తాజా వార్తలు మరిన్ని →

బాబు, పవన్ లోకేష్ దసరా శుభాకాంక్షలు: రాష్ట్రం సుభిక్షంగా ఉండాలని ఆకాక్ష.!

కాలుష్య భారతం: కాలుష్య నగరాల జాబితాలో ఇండియా టాప్.!

సమాజ శ్రేయస్సే వ్యాపార పరమార్ధం: రతన్ టాటా బాటలోనే నోయెల్ టాటా.. పేదల వైద్యం కోసం 50 ఆస్పత్రులు.!

ఫ్లైదుబాయ్ విమానాన్ని ప్లంబర్ కాపాడాడా.. వైరల్ ప్రచారంపై కెప్టెన్ స్మిత్ మాచర్ క్లారిటీ.!

జగన్, దావూద్ ఇబ్రహీం తరహా నేరసామ్రాజ్యం నడిపిస్తుంటాడు: సీఎం చంద్రబాబు

రాజంపేటలో ఏకగ్రీవ పర్వం..మడకశిరలో జనసేనకు బిగ్ షాక్.!

ఫ్యూచర్‌ సిటీ నూతన పోలీస్‌ కమిషనరేట్‌‌ను ప్రారంభించిన సీఎం రేవంత్.!

ఎల్ నినో పరిస్థితులపై కేబినెట్ సబ్ కమిటీ ఏర్పాటు.!

అమెరికా విదేశాంగ కార్యదర్శి భారత్ పర్యటన: ఎందుకో తెలిస్తే షాకే.!

అమ్మాయి పేరుతో వల.. నగ్న ఫొటోలతో బ్లాక్‌మెయిల్‌.!

రాజకీయంమరిన్ని →

రాజంపేటలో ఏకగ్రీవ పర్వం..మడకశిరలో జనసేనకు బిగ్ షాక్.!

