమ్మెల్యేగా ప్రమాణ స్వీకారం చేయడానికి అవకాశం ఇవ్వడం. ఈ వెసులు బాట్లను చంద్రబాబు జగన్ కు కల్పించడంపై తెలుగుదేశం, జనసేన ఎమ్మెల్యేలలోనే కాదు జనం నుంచి కూడా ఒకింత అసంతృప్తి వ్యక్తం అవుతోంది. జగన్ అసెంబ్లీలోకి ప్రవేశించగానే తెలుగుదేశం ఎమ్మెల్యే ఒకరు వచ్చావా? అంటూ ప్రశ్నించడం, అసెంబ్లీ బయట జగన్ మావయ్యా అంటూ జనం గేలి చేయడం చూసిన తరువాత జగన్ తన అస్తవ్యస్త పాలనతో అందరిలోనూ ఎంతగా వ్యతిరేకత మూటగట్టుకున్నారో అర్ధమౌతుంది. 

ఇక ఆయన హయాంలో అసెంబ్లీ నడిచిన తీరు, ప్రత్యర్థి పార్టీ నేతలను అవమానించిన విధం అందరికీ తెలిసిందే. అంతకు అంతా తిరిగి ఇచ్చేయాలన్న భావిస్తున్న తెలుగుదేశం ఎమ్మెల్యేలకు గతం గత: మనం మాత్రం మంచిగానే ఉందామనేలా చంద్రబాబు జగన్ కు వెసులుబాట్లు కల్పించడమేంటన్న ఆవేదన తెలుగుదేశం ఎమ్మెల్యేలలో వ్యక్తం అవుతోంది. అయితే కొందరు మాత్రం చంద్రబాబు తన పట్ల ప్రదర్శించిన ఉదారత  జగన్ కు చెంపపెట్టులా తగులుతుందని అంటున్నారు. అందుకే ఎమ్మెల్యేగా ప్రమాణ స్వీకారం చేసిన వెంటనే అసెంబ్లీ ఆవరణలోని తన చాంబర్ కు అక్కడ నుంచి బయటకు వెళ్లిన జగన్ మరోసారి అసెంబ్లీలో అడుగుపెట్టే సాహసం చేస్తారని అనుకోవడం లేదని పలువురు ఎమ్మెల్యేలు అంటున్నారు. ముఖ్యమంత్రిగా తన ప్రవర్తన ఎంత హేయంగా ఉందో తన హుందాతనంతో చంద్రబాబు జగన్ కు కళ్లకు కట్టేలా చూపించారంటున్నారు.  తొలి రోజే ఓ ఐదు నిముషాలు అసెంబ్లీలో కూర్చోలేకపోయిన జగన్.. ముందు ముందు అసెుంబ్లీలోకి వచ్చి సభా కార్యక్రమాలలో పాల్గొంటారని భావించలేమని పరిశీలకులు సైతం విశ్లేషిస్తున్నారు.  

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.