ఊసరవెల్లికి ఉపాధ్యాయుడు ఉండవల్లి!

Publish Date:Jun 15, 2024

Advertisement

ఉండవల్లి అరుణ్ కుమార్ గురించి తెలుగు ప్రజలకు ప్రత్యేక పరిచయం అక్కర్లేదు. వైఎస్ హయాంలో రాజమహేంద్రవరం ఎంపీగా రెండు సార్లు పని చేసిన ఆయన వైఎస్ కు వీరభక్తహనుమాన్ గా గుర్తింపు పొందారు. వైఎస్ మరణం తరువాత ఆయన తన విధేయతను జగన్ వైపు మరల్చుకున్నారు. రాష్ట్ర విభజనను వ్యతిరేకిస్తూ రాజకీయ సన్యాసం పుచ్చుకున్నారు. అప్పటి నుంచీ అడపాతడపా.. కాదు కాదు జగన్ కు ఇబ్బంది వచ్చిన ప్రతి సారీ మీడియా ముందుకు వచ్చి తనకు తప్ప మరెవరికీ సాధ్యం కాని లాజిక్ తో  ప్రసంగాలు దంచేస్తుంటారు. 

ఉండవల్లి రంగులు మార్చే విద్యలో  ఊసరవెల్లికే పాఠాలు చెప్పగల దిట్ట. ఔను ఈ  స్వయం ప్రకటిత మేధావి  ఉండవల్లి జగన్ కుట్రలకు వత్తాసు పలుకడానికి తప్ప ఎన్నడూ మీడియా ముందుకు వచ్చిన దాఖలాలు లేవు.  సీనియర్ రాజకీయ నాయకుడు అయి ఉండీ వాస్తవాలను కప్పిపుచ్చి తన వాగ్ధాటినంతా జగన్ కు మేలు చేసేలా ఉపయోగించడంతో  జనంలో క్రెడిబులిటీ కోల్పోయి చులకన అయ్యారు. ఎంత సేపూ తన రాజకీయ గురువు వైఎస్ రాజశేఖరరెడ్డి కుమారుడు, ఏపీ సీఎం జగన్ కు వత్తాసు పలికేందుకు నిజాలకు మసిపూసి అబద్ధాలకు మెరుగులద్దే విద్యలో ఆరితేరిన ఉండవల్లి.. మార్గదర్శిలో అవకతవకలు జరుగుతున్నాయంటూ రామోజీరావుపై కేసు వేసిన ఉండవల్లి అరుణ్ కుమార్ ఆయన చనిపోయిన తరువాత రామోజీ వంటి  శక్తిమంతుడైన వ్యక్తిని తానెన్నడూ చూడలేదంటూ పొగడ్తల వర్షం కురిపించి మొసలి కన్నీరు కార్చేందుకు ఇసుమంతైనా వెనుకాడలేదు. 
రాష్ట్ర విభజన అనంతరం జరిగిన ఎన్నికలలో తెలుగుదేశం విజయం సాధించి చంద్రబాబు ముఖ్యమంత్రిగా పదవీ బాధ్యతలు చేపట్టిన తరువాత.. ఉండవల్లి క్రమం తప్పకుండా మీడియా సమావేశాలు ఏర్పాటు చేసి పోలవరం, అమరావతి నిర్మాణాలపై తర్కానికి అందని విమర్శలు చేస్తూ ఉండేవారు. అదే 2019 ఎన్నికలలో తెలుగుదేశం పార్టీ పరాజయం పాలై వైసీపీ అధికారంలోకి వచ్చి జగన్ ముఖ్యమంత్రి అయిన తరువాత ఉండవల్లి మీడియా ముందుకు జగన్ ను పొగడడానికి మాత్రమే వచ్చేవారు. ఆంధ్రప్రదేశ్ రాష్ట్రానికి జీవనాడి వంటి పోలవరం పనులు ఆగిపోవడంపై కానీ, అమరావతిని జగన్ సర్కార్ నిర్వీర్యం చేయడంపై గానీ ఉండవల్లి ఎన్నడూ నోరెత్తిన దాఖలాలు లేవు.  

ఇప్పుడు వైసీపీ ఘోర పరాజయం పాలు కాగానే ఆయన అసలు ఏపీలో వైసీపీ అనే పార్టీయే లేదు ఉన్నదల్లా జగన్ ఒక్కడే అంటూ మీడియా ఎదుట ఓ బ్రహ్మాండమైన ప్రకటన చేసేసి ఆ విషయంలో తాను జగన్ కు ఎన్నిసార్లు సుద్దులు చెప్పినా పట్టించుకోలేదని ఒకింత అసహనం కూడా వ్యక్తం చేశారు. ఇప్పటికైనా ఈ ఐదేళ్లూ జగన్ పార్టీ పటిష్టతపై దృష్టి పెట్టాలని అన్యాపదేశంగా ఓ చిన్న బోధ కూడా చేసేశారు.  

అధకారంలో ఉన్నంత కాలం జగన్ పార్టీ నేతలు సభ్యత, సంస్కారం మరచి బూతులతో ప్రత్యర్థి నేతలపై రెచ్చిపోయినప్పుడు వాటిని వారించడానికి కానీ, తప్పు అని చెప్పడానికి కానీ ఎన్నడూ నోరెత్తని ఉండవల్లి, జగన్ అధికారం కోల్పోగానే ఆయనకు మద్దతుగా బూతులు మాట్లాడిన నేతల కారణంగానే వైసీపీ పరాజయం పాలైందని ఓ స్టేట్ మెంట్ ఇచ్చి పారేశారు. ఇప్పటికైనా జగన్ ఆత్మవిమర్శ చేసుకోవాలని సుద్దులు చెప్పిన ఉండవల్లి ఊసరవెల్లికే రంగులు మార్చే విద్యలో తర్ఫీదు ఇవ్వగలరనిపించేలా ఆయన వ్యాఖ్యలు ఉన్నాయి. 

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.