పోసాని కృష్ణ మురళి.. ప్రపంచంలోని తెలుగు ప్రజలకు పరిచయం అక్కర్లేని పేరు.. ఆయన మాటలు... తుపాకీ తూటాలు.. ఆయన సినిమాకు డైలాగ్స్ రాశారంటే.. ఆ డైలాగ్ పంచ్ ఎలా ఉంటుందో అందరికీ తెలిసిందే. ఆయన డైలాగ్ పంచ్‌.. తీవ్రత తెలియని సగటు తెలుగు సినిమా ప్రేక్షకుడు ఈ ప్రపంచంలోనే లేరంటే అతిశయోక్తి కాదేమో. అలాంటి పోసాని ఈ మధ్య తెరమరుగే కాదు.. కనుమరుగయ్యారంటూ ఓ టాక్ అయితే ఫిలింనగర్‌ వర్గాల్లో జోరుగా నడుస్తోంది. అప్పుడెప్పుడో రిపబ్లిక్ మూవీ ఫ్రీ రిలీజ్ ఫంక్షన్ సందర్భంగా పవర్ స్టార్, జనసేన పార్టీ అధ్యక్షుడు పవన్ కల్యాణ్ పలు అంశాలపై గళమెత్తారు. దానికి కౌంటర్‌గా ఆ వెంటనే పోసాని కృష్ణమురళి.. వరుసగా రెండు రోజులు ప్రెస్ మీట్ పెట్టి.. పవన్‌ కల్యాణ్‌పై అలా ఇలా కాదు.. ఓ రెంజ్‌లో చెలరేగిపోయారు. ఈ విషయాన్ని మీడియాలో తెలుగు ప్రజలంతా వీక్షించారు. 

మరి ఆంధ్రప్రదేశ్‌లో ఇటీవల వైయస్ జగన్ ప్రభుత్వం థియేటర్ల ఛార్జీల తగ్గింపు అలా ఇలా కాదు ఓ రేంజ్‌లో తగ్గించేసింది. ఈ అంశంపై టాలీవుడ్‌లో పలువురు పెద్దలంతా ప్రేక్షక పాత్ర పోషిస్తున్నారన్న సంగతి అందరికీ తెలిసిందే. ప్రస్తుతం టాలీవుడ్ క్లిష్ట పరిస్థితిని ఎదుర్కొంటుంది. అలాంటి సమయంలో పోసాని కృష్ణమురళీ లాంటి నిప్పులాంటి నికార్స్ అయినా నటుడు కమ్ డైలాగ్ రైటర్... నేను సైతం అంటూ ముందుకు వచ్చి.. ఈ సమస్యకు పరిష్కారం కోసం చొరవ చూపాలని ఫిలింనగర్‌లోని పోసాని కృష్ణమురళీ ఫ్యాన్స్ వెయ్యి కళ్లతో ఆశగా ఎదురు చూస్తుంది. ఏపీలో థియేటర్ల సమస్యకు పరిష్కార చూపగల సత్తా.. నేర్పు గల చాణక్యం పోసాని కృష్ణమురళి సొంతమని ఆయన ఫ్యాన్స్ గుర్తు చేస్తుంది. 

ఆంధ్రప్రదేశ్ ముఖ్యమంత్రి వైయస్ జగన్ మోహన్ రెడ్డి అంటే పోసాని కృష్ణమురళీకి ప్రాణమని... అందుకే నాడు ప్రతిపక్ష నేతగా వైయస్ జగన్‌ పాదయాత్రలో పోసాని పాల్గొని మరీ ఆయనకు మద్దతు కూడా తెలపారని.. అలాగే గత అసెంబ్లీ ఎన్నికల్లో సైతం వైయస్ జగన్ పార్టీ తరపున ఆయన ప్రచారం కూడా నిర్వహించారని ఫిలింనగర్‌లోని ఆయిన ఫ్యాన్స్ గుర్తు చేస్తుంది. అంతేకాదు.. ఆ ఎన్నికల్లో వైయస్ జగన్ పార్టీ బంపర్ మెజార్టీతో గెలుపొందింది. 