ఆంధ్రప్రదేశ్‌లో జరుగుతున్న స్థానిక సంస్థల ఎన్నికల ప్రక్రియలో అనూహ్య పరిణామాలు చోటుచేసుకుంటున్నాయి. ముఖ్యంగా అన్నమయ్య జిల్లాలోని ప్రతిష్టాత్మక రాజంపేట మున్సిపాలిటీ ఎన్నికల బరిలో ఊహించని మలుపులు తిరుగుతున్నాయి. ఈ పురపాలిక రాజకీయం ఇప్పుడు ఒక్కసారిగా రాష్ట్రవ్యాప్తంగా చర్చనీయాంశంగా మారింది. రాజంపేట మున్సిపాలిటీ ఛైర్‌పర్సన్‌ పదవిని దక్కించుకునేందుకు ప్రధాన రాజకీయ పార్టీల మధ్య తీవ్ర పోటీ నెలకొంటుందని అందరూ భావించారు. అయితే, అనూహ్య రీతిలో ఈ స్థానం ఏకగ్రీవం అయ్యే దిశగా అడుగులు పడుతుండటం రాజకీయ వర్గాల్లో హాట్ టాపిక్‌గా మారింది. ఈ పురపాలిక ఛైర్‌పర్సన్‌ స్థానం కోసం మొత్తం ముగ్గురు అభ్యర్థులు తమ నామినేషన్లను దాఖలు చేశారు. నామినేషన్ల ఘట్టం ముగిసిన అనంతరం అధికారులు నిర్వహించిన పరిశీలనలో కీలక పరిణామాలు చోటుచేసుకున్నాయి. పత్రాల పరిశీలన సమయంలో ఎన్నికల అధికారులు నిబంధనలను కఠినంగా అమలు చేశారు. ఈ పరిశీలనలో ప్రత్యర్థి పార్టీలకు చెందిన అభ్యర్థుల నామినేషన్లు పలు కారణాల చేత తిరస్కరణకు గురయ్యాయి. ప్రధానంగా వైసీపీ అభ్యర్థితో పాటు మరో అభ్యర్థి సమర్పించిన పత్రాల్లో లోపాలు ఉండటంతో అధికారులు వాటిని రద్దు చేస్తున్నట్లు ప్రకటించారు. దీంతో మైదానంలో తెలుగుదేశం పార్టీ తరఫున ఛైర్‌పర్సన్‌ అభ్యర్థిగా నామినేషన్ వేసిన దొంతం గాయత్రి ఒక్కరే బరిలో మిగిలిపోయారు. సాంకేతిక కారణాలు నిబంధనల ఉల్లంఘన కారణంగా మిగతా వారి పత్రాలు తిరస్కరించబడటంతో రాజకీయ సమీకరణాలు పూర్తిగా మారిపోయాయి. ఇలా ఇతర అభ్యర్థులందరి నామినేషన్లు రద్దు కావడంతో, రాజంపేట పురపాలిక పీఠం అధికార కూటమి ఖాతాలో సులువుగా పడే అవకాశాలు స్పష్టంగా కనిపిస్తున్నాయి. మిగిలిన ఏకైక అభ్యర్థిగా దొంతం గాయత్రి పేరు ఖరారయ్యే దిశగా మున్సిపల్ అధికారులు తదుపరి లాంఛనాలను పూర్తి చేసేందుకు సిద్ధమవుతున్నారు.రాష్ట్రంలోని వివిధ ప్రాంతాల్లో జరుగుతున్న నామినేషన్ల పరిశీలనలోనూ ఇదే తరహాలో నిబంధనల తనిఖీలు కఠినంగా సాగుతున్నాయి. సరైన పత్రాలు లేకపోవడం మున్సిపల్ బకాయిల వంటి కారణాలతో పలుచోట్ల అభ్యర్థులకు ఎదురుదెబ్బలు తగులుతున్నాయి.రాజంపేట మున్సిపాలిటీలో త్వరలోనే అధికారికంగా ఏకగ్రీవ ఫలితం వెలువడే అవకాశం ఉందని స్థానిక రాజకీయ పరిశీలకులు భావిస్తున్నారు. ఈ పరిణామాలు స్థానిక రాజకీయాల్లో కొత్త చర్చకు దారితీశాయి. శ్రీసత్యసాయి జిల్లా మడకశిరలో జనసేన పార్టీకి షాక్ తగిలింది. మున్సిపల్ ఛైర్మన్ పదవికి జనసేన తరఫున నామినేషన్ దాఖలు చేసిన అభ్యర్థి ఎస్ఈ శ్రీనివాస్ నామినేషన్‌ను అధికారులు తిరస్కరించారు. దీంతో ఛైర్మన్ పదవిని దక్కించుకోవాలనే జనసేన పార్టీ ప్రయత్నాలకు గట్టి ఎదురుదెబ్బ తగిలినట్లయింది. ఎన్నికల్లో పోటీ చేయాలనుకునే అభ్యర్థులు నామినేషన్ పత్రాలను నిబంధనల ప్రకారం పూర్తిగా నింపి, అవసరమైన వివరాలన్నింటినీ సమర్పించాల్సి ఉంటుంది. అయితే శ్రీనివాస్ సమర్పించిన నామినేషన్ పత్రాల్లో కొన్ని బాక్సులను ఖాళీగా వదిలేయడంతో అధికారులు వాటిని పరిశీలించి తిరస్కరించారు ఎన్నికల ప్రక్రియలో నామినేషన్ పత్రాల నింపడం అత్యంత కీలకమైన అంశం కావడంతో, చిన్నపాటి నిర్లక్ష్యం కూడా అభ్యర్థుల పోటీ అవకాశాలను ప్రభావితం చేస్తుందని ఈ ఘటన స్పష్టం చేస్తోంది. [ Rajampet Municipality Election, Unanimous Election AP, TDP Dottam Gayathri Rajampet, AP Municipal Nominations Scrutiny, TeluguOne News , AP Politics, Madakasira Municipality, Janasena ]

Published on: Mon Oct 19, 2026 8:19PM

స్థానిక సమరం: కూటమి పార్టీల సీట్ల సర్దుపాట్లు.. దేశం, జనసేన శ్రేణుల్లో భగ్గుమన్నఆగ్రహం.!

