దావోస్ లో కేటీఆర్, జగన్ భేటీ.. చీకటి ఒప్పందాల కోసమేనా?!

Publish Date:May 24, 2022

Advertisement

దావోస్ వేదికగా కేటీఆర్, జగన్ ల భేటీ రాజకీయ వర్గాలలో పెద్ద ఆశ్చర్యం కలిగించదు కానీ.. సామాన్య జనం మాత్రం ఇదేదో ఎనిమిదో వింత అన్నట్లు నిబిడాశ్చర్యంతో నోరెళ్ల బెడుతున్నారు. జగన్, కేటీఆర్ లు అంత ఆత్మీయంగా పలకరించుకోవడమేమిటి? అని నిర్ఘాంత పోతున్నారు. నిన్న గాక మొన్న ఆంధ్రప్రదేశ్ లో పరిస్థితులు ఎంత అధ్వానంగా ఉన్నాయో కేటీఆర్ హైదరాబాద్ వేదికగా ఒక బిజినెస్ సదస్సులో కుండ బద్దలు కొట్టారు.

దానిపై వైసీపీ నేతలు, మంత్రులు భగ్గుమన్నారు. టీఆర్ఎస్ హయాంలో తెలంగాణలో అభివృద్ధి ఎక్కడ అని నిలదీశారు. తెలంగాణలో కంటే ఆంధ్రలోనే అభివృద్ధి భేషుగ్గా ఉందని దబాయించారు. ఎన్నికల ముందు ఆంధ్ర, తెలంగాణ సెంటిమెంటును మరోసారి రెండు తెలుగు రాష్ట్రాల ప్రజలలోనే రెచ్చగొట్టే ప్రయత్నాలు చేశారు. ఎన్నికల ముందు టీఆర్ఎస్, వైసీపీలకు ప్రజలలో ఆ సెంటిమెంట్ సజీవంగా ఉండటం అవసరం కనుకనే ఇరు పార్టీలూ కూడబలుక్కునే ఈ వివాదాన్ని లేవనెత్తయని అప్పట్లోనే రాజకీయ వర్గాలలో చర్చ నడిచింది. ఆతరువాత అంతా మామూలే. ఇప్పుడు దావోస్ వేదికగా టీఆర్ఎస్, జగన్ లు కలవడం అందుకే రాజకీయ వర్గాలలో పెద్దగా చర్చ జరిగే అవకాశం లేదు. కానీ ఇటీవలి కాలంలో తెలంగాణ సీఎం కేసీఆర్ కేంద్రంపై, ప్రధాని మోడీపై విమర్శల వర్షం కురిపిస్తుండటం... అలాగే కేంద్రం కూడా తెలంగాణ పట్ల ఒకింత వ్యతిరేక ధోరణి కనబరచడం, అదే సమయంలో కేసీఆర్ అవినీతి కోట బద్దలౌతోందనీ, ఆయన త్వరలో జైలుకు వెళ్లడం ఖాయమనీ బీజేపీ ఏపీ అధ్యక్షుడు బండి పదే పదే సభలు, సమావేశాలలో చెబుతుండటంతో ఏదో జరగబోతోందన్న చర్చ రాజకీయ వర్గాలలో జోరుగా సాగుతోంది.

అలాగే కేంద్ర ఆర్థిక శాఖలోని అత్యంత విశ్వసనీయ వర్గాల సమాచారం మేరకు కేసీఆర్ అవినీతి, అక్రమాలపై సీబీఐ, ఈడీ దృష్టి సారించాయి. ఈ సమాచారం కేసీఆర్ కు కూడా లీక్ కావడంతోనే ఆయన నష్ట నివారణ చర్యలకు ఉపక్రమించారని ఆ వర్గాల భోగట్టా. ఈడీ సోదాల నుంచీ, సీబీఐ దర్యాప్తు నుంచి తప్పించుకోవడమెలా అన్న విషయంపై కేసీఆర్ జగన్ సలహా, సూచన తీసుకోవాలని నిర్ణయించుకున్నారనీ, ఏపీ, తెలంగాణలలో జగన్ తో భేటీ అయితే జనాలకు తప్పుడు సంకేతాలు వెలువడే అవకాశాలున్నాయన్న శంకతోనే ఈ భేటీ వేదికను దావోస్ ఎంపిక చేసుకున్నారంటున్నారు. అందుకోసమే పెద్ద ఎత్తున సిఫారసులతో కేటీఆర్ దావోస్ కు ఆహ్వానం అందేలా చేసుకున్నారనీ అంటున్నారు.

ఈ సలహా, సూచనలకు  జగనే ఎందుకంటే అన్న ప్రశ్నకు కూడా పరిశీలకులు విశ్లేషణాత్మక వివరణలు ఇస్తున్నారు. ఇప్పటికే ఈడీ, సీబీఐ విచారణలను ఎదుర్కొంటున్న జగన్ వాటి నుంచి ఎలా తప్పించుకోవాలి, విచారణ జాప్యం అవ్వడానికి ఏం చేయాలి అన్న విషయంలో విలువైన సహకారం అందించగలరన్నది కేసీఆర్ నమ్మకంగా చెబుతున్నారు. అందుకే జగన్ తో భేటీకి కేటీఆర్ అత్యంత ప్రాధాన్యతనిచ్చారని అంటున్నారు.

కేసీఆర్ అడగ్గానే జగన్ కేటీఆర్ తో భేటీకి అంగీకరించడానికి కూడా కారణముందంటున్నారు. గత ఎన్నికలలో ఏపీలో జగన్ అధికారంలోనికి వచ్చేందుకు అన్ని విధాలుగా కేసీఆర్ ‘సహాయ సహకారాలు’ అందించడంతో ఇప్పుడు ఆ రుణం తీర్చుకునే అవకాశం వచ్చిందని జగన్ భావిస్తున్నట్లు చెబుతున్నారు. ఆ కారణంతోనే జగన్, కేటీఆర్ లు ఇరువురూ కూడా దావోస్ లో పెట్టుబడుల వేట కంటే పరస్పర భేటీకే ఎక్కువ ప్రాధాన్యత ఇచ్చారని పేర్కొంటున్నారు.   

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.