విశ్వహిందూ పరిషత్ తమిళనాడు శాఖవాళ్ళు తమిళనాడు మహిళలకు బంపర్ ఆఫర్ ఒకటి ప్రకటించారు. ఐదుగురు పిల్లలను కన్న మహిళను అవార్డు ఇచ్చి సత్కరించనున్నామని విశ్వహిందూ పరిషత్ రాష్ట్ర ప్రధాన కార్యదర్శి ఆర్.ఆర్.గోపాల్‌జీ ప్రకటించారు. భారతదేశాన్ని, ధర్మాన్ని కాపాడుకోవాలంటే ఈ దేశ సోదరీమణులు ఎక్కువ సంఖ్యలో పిల్లల్ని కనాల్సిన అవసరం వుందని ఆయన అన్నారు. ఈ విషయంలో రాజకీయాలు చేయాల్సిన అవసరం లేదని ఆయన చెప్పారు. ఇతర మతాలవాళ్ళు మతం పేరుతో భారీ సంఖ్యలో పిల్లల్ని కంటున్నప్పుడు హిందు స్త్రీలు మాత్రం ఎందుకు ఎక్కువ మంది పిల్లల్ని కనకూడదని ఆయన ప్రశ్నించారు. అందుకే ఐదుగురు పిల్లలను కనే తల్లులకు అవార్డును ప్రదానం చేయాలని ఆలోచిస్తున్నామన్నారు.