ఆంధ్రప్రదేశ్ రాజకీయాల్లో ప్రస్తుతం అధికార తెలుగుదేశం కూటమి పార్టీల మధ్య సీట్ల సర్దుపాట్లు హాట్ టాపిక్ గా మారాయి. స్థానిక సమరం సమయంలో తెలుగుదేశం జనసేన పార్టీల మధ్య నెలకొన్న పొత్తుల సమీకరణాలపై క్షేత్రస్థాయిలో అసమ్మతి, అసంతృప్తి రచ్చకెక్కడం పొలిటికల్ గా సెన్సేషనల్ గా మారింది. ముఖ్యంగా కొన్ని నియోజకవర్గాల్లో సీట్ల సర్దుబాటుపై స్థానిక నాయకులు, కార్యకర్తలు తీవ్ర స్థాయిలో అభ్యంతరాలు వ్యక్తం చేస్తున్నారు. అధిష్టానం తీసుకున్న నిర్ణయాలకు భిన్నంగా కొందరు నేతలు వ్యవహరిస్తుండటంతో కలకలం రేపుతోంది. కేడర్ నుంచి వస్తున్న ఒత్తిళ్ల నేపథ్యంలో పార్టీల మధ్య సమన్వయం ప్రశ్నార్థకంగా మారుతున్న దృశ్యం స్పష్టంగా గోచరిస్తోంది. క్షేత్రస్థాయిలో పార్టీల బలాబలాలను అంచనా వేయకుండా కేవలం ఉమ్మడి నిర్ణయాల పేరుతో సీట్లను కేటాయించడం పట్ల తెలుగుదేశం, జనసేన శ్రేణులలో తీవ్ర అసహనం వ్యక్తమౌతోంది. గొల్లప్రోలు మున్సిపాలిటీ పరిధిలో జరుగుతున్న పరిణామాలు ఇందుకు ప్రధాన ఉదాహరణగా నిలుస్తున్నాయి. ఇక్కడ దశాబ్దాలుగా పార్టీని నమ్ముకుని కష్టపడిన కార్యకర్తలను, స్థానిక నాయకులను విస్మరించి సీట్ల కేటాయింపు జరగడంపై విమర్శలు వెల్లువెత్తుతున్నాయి. మిత్రపక్షాల కోటా కింద స్థానిక నాయకత్వాన్ని పక్కన పెట్టడం సమజంసం కాదన్న అసంతృప్తి, ఆగ్రహం ఇరు పార్టీల నేతలలోనూ బాహాటంగా వ్యక్తమౌతోంది. దశాబ్దాల రాజకీయ అనుభవం ఉన్న సీనియర్ నేతలు సైతం క్షేత్రస్థాయి వాస్తవాలను అధిష్టానానికి స్పష్టం చేయడంలో విఫలమవుతున్నారంటూ క్యాడర్ తిరుగుబావుటా ఎగురవేస్తున్న పరిస్థితి ప్రస్ఫుటంగా ద్యోతకమౌతోంది. కూటమి ధర్మాన్ని పాటించే క్రమంలో కొన్ని ప్రాంతాల్లో స్థానిక కేడర్ మనోభావాలు దెబ్బతింటున్నాయన్నది వాస్తవమని పరిశీలకులు సైతం విశ్లేషిస్తున్నారు. ఏళ్ల తరబడి ఎన్నో కష్టనష్టాలకోర్చి పార్టీ కోసం శ్రమించిన కార్యకర్తలకు గుర్తింపు కరవవుతోంద విమర్శలు వెల్లువెత్తుతున్నాయి. వార్డుల వారీగా అభ్యర్థుల ఎంపికలో ఏకాభిప్రాయం కుదరకపోవడం వల్ల పార్టీ శ్రేణుల్లో ఆగ్రహం వ్యక్తం అవుతోంది. కొద్ది రోజుల పాటు కూర్చొని పార్టీల అధ్యక్షులు ఎంతో కష్టపడి రూపొందించిన సీట్ల సర్దుబాటు సూత్రాలు గ్రౌండ్ లెవెల్ లో అమలు కావడంలో తీవ్ర ఇబ్బందులు ఎదురవుతున్నాయి. ఒకరికొకరు సహకరించుకోవాల్సిన చోట, సీట్ల సర్దుబాటుపై ఎవరికి వారే యమునా తీరే అన్నట్లుగా వ్యవహరిస్తుండటం కూటమి ఐక్యతకు సవాల్ గా పరిణమించింది. ఇలాంటి పరిణామాలు కేవలం ఒక ప్రాంతానికే పరిమితం కాకుండా రాష్ట్రంలోని పలు మున్సిపాలిటీలు, నియోజకవర్గాల్లోనూ కనిపిస్తోంది. తిరుపతి, ఏలూరు, శ్రీకాకుళం, సాలూరు, పిఠాపురం ఇలా రాష్ట్ర వ్యాప్తంగా పలు చోట్ల సీట్ల సర్దుపాట్లు కూటమి శ్రేణుల మధ్య అగాధాన్ని పెంచుతూ ఐక్యతను ప్రశ్నార్థకం చేస్తున్నాయి. అధిష్టానాలు ఒక ఒప్పందానికి వచ్చి సీట్లను ఖరారు చేసినప్పటికీ, క్షేత్రస్థాయిలో రాజకీయ సమీకరణాలు, నాయకుల వ్యక్తిగత ఆకాంక్షల కారణంగా ఆ నిర్ణయాలు అమలుకు నోచుకోవడం లేదు. దీనివల్ల క్షేత్రస్థాయిలో కూటమి పార్టీల మధ్య విభేదాలు భగ్గుమనడమే కాకుండా, ఐక్యత విచ్ఛిన్నమయ్యే పరిస్థితులు తలెత్తుతున్నాయి. ఎన్నికల వేళ ఈ తరహా అంతర్గత కుమ్ములాటలు కూటమి విజయావకాశాలను దెబ్బతీస్తాయన్న ఆందోళన పార్టీల క్యాడర్ లలో వ్యక్తమౌతోంది. ఈ వివాదాలు మరింత ముదరకుండా కూటమి పార్టీల అధిష్ఠానాలు రంగంలోని దిగి పరిస్థితిని చక్కదిద్దాల్సిన అవసరం ఎంతైనా ఉందని పరిశీలకులు అంటున్నారు. ఈ విభేదాల పర్వం ఇలాగే కొనసాగితే.. స్థానక సమరంలో తెలుగుదేశం కూటమి ఇబ్బందులకు ఎదుర్కొనటం తథ్యమని అంటున్నారు. క్షేత్రస్థాయిలో అభ్యర్థుల ఎంపికలో పారదర్శకత లోపించడం, కార్యకర్తల అభిప్రాయాలను పరిగణనలోకి తీసుకోకపోవడం వల్లనే ఈ పరిస్థితి తెలెత్తిందని చెబుతున్నారు. ఈ నేపథ్యంలో కూటమి పార్టీల పెద్దలు ఈ అసంతృప్తి జ్వాలలను ఎలా చల్లారుస్తారన్న ఉత్కంఠ సర్వత్రా వ్యక్తమౌతోంది. [Local body Elections Kutami Seat Sharing, Gollaprolu Municipal Elections, TDP Janasena Alliance Disputes, Andhra Pradesh Politics, CBN, PK, TeluguOne]

