Publish Date:Jul 26, 2022
.webp)
మాట్లాడే టప్పుడు ఒకటికి రెండు సార్లు ఆలోచించాలి. తొందరపడి మాట జారకూడదు. మరీ ముఖ్యంగా రాజకీయ నాయకులు మాట్లాడేటప్పుడు మరింత జాగ్రత్తగా ఉండాలి.నోరు జారితే వచ్చే ఇబ్బందులు ఎలా ఉంటాయనడానికి మనకు బోలెడు ఉదాహరణలూ సమెతలూ ఉన్నాయి. తాజాగా షర్మిల చేసిన వ్యాఖ్యలు ఉభయ తెలుగు రాష్ట్రాలలోని వైఎస్ అభిమానులనూ రగిల్చేస్తున్నాయి. వైఎస్ రాజశేఖరరెడ్డి కుమార్తె అయిన షర్మిల తన తండ్రి విషయంలోనే పొరపాటు చేశారు. ఆయన కమీషన్లు తీసుకున్నారన్న అర్దం వచ్చేలా మాట్లాడారు.
తరువాత షర్మిల పీఎస్ ఆమె పొరపాటున మాట్లాడారంటూ ఓ ప్రకటన విడుదల చేసినా అప్పటికే జరగాల్సిన నష్టం జరిగిపోయింది. ఉమ్మడి రాష్ట్రంలో వైస్ మహా నేత అంటూ కాంగ్రెస్ వర్గాలు కీర్తిస్తుంటే, విపక్ష తెలుగుదేశం ఆయన చేపట్టిన ఇరిగేషన్ ప్రాజెక్టులలోని అవినీతిని ఎత్తి చూపుతూ మహా మేత అని విమర్శించారు. తాజాగా షర్మిల చేసిన వ్యాఖ్యలు ఆయన తండ్రిపై విపక్షాలు నాడు చేసిన విమర్శలు నిజమేనని అంగీకరించినట్లుగా ఉన్నాయి. తన తండ్రి ఆశయాలను నెరవేర్చేందుకే రాజకీయాలలోకి వచ్చానంటూ తెలంగాణలో వైఎస్ఆర్ తెలంగాణ పార్టీని పెట్టి యాత్రలతో, దీక్షలతో రాష్ట్రాన్ని చుట్టేస్తున్న షర్మిల ముఖ్యమంత్రి కేసీఆర్ లక్ష్యంగా విమర్శల బాణాలను సంధిస్తోన్న సంగతి విదితమే. ఘాటు విమర్శలు, పదునైన వ్యాఖ్యలతో ఫైర్ బ్రాండ్ గా ఇప్పుడిప్పుడే షర్మిలకు గుర్తింపు వస్తోంది.
డీఎస్ వంటి నేతలు ఆమెను ఆశీర్వదిస్తున్నారు కూడా. అయితే తాజాగా ఒక ప్రెస్ మీట్ లో ఆమె కేసీఆర్ అవినీతిపై విమర్శల బాణాలను సంధించారు. కేసీఆర్ చేపట్టిన ప్రాజెక్టులలో అవినీతి వరద పారిందని దుమ్మెత్తి పోశారు. పోలవరం విషయంలో తన అన్న ఏపీ ముఖ్యమంత్రి జగన్, కేసీఆర్ కలిసే రాజకీయ లబ్ధి కోసం డ్రామాలాడుతున్నారంటూ చెరిగేశారు. ఆవేశంతో రగిలిపోయారు. ఆ ఆవేశంలోనే ఆమె మాట జారారు. కేసీఆర్ కంటే తన తండ్రే ఎక్కువ అవినీతికి పాల్పడ్డారని అర్ధం వచ్చేలా కొన్ని వ్యాఖ్యలు చేశారు. ఆమె పొరపాటున ఆ వ్యాఖ్యలు చేసినట్లు ఆ తరువాత ఆమె పీఎస్ ఓ ప్రకటన విడుదల చేసినా.. అప్పటికే ఆమె వ్యాఖ్యలు వైరల్ అయిపోయాయి.
