కేప్‌టౌన్ లో జరిగిన తొలి టెస్టులో దక్షిణాఫ్రికా ఘనవిజయం సాధించింది. న్యూజిలాండ్ పై ఇన్ని౦గ్స్ 27 పరుగులతో భారీ విజయం సాధించింది. మూడు రోజుల్లో ముగిసిన తొలి టెస్ట్ విజయం తో దక్షిణాఫ్రికా రెండుటెస్ట్‌ల సిరీస్‌లో 1-0తో ఆధిక్యంలోకి దూసుకెళ్లింది. ఓవర్‌నైట్ స్కోరు 169/4తో మూడోరోజ రెండో ఇన్నింగ్స్ కొనసాగించిన కివీస్ 275 పరుగులకు ఆలౌటైంది. బ్రౌన్‌లీ (109) కెరీర్‌లో తొలి సెంచరీ సాధించినా ఓటమి నుంచి గట్టెక్కించలేకపోయాడు. బ్రెండన్ మెకల్లమ్ (51), వాట్లింగ్ (42) మినహా ఎవరూ చెప్పుకోదగ్గ స్కోరు చేయలేదు. మొదటి ఇన్నింగ్స్‌లో కివీస్ 45 పరుగులకే ఆలౌట్‌కాగా, దక్షిణాఫ్రికా తొలి ఇన్నింగ్స్‌లో ఎనిమిది వికెట్లకు 347 పరుగుల వద్ద డిక్లేర్ చేసింది.