Published on: Mon Oct 19, 2026 2:43PM

స్థానిక సమరం: జగన్ ఇలాకాలోనే వైసీపీ పరిస్థితి ఇలాగైందేంటి.?

ఆంధ్రప్రదేశ్ మాజీ ముఖ్యమంత్రి, వైసీపీ అధినేత.. పులివెందుల ఎమ్మెల్యే జగన్ పార్టీపై పట్టు కోల్పోతున్నారా? ఆయన ఎంత గట్టిగా హెచ్చరించినా.. పార్టీ నేతలు ఆయన మాటలను పట్టించుకోవడం లేదా? హెచ్చరికలను లెక్క చేయడం లేదా? ఆదేశాలను బేఖాతరు చేస్తున్నారా? అంటే పరిశీలకులు ఔననే విశ్లేషిస్తున్నారు. ఆయన సొంత ఇలాకాలోనే పార్టీ నేతలూ, శ్రేణులూ ధిక్కార స్వరం వినిపిస్తున్నారని చెబుతున్నారు. అందుకు ఉదాహరణగా ఆయన సొంత ఇలాకా కడపలోనే స్థానిక ఎన్నికలలో వైసీపీ కనీసం సగం స్థానాలలో కనీసం నామినేషన్ కూడా దాఖలు చేయకపోవడాన్ని ఎత్తి చూపుతున్నారు. వైసీపీ అధినేత, మాజీ ముఖ్యమంత్రి వైఎస్ జగన్మోహన్ రెడ్డి సొంత గడ్డ అయిన ఉమ్మడి కడప జిల్లాలో ఆ పార్టీకి తీవ్ర రాజకీయ ప్రతికూలత ఎదురౌతోందని చెప్పడానికి స్థానిక సంస్థల ఎన్నికల నామినేషన్ల ప్రక్రియే నిలువెత్తు నిదర్శనంగా చెబుతున్నారు. జిల్లాలోని మొత్తం 10 మున్సిపాలిటీలకు గాను కేవలం మూడు చోట్లలో మాత్రమే వైకాపా అభ్యర్థులు నామినేషన్లు దాఖలు చేయగలిగారు. తాజాగా వెలువడిన వివరాల ప్రకారం, కడప కార్పొరేషన్ మేయర్ అభ్యర్థిగా బండి దీప్తి, పులివెందులలో జగన్ బంధువు వైఎస్ ప్రమీలాదేవి, ప్రొద్దుటూరు మున్సిపల్ చైర్మన్ అభ్యర్థిగా నరసింహారెడ్డి మాత్రమే బరిలో నిలిచారు. మిగిలిన ఎర్రగుంట్ల, రాజంపేట, బద్వేల్, మైదుకూరు, జమ్మలమడుగు, రాయచోటి, కమలాపురం నియోజకవర్గాల్లో పార్టీ తరఫున నామినేషన్లు దాఖలు కాకపోవడంతో ఆయా స్థానాలు తెలుగుదేశం పార్టీకి ఏకగ్రీవం అయనట్లే. జగన్ సొంత జిల్లాలోనే సగానికి పైగా స్థానాల్లో పార్టీ పోటీకి దూరంగా ఉండటం ఆ పార్టీ దయనీయ స్థితికి అద్దం పడుతోంది. ఈ పరిణామం వైసీపీ అధినాయకత్వానికి గట్టి ఎదురుదెబ్బగా పరిశీలకులు విశ్లేషిస్తున్నారు. జగన్ కంచుకోటగా భావించే కడప జిల్లాలోనే ఇలాంటి పరిస్థితులు ఉత్పన్నం కావడం పార్టీ కార్యకర్తల మనోధైర్యాన్ని దెబ్బతీయడం ఖాయమని చెబుతున్నారు. [YCP Faces Adverse Conditions Kadapa Forte, Municipal Elections, Pulivendula, Andhra Pradesh Politics, Telugu One]

Published on: Mon Oct 19, 2026 12:30PM

బెజవాడ మేయర్ ఎన్నిక: తెరపైకి కాపు, కమ్మ కోణం.. విజయసాయి వ్యూహం ఏంటి.?

