నీకో దణ్ణం.. నీ పార్టీకో దణ్ణం..తానేటి వనితకు నిరసన సెగ

Publish Date:Nov 17, 2023

Advertisement

ఏపీ హోం మంత్రి తానేటి వనితను ప్రజలు, సొంత పార్టీ కార్యకర్తలే అడ్డుకున్నారు. బాధిత కుటుంబాన్ని పరామర్శించేందుకు వెళ్లిన మంత్రిని గంటన్నర పాటు నడిరోడ్డుపైనే నిలబెట్టి వెనుదిరిగి వెళ్లిపొమ్మన్నారు. హోంమంత్రి కదా.. భారీ సంఖ్యలో పోలీసులను రప్పించుకుని  లైన్ క్లియర్ చేయించుకున్నారు. దీంతో  ఆమె తీరు పట్ల మరింత ఆగ్రహం వ్యక్తం అయ్యింది. మా ఊరికి వచ్చి మమ్మల్నే అడ్డుకుంటారా అంటూ ప్రజలు తిరగబడ్డారు. చివరికి వైసీపీ మండల స్థాయి నేతలు, గ్రామ నేతలు ప్రజలకు నచ్చజెప్పడంతో మంత్రి వనిత బాధితుడిని పరామర్శించి సాయం చెక్కును అందించి, ఇంట్లో ఒకరికి ప్రభుత్వ ఉద్యోగం హామీ ఇచ్చి అక్కడ నుండి వెనుదిరిగారు. బాధితుడి చావుకు ప్రభుత్వం, పోలీసులే కావడం, స్వయంగా హోంమంత్రి అలసత్వం కారణంగానే బాధితుడు మరణించడంతో సొంత పార్టీ కార్యకర్తలలో కూడా ఆగ్రహం పెల్లుబికింది. ప్రజలైతే ఏకంగా మంత్రిపై తిరగబడ్డారు. మీ పరామర్శ మాకు అవసరం లేదంటూ గో బ్యాక్ నినాదాలిచ్చారు. మనుషుల్ని చంపేసి ఓదార్పు యాత్రకు వచ్చారా అంటూ ఆగ్రహం వ్యక్తం చేశారు.  మీరూ వద్దు.. మీ ప్రభుత్వం వద్దు.. మీకో నమస్కారం.. మీ పార్టీకో నమస్కారం అంటూ అసహనం వ్యక్తం చేశారు.

ఈ నెల ఆరున  కొవ్వూరు నియోజకవర్గం దొమ్మేరులో గడప గడపకు మన ప్రభుత్వం కార్యక్రమం నిర్వహించారు. నిర్వహించారు. దీనికి స్థానిక ఎమ్మెల్యే, రాష్ట్ర హోం మంత్రి తానేటి వనిత హాజరయ్యారు. అయితే ఈ కార్యక్రమం సందర్భంగా స్థానిక వైసీపీ నేతలు భారీగా ఫ్లెక్సీలు ఏర్పాటు చేశారు. ఏర్పాటు చేసిన ఫ్లెక్సీలలో ఒక దానిలో స్థానిక నాయకుల ఫోటోల్ని చించేసిన ఘటన చోటు చేసుకుంది. ఈ ఉదంతంపై పోలీసులకు ఫిర్యాదు అందగా.. మహేందర్ అనే దళిత యువకుడిని అరెస్ట్ చేసి పోలీసులు హింసించారు. మహేందర్ వైసీపీ కార్యకర్త అవ్వడమే కాకుండా హోంమంత్రి తానేటి వనిత కోసం కూడా  పనిచేశాడు. కానీ, ఫ్లెక్సీల గొడవ వ్యవహారంలో పోలీసులు అత్యుత్సాహం ప్రదర్శించి అతన్ని చితకబాదారు. పోలీసులు అతన్ని అరెస్ట్ చేసిన సమయంలోనే మహేందర్ తానేటి వనితకు ఫోన్ చేయగా.. నిన్నేం చేయరు పంపించేస్తార్లే అంటూ నిర్లక్ష్యంగా సమాధానం చెప్పారట. చిత్రహింసల అనంతరం పోలీసులు అతడ్ని విడిచి పెట్టారు. స్టేషన్ నుండి ఇంటికి వచ్చిన మహేందర్ అవమానభారంతో ఆత్మహత్యాయత్నం చేశాడు. కుటుంబ సభ్యులు ఆసుపత్రికి తరలించగా అక్కడ చికిత్స పొందుతూ మరణించాడు.

