పల్లెపల్లెకు పసుపు దండు.. డిసెంబర్ లో  గౌరవ సభలు

Publish Date:Nov 28, 2021

Advertisement

ఆంధ్రప్రదేశ్ లోని వైసీపీ ప్రభుత్వంపై పోరాటానికి కార్యచరణ ప్రకటించింది ప్రతిపక్ష తెలుగు దేశం పార్టీ. డిసెంబర్ 1 నుంచి పల్లెపల్లెకు వెళ్లనుంది. చంద్రబాబు అధ్యక్షతన జరిగిన టీడీపీ పొలిట్ బ్యూరో సమావేశంలో పలు డిమాండ్స్ తో కూడిన ఎజెండాను సిద్ధం చేసింది.  ఇటీవల అసెంబ్లీలో జరిగిన పరిణామాలు, నారా భువనేశ్వరిపై వైసీపీ ఎమ్మెల్యేలు చేసిన అసభ్య పదజాలంపై జనంలోకి వెళ్లాలని టీడీపీ నిర్ణయించింది.  మొత్తం 17 అంశాలపై చర్చించి, నిర్ణయాలు తీసుకుంది టీడీపీ.

అధికార వైసీపీని గద్దెదించి, ప్రజాస్వామ్యాన్ని కాపాడే వరకు విశ్రమించకుండా పోరాటం సాగించాలని పొలిటిబ్యూరో సమావేశంలో తెలుగుదేశం పార్టీ అధ్యక్షుడు నారా చంద్రబాబు పిలుపునిచ్చారు. చట్టాలు చేయాల్సిన గౌరవ సభ .. జగన్ రెడ్డి అధ్యక్షతన కౌర సభగా మారిందని చంద్రబాబు మండిపడ్డారు. అసెంబ్లీ వేదికగా మహిళల వ్యక్తిత్వంపై ఏవిధంగా దాడి చేశారో ప్రజలకు వివరించే ప్రయత్నంలో భాగం డిసెంబర్ 1 నుంచి రాష్ట్ర వ్యాప్తంగా ప్రతి పల్లెల్లో, పట్టణాల్లో గౌరవ సభలు నిర్వహించాలని నిర్ణయించింది పొలిట్ బ్యూరో సమావేశం. సామాజంలో ఆడపడుచుల గౌరవంపై విస్తృత స్థాయిలో చైతన్యం కల్పించాలని పార్టీ భావిస్తోంది.

ఏపీ అసెంబ్లీ వేదికగా చంద్రబాబు, ఆయన సతీమణి భువనేశ్వరి పై అధికార పార్టీ నేతలు చేసిన వ్యక్తిగత విమర్శలు, వ్యక్తిత్వం హననం పై చంద్రబాబు భావోద్వేగానికి లోనై,తిరిగి ముఖ్యమంత్రి అయిన తరువాతే మళ్లీ అసెంబ్లీ అడుగుపెడుతానని శపథం చేశారు. చంద్రబాబు శపథంపై పొలిట్ బ్యూరో సభ్యులు ఏకగ్రీవంగా మద్దతును ప్రకటించారు. పార్టీ నాయకుల నుంచి కిందిస్థాయి కార్యకర్తల వరకు చంద్రబాబు అసెంబ్లీ శపథంపై కట్టుబడి ఉందని సభ్యులు పేర్కొన్నారు. దీనిబట్టిచూస్తే.. అందుకు తగిన విధంగా గ్రాస్ రూట్ లో పార్టీని ముందుకు తీసుకుపోయేందుకు పావులు కదుపుతున్నట్లు తెలుస్తోంది.

ఇటీవల రాయలసీమలో సంభవించిన వరదలు, మరణాలపై న్యాయ విచారణ డిమాండ్ తోపాటు వరదల్లో చనిపోయిన మృతుల కుటుంబాలకు రూ. 25 లక్షలు, వరి పంట నష్టపోయిన రైతులకు హెక్టారుకు 25 నష్టపరిహారం చెల్లించాలని, రాష్ట్ర ఆర్థిక పరిస్థితిపై కాగ్ సీరియస్ వ్యాఖ్యలు, ప్రభుత్వం చేస్తున్న అప్పులు, ఆర్థిక నిర్వహణ అస్తవ్యస్తం వంటి వాటిపై శ్వేత పత్రం విడుదల చేయాలని, అమరావతిని ఏకైక రాజధానిగా ప్రకటించాని, బీసీలకు రిజర్వేషన్ల కోసం పార్లమెంట్ లో కేంద్రంపై ఒత్తిడి తీసుకురావాలని, పెంచిన పెట్రోల్, డీజిల్ ధరలను తక్షణమే తగ్గించాలని, పంచాయితీ నిధులను వెంటనే జమచేయాలని ఇలా పలు అంశాలతో కూడిన డిమాండ్స్ ను ఎజెండాగా సభ్యులు రూపొందించారు. ప్రభుత్వంపై తీవ్ర ఒత్తిడి తీసుకొచ్చైనా సరే.. ప్రజలకు మేలు జరిగేలా చూడాలని అధినేత చంద్రబాబు సభ్యులకు దిశానిర్దేశం చేశారు. 

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.