విజయవాడ మేయర్ ఎన్నికలో కమ్మ, కాపు సామాజికవర్గ కోణం తెరపైకి వచ్చింది. ఈ కోణాలన్ని తెరపైకి తీసుకు వచ్చింది రాజ్యసభ మాజీ సభ్యుడు విజయసాయి రెడ్డి. ముఖ్యమంత్రి చంద్రబాబు నాయుడును లక్ష్యంగా చేసుకునే ఆయనీ కోణాన్ని తెరపైకి తీసుకువచ్చారని పరిశీలకులు విశ్లేషిస్తున్నారు. విజయసాయి తాజా వ్యాఖ్యలు.. బెజవాడ మేయర్ బరిలో నిలిచిన వంగవీటి రాధ, రిటైర్డ్ ఐపీఎస్ అధికారి ఏబీ వెంకటేశ్వరరావులపై కేంద్రీకృతమై ఉన్నాయి. కమ్మ నాయకుడు ఏబీవీకి స్వతంత్ర అభ్యర్థిగా మద్దతు ఇస్తూ, కాపు నాయకుడు వంగవీటి రాధను జనసేనలోకి పంపారన్నది విజయసాయి రెడ్డి ఆరోపణ. కాంగ్రెస్, సీపీఐ, సీపీఎంలు ఏబీవీకి మద్దతు ఇవ్వడాన్ని కూడా ఆయన చంద్రబాబు వ్యూహంగానే అభివర్ణిస్తున్నారు. అయితే, ఆంధ్రప్రదేశ్ ప్రభుత్వంతో ఏబీవీకి విభేదాలు ఉన్నాయని రిశీలకులు ఎత్తి చూపుతున్నారు. ఇలాంటి విభేదాలు ఇప్పటికే బహిరంగంగా చర్చనీయాంశంగా ఉన్నప్పుడు, మేయర్ బరిలో చంద్రబాబు ఆయనకు ఎలా మద్దతు ఇస్తారన్న ఆరోపణలు, వ్యాఖ్యలు అభూతకల్పనలని వారు విజయసాయి వ్యాఖ్యలను తోసిపుచ్చుతున్నారు. అదలా ఉంటే.. నిన్నమొన్నటి వరకూ తెలుగుదేశం పార్టీలో ఉన్న వంగవీటి రాధ.. ఆ పార్టీకి రాజీనామా చేసి జనసేన గూటికి చేరి బెజవాడ మేయర్ అభ్యర్థిగా రంగంలోకి దిగారు. ఆయనకు తెలుగుదేశం కూటమి భాగస్వామ్య పక్షాలన్నీ మద్దతు ఇస్తున్నాయి. ఈ నేపథ్యంలో విజయసాయి వ్యాఖ్యలు నేల విడిచి సాము చందంగా ఉన్నాయని పరిశీలకులు విశ్లేషిస్తున్నారు. విజయసాయి ఇటీవలి కాలంలో తన పొలిటికల్ కామెంట్సన్నీ కుల, మత, ప్రాంతీయ సమీకరణల చుట్టూనే తిరుగుతున్న విషయాన్ని కూడా వారు ఎత్తి చూపుతున్నారు. బెజవాడ మేయర్ మేయర్ ఎన్నికల బరిలో జనసేన తరఫున రాధ, వైఎస్సార్‌సీపీ తరఫున ఆర్. భాగ్యలక్ష్మి, వామపక్ష పార్టీల మద్దతుతో ఏబీ వెంకటేశ్వరరావు ఇండిపెండెంట్ ఉన్న సంగతి తెలిసిందే. [Vijayasai Reddy, Vijayawada ఛayoral ఆlections, Vangaveeti Radha, AB Venkateswara Rao, Andhra Pradesh politics, Caste, Comments, Telugu One]

Published on: Mon Oct 19, 2026 10:18AM

సీమలో వైసీపీ కుదేలు.. దేశం ఖాతాలోకి రాయచోటి, జమ్మలమడుగు..పుంగనూరూ అదే దారి..!