ఇది ఒకరకంగా పోలీసుల హత్యే,  ముఖ్యంగా హోంమంత్రి విజయం కోసం పనిచేసి, హోంమంత్రి కార్యక్రమాన్ని విజయవంతం చేసేందుకు కృషిచేసిన దళిత సామజిక వర్గానికి చెందిన కార్యకర్తను పోలీసులే చిత్రహింసలు పెట్టి చంపేశారు. తనకు సాయం చేయాలని కోరుతూ మంత్రికి ఫోన్ చేసినా ఆమె నిర్లక్ష్యంగా వ్యవహరించడంతో ఓ నిండు ప్రాణం పోయింది.  దీనిని స్థానిక ప్రజలు, వైసీపీ కార్యకర్తలు జీర్ణించుకోలేకపోయారు. స్థానికంగా పార్టీలో ఉన్న ఆధిపత్య పోరు ఫ్లెక్సీల వివాదానికి దారితీయడం..  పోలీసులు అత్యుత్సాహంతో ఓ కార్యకర్త కన్నుమూశాడు. హోంమంత్రి సొంత నియోజకవర్గం కావడంతో ఈ విషయం రాష్ట్రస్థాయిలో  సంచలనం సృష్టించింది. బాధిత కుటుంబాన్ని పరామర్శించి పరిహారం చెక్కులు అందించేందుకు మంత్రి వెళ్లడంతో అక్కడ ఉద్రిక్త పరిస్థితి నెలకొంది. ప్రజలు మంత్రిని రానివ్వకుండా అడ్డుకోవడంతో మంత్రి రోడ్డుపైనే గంటన్నర వేచిచూడాల్సి వచ్చింది. 

మంత్రి ఏది ఏమైనా పరామర్శించే వెళ్తానని భీష్మించుకోవడంతో స్థానిక ప్రజలు మంత్రిని చుట్టుముట్టి ముందుకు కదలనీయకుండా చేశారు. అదే సమయంలో స్థానిక తెలుగుదేశం దళిత నేతలతో పాటు నియోజకవర్గం వ్యాప్తంగా పలువురు టీడీపీ నేతలను  హౌస్ అరెస్ట్ చేశారు. అనంతరం భారీ ఎత్తున పోలీసులు రంగంలోకి దిగడం, స్థానిక వైసీపీ నేతలు కల్పించుకొని బాధిత కుటుంబాన్ని ఒప్పించి మంత్రిని కలిసేలా చేశారు. దీంతో తాను తీసుకొచ్చిన పరిహారం చెక్కు  బాధితుడి కుటుంబానికి అందజేసి.. వారి ఫ్యామిలీలో ఒకరికి ఉద్యోగం ఇస్తానన్న హామీ ఇచ్చి వెనుదిరిగారు. దీంతో ఈ వ్యవహారం ఉభయగోదావరి జిల్లాలో హాట్ టాపిక్ గా మారింది. దళిత యువకుడిని పోలీసులే హింసపెట్టి చంపడంపై ప్రతిపక్షాలు తీవ్రంగా మండిపడుతుండగా.. ప్రశ్నిస్తున్న వారిని ఎక్కడిక్కడ నిర్బంధించడం వివాదాస్పదమౌతోంది. 

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.