కుస్తీ క్రీడాకారిణి, కాంగ్రెస్ నాయకురాలు వినేష్ ఫొగాట్ హర్యానా ఎన్నికలలో ఎమ్మెల్యేగా విజయం సాధించారు. జులానా నియోజకవర్గం నుంచి ఆమె గెలుపొందారు. ప్యారిస్ ఒలింపిక్స్.లో 100 గ్రాముల బరువు పెరిగిన కారణంగా పతకాన్ని కోల్పోయిన ఆమె, ఎన్నికలలో కూడా ఓడిపోయే పరిస్థితి వచ్చినా, చివరకు నిలదొక్కుకుని విజయం సాధించారు. ఒక దశలో ఆమె కౌంటింగ్ సమయంలో తాను ఓడిపోవడం ఖాయమనుకుని కౌంటింగ్ స్టేషన్ నుంచి కూడా వెళ్ళిపోయారు. అయితే తరువాతి రౌండ్స్.లో ఆమెకు ఓట్లు పెరిగి విజయం సాధించారు. ఈ స్థానంలో తనకు ప్రత్యర్థిగా నిలిచిన బీజేపీ అభ్యర్థి యోగేష్ కుమార్, ఆమ్ ఆద్మీ పార్టీ అభ్యర్థి కవితారాణి మీద ఫొగాట్ విజయం సాధించారు.