వైఎస్ కుటుంబానికి, ఆ తరువాత వైసీపీకి పెట్టని కోట అయిన కడప జిల్లాలో జగన్ ప్రభ మసకబారుతోందా? అంటే జరుగుతున్న పరిణామాలను బట్టి ఔనన్న సమాధానమే వస్తున్నది. స్థానిక ఎన్నిక సమరంలో నామినేషన్ల పర్వం పూర్తి అయ్యే సరికే కడప జిల్లాలోని రెండు మునిసిపాలిటీలను తెలుగుదేశం ఏకగ్రీవంగా గెలుచుకుంది. అవి కూడా అత్యంత కీలకమైన జమ్మలమడుగు, రాయచోటి మున్సిపాలిటీలు తెలుగుదశానికి జై కొట్టాయి. జమ్మలమడుగు మునిసిపల్ చైర్ పర్సన్ గా చాదిపిరాల జ్యోతి, రాయచోటి మున్సిపల్ చైర్‌పర్సన్ గా తెలుగుదేశం అభ్యర్థి ఖాదర్ వల్లి ఏకగ్రీవంగా గెలుచుకున్నారు. ఇక పోతే రాయచోటిలోని మొత్తం 44 వార్డుల్లోనూ అభ్యర్థులు ఏకగ్రీవంగా ఎన్నికయ్యారు. ఇందులో టీడీపీ 40 వార్డులను, బీజేపీ మూడు వార్డులను, జనసేన ఒక వార్డును గెలుచుకున్నాయి. జగన్ కు అత్యంత బలమైన రాయచోటి, జమ్మలమడుగు నియోజకవర్గాలలో వైసీపీ తరఫున పోటీ చేసేందుకు అభ్యర్థులే కరవు కావడం ఆ పార్టీ దయనీయ పరిస్థితికి అద్దం పడుతోంది. అన్నిటికీ మించి స్థానిక సంస్థల ఎన్నికల్లో ఎట్టి పరిస్థితుల్లోనూ ఏకగ్రీవాలకు అవకాశం ఇవ్వకూడదని వైసీపీ అధినేత జగన్ పలు మార్లు విస్పష్టంగా చెప్పినా, ఆయనకు అత్యంత బలమైన పట్టు ఉన్న కడప జిల్లాలోనే కీలకమైన రెండు మునిసిపాలిటీలు ఏకగ్రీవం కావడం పార్టీపై జగన్ పట్టు సడలిందా అన్న అనుమానాలను తావిస్తోంది. ఏకగ్రీవాలకు అవకాశం ఇవ్వకూడదని చెప్పడం మాత్రమే కాదు.. ఒకవేళ ఎవరైనా ఏకగ్రీవాలకు అనుమతిస్తే, వారికి వచ్చే ఎన్నికల్లో టికెట్లు ఇచ్చేది లేదని కూడా జగన్ విస్పష్ట హెచ్చరిక చేశారు. ఆ హెచ్చరికను జగన్ కు అత్యంత సన్నిహితుడిగా గుర్తింపు పొంందిన పార్టీ సీనియన్ నేత, మాజీ మంత్రి, పుంగనూరు ఎమ్మెల్యే పెద్దిరెడ్డి రామచంద్రారెడ్డే బేఖాతరు చేశారు. స్థానక సమరంలో తమ పార్టీ పోటీ చేయదని ప్రకటించి పెద్దిరెడ్డి జగన్ పై ధిక్కార స్వరం వినిపించారు. సీమలో మరీ ముఖ్యంగా పుంగనూరు నియోజకవర్గంలో పెద్దిరెడ్డికి ఉన్న పట్టును పరిగణనలోకి తీసుకుంటే.. వైసీపీకి, జగన్ కు కూడా ఇది ఊహించని ఎదురుదెబ్బేనని చెప్పాలి. జగన్ హయాంలో జరిగిన స్థానిక ఎన్నికల సమయంలో, పుంగనూరు ఒక రణరంగంగా మారింది; అప్పట్లో టీడీపీ నాయకులను కనీసం నామినేషన్లు కూడా వేయనివ్వని పరిస్థితి ఉండేది. అటువంటిది ఇప్పుడు ఇప్పుడు పెద్దిరెడ్డి రామచంద్రారెడ్డే వెనకడుగు వేశారు. 2019 నుండి 2024 వరకు చిత్తూరు జిల్లా రాజకీయాలను ఆయన శాసించారు. గతంలో అంటే జగన్ హయాంలో ఒక్క పుంగనూరు అనే కాదు.. అప్పి ప్రతిపక్ష నేత, ప్రస్తుత ముఖ్యమంత్రి నారా చంద్రబాబు నాయుడు ప్రాతినిధ్యం వహిస్తున్న కుప్పం నియోజకవర్గ రాజకీయాలను కూడా పెద్దిరెడ్డే శాసించారు. అప్పట్లో కుప్పంలో జరిగిన స్థానిక ఎన్నికల్లో తెలుగుదేశం అభ్యర్థి పారాజయం పాలయ్యారు. అదే కాకుండా, అసెంబ్లీ ఎన్నికలలో చంద్రబాబును సైతం ఓడిస్తానని పెద్దిరెడ్డి అప్పట్లో సవాల్ కూడా విసిరారు. అయితే.. 2024 ఎన్నికల్లో చంద్రబాబు నాయుడు కుప్పంలో సునాయాసంగా విజయం సాధించారు. అటు పెద్దిరెడ్డి స్వయంగా చావుతప్పి కన్ను లొట్టపోయిన చందంగా పుంగనూరు నుంచి ఓటమి అంచులకు చేరుకుని కేవలం 6 వేల ఓట్ల స్వల్ప ఆధిక్యతతో ఒడ్డున పడ్డారు. ఇక ఇప్పుడు పరిస్థితి ఎలా ఉందంటే, మున్సిపల్ ఎన్నికల్లో అభ్యర్థులను నిలబెట్టేందుకు కూడా ఆయన ధైర్యం చేయలేకపోతున్నారు. ఇక ఇప్పుడు ఏకగ్రీవాలకు అనుమతిస్తే ఎమ్మెల్యే టికెట్ ఇవ్వనని జగన్ విస్పష్టంగా హెచ్చరించిన నేపథ్యంలో పెద్ది రెడ్డి రామచంద్రారెడ్డి స్థానిక ఎన్నికలలో వైసీపీ అభ్యర్థులు పోటీలో ఉండరంటూ చేసిన ప్రకటనతో ఆయనకు 2029 ఎన్నికలలో పుంగనూరు టికెట్ దక్కుతుందా? జగన్ ఇస్తారా? పక్కన పెట్టేస్తారా? అన్న చర్చ పోలిటికల్ సర్కిల్స్ లో జోరుగా సాగుతోంది. [Rayachoty, Jammalamadugu Municipalities, Unanimous, YCP, Handsup, Peddireddi Ramachandra Reddy, Punganur Municipal Elections, AP Politics, Telugu One]

