‘సైబరాబాద్ మొక్క’ హర్టయింది ఇందుకే...

Publish Date:Jun 20, 2024

Advertisement

తెలుగుదేశంలో వున్నప్పుడు చంద్రబాబు కీర్తన చేసిన ‘సైబరాబాద్ మొక్క’ విడదల రజిని, ఆ తర్వాత వైసీపీలో చేరి జగన్ భజన చేశారు. ఎమ్మెల్యే పదవితోపాటు మంత్రి పదవి కూడా పొందారు. జగన్ మెప్పు పొందడం కోసం ఏ నోటితో అయితే చంద్రబాబుని కీర్తించారో.. అదే నోటితో చంద్రబాబుని అనరాని మాటలు అన్నారు. రాజకీయ ఊసరవెల్లి తనానికి నిఖార్సయిన నిదర్శనంగా తెలుగు ప్రజల దృష్టిలో నిలిచారు. ఈ సైబరాబాద్ మొక్క విడదల రజిని మొన్నటి వరకు మంత్రి పదవి వెలగబెట్టి, ఈ ఎన్నికలలో గుంటూరు వెస్ట్ స్థానం నుంచి పోటీ చేశారు. గుంటూరు వెస్ట్ ఓటర్లు ఈమె వేస్ట్ అని డిసైడ్ చేసి ఓడించారు. అప్పట్లో జగన్‌కి అంత చెక్క భజన చేసిన రజిని ఇప్పుడు పార్టీ మారిపోవడానికి సన్నాహాలు చేసుకుంటున్నారు. జగన్ పార్టీ ఇక కోలుకునే అవకాశం ఎంతమాత్రం లేదు కాబట్టి, మునిగిపోయే ఈ పడవలో ప్రయాణం చేయడం కంటే, సేఫ్‌గా తప్పించుకునే ప్లాన్‌లో విడదల రజిని వున్నారు. ఈమె పార్టీ మారడానికి సన్నాహాలు చేసుకోవడానికి ప్రధాన కారణం రాజకీయ భవిష్యత్తును వెతుక్కోవడం కంటే, జగన్ కాంపౌండ్లో తనకు జరిగిన అవమానమే అని తెలుస్తోంది.

జగన్ పార్టీ ఎన్నికలలో ఓడిపోయిన తర్వాత, ఎన్నికలలో ఓడిపోయిన తన పార్టీ మాజీ ఎమ్మెల్యేలను పార్టీ ఆఫీసుకి పిలిపించారు. అక్కడకి కొంతమంది మాజీ ఎమ్మెల్యేలతోపాటు విడదల రజిని కూడా వెళ్ళారు. ఇక్కడ ఓడిపోయిన మిగతావారితోపాటు విడదల రజినికి కూడా ఘోర అవమానం జరిగింది. జగన్‌తో భేటీ సమయంలో జగన్ రాజాలాగా కుర్చీలో కూర్చుని వుంటే, ఇద్దరు ముగ్గురు మాత్రమే ఆయన ముందు కూర్చున్నారు. విడదల రజనితోపాటు చాలామంది జగన్ ముందు చేతులు కట్టుకుని నిల్చున్నారు. అందరితోపాటు చేతులు కట్టుకుని జగన్ ముందు నిల్చున్న విడదల రజిని ఫొటో బయటకి వచ్చింది. అక్కడ తనకు జగన్ ఇచ్చిన ట్రీట్‌మెంట్ ఆమెలో ఆవేదన పెంచినట్టు తెలుస్తోంది.

జగన్ పిలిచిన వాళ్ళే మీటింగ్‌కి వస్తారు.. పార్టీ ఆఫీసులో మీటింగ్ పెట్టడానికి పెద్ద హాల్, బోలెడన్ని కుర్చీలు కూడా వున్నాయి. ఎంతమంది వస్తారో జగన్‌కి తెలుసు కాబట్టి ఈ మీటింగ్ ఏదో వాటిలో పెట్టకుండా, ఒక ఇరుకు గదిలో పెట్టి, అందర్ని నిల్చోబెట్టే జగన్ మాట్లాడి పంపించేశారు. ఎమ్మెల్యేలుగా గెలిచినవాళ్ళ మీద వున్న గౌరవం ఎలా వుంటుందో.. ఓడిన వాళ్ళ మీద గౌరవం ఎలా వుంటుందో జగన్ ఈ మీటింగ్‌లో చెప్పకనే చెప్పారు. అప్పటి వరకు మంత్రులుగా  బిల్డప్పుగా వున్నవారు... ఒక్కసారిగా చేతులు కట్టుకుని నిలబడాల్సిన పరిస్థితి వస్తే ఎంత అవమానంగా వుంటుందో ఊహించండి.. విడుదల రజిని అలా అవమానంగా ఫీలయ్యారు.

ఊసరవెల్లిలాగా మాట మార్చినందుకు జనం విడదల రజినిని ‘సైబరాబాద్ మొక్క’ అని ఎగతాళిగా మాట్లాడతారుగానీ, ఆమె స్థాయి ఆమెకు వుంది. ఆర్థికంగా ఆమె చాలా స్ట్రాంగ్‌గా వుంది.. అలాంటి వ్యక్తి జగన్ ముందు కూర్చునే అవకాశం కూడా లేకుండా, చేతులు కట్టుకుని నిల్చోవాల్సి రావడం ఆమెను చాలా బాధించినట్టు సమావేశం. మొగుడు కొట్టినందుకు కాదు.. తోడికోడలు నవ్వినందుకు అన్నట్టుగా, తాను అలా చేతులు కట్టుకుని ఎలిమెంటరీ స్కూల్ పిల్లలా నిల్చున్న ఫొటోలు బయటకి రావడం కూడా ఆమెను బాగా హర్ట్ చేసినట్టు సమాచారం. వంక లేనమ్మకి డొంక దొరికినట్టు... జగన్ పార్టీ నుంచి తప్పించుకోవడానికి ఇదొక సాకులా దొరికింది. ఆమె కుటుంబం కూడా ఇంత అవమానించిన ఈ పార్టీలో ఉండాల్సిన అవసరం లేదని చెప్పడంతో ఇప్పుడు విడదల రజిని పార్టీ మారడానికి సన్నాహాలు చేసుకుంటున్నట్టు సమాచారం. అంటే, మన ‘సైబరాబాద్ మొక్క’ త్వరలో మరో పార్టీ అధ్యక్షుడికి భజన చేయడం చూసే అవకాశం తెలుగు ప్రజలకు లభించబోతోందన్నమాట!

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.