రాష్ట్రవ్యాప్తంగా ఆదివారం నిర్వహించిన ఉల్లాస్ పరీక్షకు హాజరవుతున్న లక్షలాది మంది స్వయం సహాయక సంఘాల మహిళలకు మంత్రి సీతక్క అభినందనలు తెలిపారు. విద్యకు వయసుతో సంబంధం లేదని.. విద్యే మనిషికి బలమైన ఆయుధమని ఆమె పేర్కొన్నారు. కుటుంబ బాధ్యతలు, ఆర్థిక ఇబ్బందులు, ఉపాధి సమస్యలు, చిన్న వయసులో వివాహం వంటి కారణాలతో ఎంతోమంది మహిళలు మధ్యలోనే చదువును నిలిపివేశారని మంత్రి తెలిపారు. 

అయితే, బడి మానేయడం అంటే చదువు ముగిసిపోయినట్లు కాదని.. ఆగిపోయిన చదువును ఎప్పుడైనా తిరిగి కొనసాగించవచ్చని అన్నారు.ఉల్లాస్ పరీక్షలో ఉత్తీర్ణత సాధించిన వారికి నేరుగా పదో తరగతి పరీక్ష రాసే అవకాశం లభిస్తుందని సీతక్క వెల్లడించారు. స్వయం సహాయక సంఘాల్లో చదువు మధ్యలో ఆపేసిన మహిళలను గుర్తించి, వారు తిరిగి విద్యను కొనసాగించేలా ఇందిరా మహిళా శక్తి కార్యక్రమం ద్వారా సెర్ప్ ప్రత్యేకంగా ప్రోత్సహిస్తోందని తెలిపారు.మహిళలను కేవలం ఆర్థికంగా స్వావలంబులుగా చేయడమే కాకుండా.. విద్య, సామాజిక సాధికారతలోనూ ముందుకు తీసుకెళ్లడమే ఇందిరా మహిళా శక్తి లక్ష్యమని మంత్రి సీతక్క స్పష్టం చేశారు.

[ ULLAS Exam, Minister Seethakka, Self Help Groups, SHG Women, Indira Mahila Shakti, SERP, Women Empowerment, Adult Education, Education for Women, Class 10 Exam, Telangana Government, Women Education, Social Empowerment, Self Reliance, Telangana News ]