సామాజిక మాధ్యమంలో విపరీతంగా ట్రోల్ అవుతున్నాయి. తెలంగాణలో 80 శాతం ప్రాజెక్టులన్నీ మేఘా ఇంజినీరింగ్ సంస్థకు అప్పజెప్పడాన్నితప్పు పడుతూ ముఖ్యమంత్రి కేసీఆర్ పై నిప్పులు చెరిగారు. ఒకే కంపెనీకి ఎందుకు ప్రాజెక్టులన్నీ కట్టబెడుతున్నారని నిలదీశారు. కమీషన్ల కోసమే మేఘాకు కాంట్రాక్టులన్నీ అప్పగిస్తున్నారని దుయ్యబట్టారు.
తన తండ్రి హయాంలో ఎన్నడూ ఇలా జరగలేదన్నారు. తన తండ్రి ఒక్కరి వద్దే కమీషన్లు తీసుకోలేదని అన్నారు. ఇది కేసీఆర్ ను విమర్శిస్తూ.. తన తండ్రి గొప్పదనాన్ని చెప్పడానికి ఆమె చేసిన ప్రయత్నంలో మాట జారింది. తన తండ్రి వైఎస్ కేసీఆర్ లా ఒక్కరి వద్ద కాకుండా చాలా మంది వద్ద కమిషన్లు తీసుకున్నారన్న అర్ధం వచ్చేలా ఆమె మాట్లాడారు. ఇదే సామాజిక మాధ్యమంలో వైరల్ అయ్యింది. వైఎస్ వ్యతిరేకులంతా ఇప్పటి దాకా మేం చెబుతున్నదంతా వాస్తవమని ఆమె కుమార్తే చెప్పారంటూ సంబరపడుతున్నారు. ఆమె వర్గీయులు మాత్రం అదో టైపో ( స్పెల్లింగ్ మిస్టేక్)లా తీసుకోవాలంటున్నారు.
By Teluguone
en-us
Political News
http://www.teluguone.com/news/content/sharmila-toung-slip-says-my-father-took-commissions-from-contrctors-39-140544.html
నిన్నగాక మొన్న ఇదే మోడీ నాయకత్వంలోని ఎన్డీయే సర్కార్ కు వ్యతిరేకంగా పోరాడటానికి సిద్ధంగా ఉన్నానని ప్రకటించిన జగన్, ఇప్పుడు ఆదే మోడీ నాయకత్వాన్ని ప్రస్తుతిస్తూ ప్రశంసలు కురిపించడం ద్వంద్వ వైఖరి కాక మరేమిటని పరిశీలకులు ప్రశ్నిస్తున్నారు.
. ఇక షర్మిల విజయ్ ను కలిసి తన కుమార్తె వివాహానికి హాజరు కావాల్సిందిగా కోరుతూ పెళ్లి శుభలేక అందించడం ప్రాధాన్యత సంతరించుకుంది. ఎందు కంటే కేంద్ర స్థాయిలో కాంగ్రెస్ తో పొత్తు విషయంలో విజయ్ నేతృత్వంలోని టీవీకే పార్టీ కూడా కీలకంగా ఉంది. అలాగే తమిళనాడులో విజయ్ నేతృత్వంలోని ప్రభుత్వంలో కాంగ్రెస్ భాగస్వామి.
లౌకిక స్వభావం కలిగిన ఆంధ్రప్రదేశ్ రాజకీయాల్లోకి మతపరమైన అంశాలను జొపపించడానికి విజయసాయి ప్రయత్నిస్తున్నారని పరిశీలకులు విశ్లేషిస్తున్నారు. ఇక తమ ప్రసంగాల్లో, మీడియా సమావేశాలలో విజయసాయిరెడ్డి ప్రస్తావిస్తున్న అంశాలు ఆ విశ్లేషణలకుబలం చేకూరుస్తున్నాయి.
ఇప్పటికే తనపై 45 ఎఫ్ఐఆర్ లు ఉన్నాయన్న ఆయన తన టార్గెట్ వంద ఎఫ్ఐఆర్ లు అని చెప్పారు. అంతే కాదు.. వాటిని తాను ప్రజల పక్షాన నిలబడినందుకు దక్కిన మెడల్స్ గా భావిస్తానన్నారు. రాహుల్ చేసిన వ్యాఖ్యలు ఇప్పుడు దేశ వ్యాప్తంగా హాట్ టాపిక్ గా మారాయి.