అయితే సరిగ్గా అదే సమయంలో పోసాని.. తీవ్ర అనారోగ్యానికి గురి అయ్యారు. ఈ విషయం ఏపీ ముఖ్యమంత్రి వైయస్ జగన్ తెలుసుకుని.. తన ముఖ్య సలహదారు సజ్జల రామకృష్ణారెడ్డిని.. తన వద్దకు పంపారని.. ఈ సందర్భంగా తనకు ఎమ్మెల్సీ, ఎమ్మెల్యే, రాజ్యసభ సీటు ఏదైనా ఇచ్చేందుకు ముఖ్యమంత్రి వైయస్ జగన్ సిద్ధంగా ఉన్నారని.. సజ్జల రామకృష్ణారెడ్డి.. తనకు తెలిపారని.. కానీ తనకు ఇవేమీ వద్దన్నానని... వైయస్ జగన్ ముఖ్యమంత్రిగా ఆంధ్రప్రదేశ్‌ను పరిపాలిస్తే.. చూడాలనుకున్నానని..  అది జరిగిందని.. తాను చాలా సంతోషపడ్డానని.. సజ్జల రామకృష్ణారెడ్డితో తాను చెప్పానని ఓ ఇంటర్వ్యూలో పోసాని కృష్ణమురళీనే స్వయంగా ఈ విషయం చెప్పారని ఫిలింనగర్‌లోని ఆయన ఫ్యాన్స్ పదే పదే గుర్తు చేసుకోంటుంది. 

మరి ఆంధ్రప్రదేశ్‌లో ఓ వైపు జగన్ ప్రభుత్వం థియేటర్లలో ఛార్జీల తగ్గింపు.. మరోవైపు ప్రభుత్వాధికారులు థియేటర్లలో  తనిఖీలు, సోదాలు.. ఇంకో వైపు థియేటర్ల యజమానులే.. ఈ ఛార్జీలతో తాము థియేటర్లు నడపలేమంటూ స్వయంగా థియేటర్లు మూసివేస్తున్న తీరు తమను తీవ్రంగా కలిచి వేస్తుందని ఫిలింనగర్‌లోని పోసాని ఫ్యాన్స్ ఆవేదన వ్యక్తం చేస్తుంది. 

ఏపీలో ఇలాంటి దారుణ పరిస్థితులు చోటు చేసుకుంటే.. ముఖ్యమంత్రి వైయస్ జగన్‌కీ పోసాని వీరాభిమానిగా.. ఫ్యాన్‌ పార్టీలో ఓ నేతగా.. ఆ పార్టీ కార్యకర్తగా.. బాధ్యతగల పౌరుడిగా.. ముఖ్యమంత్రి వైయస్ జగన్ వద్దకు వెళ్లి.. ఇలాంటి కఠిన నిబంధనల వల్ల చిత్ర పరిశ్రమ.. ఎంతగా నష్టపోతుందో కళ్లకు కట్టినట్లు వివరించి గల నేర్పు ఓర్పు తమ అభిమాన నటుడు పోసాని సొంతమని వారు గుర్తు చేస్తున్నారు. మరి ఆంధ్రప్రదేశ్‌లో చిత్ర పరిశ్రమకు సంబంధించి ఇంత రచ్చ రచ్చ జరుగుతోన్న పోసాని మాత్రం మౌనం వీడకుండా ఉండడం పట్ల ఆయన ఫ్యాన్స్ తీవ్ర ఆందోళన వ్యక్తం చేస్తుంది.

పోసాని కృష్ణమురళీ తీవ్ర అనారోగ్యంతో ఉండి ఉంటారని అందుకే ఆయన స్పందించలేదని.. ఆయన ఫ్యాన్స్ సర్ధిచెప్పుకొంటుంది. పోసాని కృష్ణమురళీ ఓ వేళ తీవ్ర అనారోగ్యంతో ఉండి ఉంటే.. ఆయన త్వరగా కోలుకోవాలని.. రాష్ట్రంలో చిత్ర పరిశ్రమ పడుతున్న ఇబ్బందులపై పోసాని ఓ ప్రెస్ మీట్ పెట్టి తనదైన స్టైల్‌లో ఓ రెంజ్‌లో చెలరేగిపోవాలని.. ఫిలింనగర్‌లోని ఆయన ఫ్యాన్స్ చేతులు జోడించి మరీ ఆ దేవుడిని కోరుకోంటుంది. మరి పోసాని కృష్ణమురళీ ఏం చేస్తారో చూడాలి?