Published on: Mon Oct 19, 2026 9:44AM

స్థానిక ఎన్నికలకు కేంద్ర బలగాలు: వైసీపీ పిటిషన్ డిస్మిస్.. బెడిసికొట్టిన జగన్ వ్యూహం.!

ఆంధ్రప్రదేశ్‌లో రాజకీయ పరిణామాలు వేగంగా మారుతున్న తరుణంలో,వైసీపీకి న్యాయస్థానంలో ఊహించని షాక్ తగిలింది. రాష్ట్రంలో ఎన్నికల వాతావరణం, నామినేషన్ల పర్వం ప్రారంభమైన వేళ ఉద్రిక్త పరిస్థితులను సాకుగా చూపుతూ కేంద్ర బలగాలను రప్పించాలని ఆ పార్టీ దాఖలు చేసిన పిటిషన్ ను హైకోర్టు తోసిపుచ్చింది. పలు ప్రాంతాల్లో చోటుచేసుకున్న ఘటనలను చూపిస్తూ వైసీపీ కోర్టును ఆశ్రయించినప్పటికీ, ఆ వాదనలు నిలవకపోవడంతో వైఎస్సార్‌సీపీ వ్యూహాలు బెడిసికొట్టాయి. పుంగనూరుతో పాటు రాయచోటి, ధర్మవరం తదితర ప్రాంతాల్లో నామినేషన్ల దాఖలు సమయంలో ఉద్రిక్తతలు తలెత్తిన విషయం తెలిసిందే. ఈ పరిణామాలను ప్రస్తావిస్తూ రాష్ట్రంలో శాంతిభద్రతల పరిస్థితి సరిగా లేదన్న వాదనతో కేంద్ర బలగాలను రంగంలోకి దించాలని వైసీపీ ప్రయత్నించింది. అయితే, ఇతర రాష్ట్రాల ఉదాహరణలను ప్రస్తావించినప్పట్టికి, ఏపీలోనూ అలాంటి పరిస్థితులు ఉన్నాయా అన్న ప్రశ్నకు సరైన వివరణ ఇవ్వలేకపోవడంతో న్యాయస్థానం వారి అభ్యర్థనను అంగీకరించలేదు. ఈ వివాదాల కేంద్రంగా నిలిచిన పుంగనూరు ఘటనలో ఎంపీ మిథున్ రెడ్డి వ్యవహారశైలిపై తీవ్ర విమర్శలు వెల్లువెత్తాయి. నామినేషన్ల ప్రక్రియ సందర్భంగా రిటర్నింగ్ అధికారి కార్యాలయం వద్ద జరిగిన పరిణామాలు, కాన్వాయ్ దూసుకెళ్లిన వైనంపై పోలీసులు ఇప్పటికే కేసులు నమోదు చేశారు. డ్రోన్ కెమెరా ఫుటేజ్. ఇతర ఆధారాలను అడ్వకేట్ జనరల్ న్యాయస్థానం ముందు ఉంచడంతో, ఘర్షణలకు ఎవరు కారణమన్న అంశంపై స్పష్టత వచ్చింది. కార్యాలయం వద్ద జరిగిన హడావుడి, రక్తం అంటించుకుని నిరసన తెలిపిన తీరు వంటి అంశాలు తెరపైకి రావడంతో వైసీపీ పరువు గంగలో కలిసినట్లైంది. మరోవైపు . క్షేత్రస్థాయిలో అభ్యర్థుల ఎంపిక, ఆర్థికపరమైన అంశాలు, గత ప్రభుత్వ హయాంలోని పరిణామాలు ప్రస్తుత ఎన్నికలపై ప్రభావం చూపుతున్నట్లు పరిశీలకులు విశ్లేషిస్తున్నారు. కొన్ని కీలక నియోజకవర్గాల్లో వైసీసీ నుంచి పోటీ చేయడానికి ఎవరూ ముందుకు రాని పరిస్థితులు నెలకొన్నాయన్న ప్రచారం కూడా జరుగుతోంది. ఇలాంటి సమయాల్లో పార్టీని నడిపించేందుకు అధిష్టానం వేస్తున్న ఎత్తుగడలు బూమరాంగ్ అవుతున్నాయనీ, పార్టీ ప్రతిష్ట పూర్తిగా మసకబారుతోందన్న వాదన గట్టిగా వినిపిస్తోంది. [YCP High Court Setback, Mithun Reddy Punganur Incident, AP Local Body Elections,YS Jagan Strategy, Central Forces AP High Court, Telugu One]

