దేశవ్యాప్తంగా సంచలనం సృష్టిస్తున్న విద్యా రంగ అక్రమాలు, పరీక్షల లీకేజీల వ్యవహారంపై విద్యార్థి లోకం సమర శంఖం పూరిస్తోంది. నీట్ లీకేజ్ కి నైతిక బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా డిమాండ్ తో కాక్రోచ్ జనతా పార్టీ ఆధ్వర్యంలో జంతర్ మంతర్ వద్ద  కొనసాగుతున్న ఆందోళనలు ఇప్పుడు రాష్ట్రాలకూ విస్తరిస్తున్నాయి.  ఈ క్రమంలోనే ప్రముఖ సామాజిక కార్యకర్త సోనమ్ వాంగ్‌చుక్ చేపట్టిన నిరాహార దీక్షను పోలీసులు బలవంతంగా భగ్నం చేయడాన్ని నిరసిస్తూ కర్ణాటక రాజధాని బెంగళూరులోని విద్యార్థులు   ప్రత్యక్ష పోరాటానికి రెడీ అయ్యారు.  సోనమ్ వాంగ్‌చుక్ పోరాటానికి మద్దతుగా తాము కూడా నిరశన దీక్ష చేపట్టనున్నట్లు  బెంగళూరు యూనివర్సిటీ విద్యార్థులు ప్రకటించారు.  

ఢిల్లీలోని జంతర్ మంతర్ వేదికగా దాదాపు  21 రోజుల పాటు సోనమ్ వాంగ్‌చుక్ నిరశన దీక్ష చేసిన సంగతి తెలిసిందే. అయితే ఆయన దీక్షను శనివారం (జులై 18) పోలీసులు భగ్నం చేసి బలవంతంగా తరలించారు.  దీనిపై దేశ వ్యాప్తంగా విద్యార్థిలోకం తీవ్ర ఆగ్రహం వ్యక్తం ేస్తున్నది.  

సోనమ్ వాంగ్‌చుక్ అరెస్ట్ మరియు దీక్ష భగ్నాన్ని  నిరసిస్తూ బెంగళూరు విశ్వవిద్యాలయ  విద్యార్థులు..  ఆయనకు  దేశంలో  విద్యా వ్యవస్థ ప్రక్షాళన కోసం జరుగుతున్న పోరాటానికి సంఘీభావం ప్రకటిస్తూ తాము కూడా నిరాహార దీక్ష చేపట్టనున్నట్లు ప్రకటించి,  తన  ఆందోళన నిర్వహణకు అనుమతులు, ఇతర ఏర్పాట్ల కోసం విశ్వవిద్యాలయ అధికారులకు స్థానిక యంత్రాంగానికి  లిఖితపూర్వకంగా నోటీసులు అందజేశారు. ల 

ఈ మొత్తం వ్యవహారంపై ప్రముఖ నటుడు, విలక్షణ సామాజిక విశ్లేషకుడు ప్రకాష్ రాజ్ సామాజిక మాధ్యమాల వేదికగా స్పందించారు. బెంగళూరు యూనివర్సిటీ విద్యార్థులు తీసుకున్న  నిర్ణయాన్ని ప్రకాశ్ రాజ్ స్వాగతించారు. సోనమ్ వాంగ్‌చుక్,  కాక్రోచ్ జనతా పార్టీ దేశ రాజధానిలో చేస్తున్న న్యాయబద్ధమైన పోరాటానికి సంఘీభావంగా బెంగళూరు విద్యార్థులు సోమవారం (జులై 21) నుండి నిరవధిక నిరశన దీక్ష  ప్రారంభించబోతున్నట్లు ఎక్స్ ద్వారా వెల్లడించిన ప్రకాశ్ రాజ్   దేశంలో పాలకులను, వ్యవస్థలను జవాబుదారీగా ఉంచాలని కోరడంలో యువత చూపుతున్న ఇటువంటి అలుపెరుగని స్ఫూర్తి అభినందనీయమని  కొనియాడారు.  

Sonam Wangchuk Hunger Strike, Bengaluru University Students Protest, Prakash Raj Tweet, Dharmendra Pradhan Resignation Demand, Cockroach Janata Party Jantar Mantar