విపక్షాల నిరసనల నేపథ్యంలో పోలీసులు ఢిల్లీలో విస్తృత బందోబస్తు ఏర్పాట్లు చేశారు. పలు ప్రాంతాల్లో బారికేడ్లు ఏర్పాటు చేయడంతో పాటు వేలాది మంది భద్రతా సిబ్బందిని మోహరించారు. ట్రాఫిక్ మళ్లింపులు కూడా చేపట్టారు. జంతర్ మంతర్, పార్లమెంట్ పరిసరాలు, ఎన్నికల సంఘం కార్యాలయం వైపు వెళ్లే మార్గాల్లో ప్రత్యేక నిఘా కొనసాగుతోంది.
ధనుష్ తన కొత్త రాజకీయ పార్టీ కోసం తమిళగ ఎళుచ్చి కళగం అనే పేరును ఖరారు చేసినట్లు ప్రచారం జరుగుతోంది. అలాగే.. ఈ పేరుతో ఇప్పటికే కేంద్ర ఎన్నికల సంఘం వద్ద పార్టీ రిజిస్ట్రేషన్ ప్రక్రియ కూడా పూర్తయ్యిందని అంటున్నారు.
ఒక దశలో తన రిటైర్మెంట్ తరువాత టీడీపీలో చేరేందుకు కూడా తాను సిద్ధపడ్డాననీ, అవసరమైతే ఎన్నికల బరిలో దిగడానికి కూడా రెడీ అయ్యాయనీ చెప్పిన ఏబీ వెంకటేశ్వరరావు, అ
బీసీ మోర్చా రాష్ట్ర అధ్యక్షుడు ప్రకాశ్ పాల్, ప్రముఖ దళిత నేత, మాజీ ఎంపీ విద్యాసాగర్ సోన్‌కర్, అలాగే అలహాబాద్ హైకోర్టు బార్ అసోసియేషన్ అధ్యక్షుడిగా రెండుసార్లు బాధ్యతలు నిర్వర్తించిన రాధాకాంత్ ఓఝా వంటి వారికి చోటు లభించింది.
జిల్లాలో పార్టీ పరిస్థితి వేగంగా దిగజారిపోతోంది. మజ్జి పార్టీని వీడటంతో జాగ్రత్త పడాల్సిన పార్టీ హైకమాండ్, అలాగే బొత్స సత్యనారాయణ చేతులెత్తేసినట్లు కనిపిస్తోంది. అంతే కాకుండా కూర్చున్న కొమ్మనే నరుక్కున్న చందంగా అసంతృప్తులను బుజ్జగించాల్సింది పోయి వారిపై సస్పెన్షన్ వేటు వేయడంతో జిల్లాలో పార్టీని జీరో నుంచి బిల్డ్ చేద్దామనుకుంటున్నారా? లేక జిల్లా పార్టీని వదిలేశారా అన్న అనుమానాలు పార్టీ శ్రేణుల నుంచే వస్తున్నాయి.
ఆంధ్రప్రదేశ్ రాజకీయ రంగంలో ప్రతి క్షణం ఒక కొత్త మలుపు తిరుగుతోంది.
పొలిటికల్ సర్కిల్స్ లో గట్టిగా వ్యక్తం అవుతున్న అభిప్రాయం ఏమిటంటే.. మీడియా సమావేశాలలో జగన్ మాట్లాడే విధానం కంటే విజయసాయి రెడ్డి మాట్లాడే విధానం చాలా చాలా బెటర్ అని.
అయితే ఆయన తాజాగా నిర్వహించిన కార్యకర్తల సమావేశం మాత్రం భిన్నంగా జరిగింది. ఆ సమావేశంలో ఆయన మాట్లాడిన మాటలు, వ్యక్తం చేసిన అసహనం వైసీపీవర్గాలలో కలకలం రేపింది.
జనసేన, బీజేపీ నాయకులు ప్రభుత్వ కార్యక్రమాల్లో పెద్దగా భాగస్వాములు కావడం లేదు. ప్రతి నెలా పెన్షన్ల పంపిణీలో టీడీపీ నేతలు, కార్యకర్తలు చురుకుగా పాల్గొంటుంటే.. జనసేన, బీజేపీ నాయకుల భాగస్వామ్యం నామమాత్రంగా ఉంటోందనీ, ఇది కూటమి పార్టీల మధ్య సమన్వయ లోపం ఉందా అన్న అనుమానాలను కలిగిస్తోందనీ సర్వేలో వెల్లడైన జనాభిప్రాయం.