Published on: Mon Oct 19, 2026 9:23AM

తాజా వార్తలు మరిన్ని →

బాబు, పవన్ లోకేష్ దసరా శుభాకాంక్షలు: రాష్ట్రం సుభిక్షంగా ఉండాలని ఆకాక్ష.!

కాలుష్య భారతం: కాలుష్య నగరాల జాబితాలో ఇండియా టాప్.!

సమాజ శ్రేయస్సే వ్యాపార పరమార్ధం: రతన్ టాటా బాటలోనే నోయెల్ టాటా.. పేదల వైద్యం కోసం 50 ఆస్పత్రులు.!

ఫ్లైదుబాయ్ విమానాన్ని ప్లంబర్ కాపాడాడా.. వైరల్ ప్రచారంపై కెప్టెన్ స్మిత్ మాచర్ క్లారిటీ.!

జగన్, దావూద్ ఇబ్రహీం తరహా నేరసామ్రాజ్యం నడిపిస్తుంటాడు: సీఎం చంద్రబాబు

రాజంపేటలో ఏకగ్రీవ పర్వం..మడకశిరలో జనసేనకు బిగ్ షాక్.!

ఫ్యూచర్‌ సిటీ నూతన పోలీస్‌ కమిషనరేట్‌‌ను ప్రారంభించిన సీఎం రేవంత్.!

ఎల్ నినో పరిస్థితులపై కేబినెట్ సబ్ కమిటీ ఏర్పాటు.!

అమెరికా విదేశాంగ కార్యదర్శి భారత్ పర్యటన: ఎందుకో తెలిస్తే షాకే.!

అమ్మాయి పేరుతో వల.. నగ్న ఫొటోలతో బ్లాక్‌మెయిల్‌.!

రాజకీయంమరిన్ని →

రాజంపేటలో ఏకగ్రీవ పర్వం..మడకశిరలో జనసేనకు బిగ్ షాక్.!

స్థానిక సమరం: కూటమి పార్టీల సీట్ల సర్దుపాట్లు.. దేశం, జనసేన శ్రేణుల్లో భగ్గుమన్నఆగ్రహం.!

స్థానిక సమరం: జగన్ ఇలాకాలోనే వైసీపీ పరిస్థితి ఇలాగైందేంటి.?

బెజవాడ మేయర్ ఎన్నిక: తెరపైకి కాపు, కమ్మ కోణం.. విజయసాయి వ్యూహం ఏంటి.?

సీమలో వైసీపీ కుదేలు.. దేశం ఖాతాలోకి రాయచోటి, జమ్మలమడుగు..పుంగనూరూ అదే దారి..!

స్థానిక ఎన్నికలకు కేంద్ర బలగాలు: వైసీపీ పిటిషన్ డిస్మిస్.. బెడిసికొట్టిన జగన్ వ్యూహం.!

2000-2026, TeluguOne.com, All rights reserved, ObjectOne Information Systems Ltd.