ఏపీ కాంగ్రెస్ లోకి షర్మిల? జగన్ కు ఇక కష్టకాలమే!

Publish Date:Dec 11, 2023

Advertisement

తెలంగాణలో సొంత కుంపటి పెట్టుకుని చక్రం తిప్పాలనుకున్న వైఎస్సార్టీపీ అధ్యక్షురాలు షర్మిల.. సరిగ్గా ఎన్నికలకు ముందు పార్టీ తెలంగాణలో పోటీకి దూరం అని ప్రకటించి కాంగ్రెస్ నెత్తిన పాలు పోశారు. కాంగ్రెస్ కు మద్దతుగానే తమ పార్టీ పోటీ నుంచి వైదొలగుతుందని షర్మల చేసిన ప్రకటనతో వైఎస్సార్టీపీకి తెలంగాణలో నూకలు చెల్లినట్లైంది. ఆమె నిర్ణయాన్ని వ్యతిరేకిస్తూ దాదాపు పార్టీ అంతా రాజీనామా చేసింది. షర్మిల వైఎస్సార్టీపీని కాంగ్రెస్ లో విలీనం చేయకపోయినా.. పోటీ నుంచి కాంగ్రెస్ కు మద్దతుగా వైదొలగుతున్నట్లు చేసిన ప్రకటనతో అదే జరిగినట్లైంది. ఇక ఇప్పుడు షర్మిలకు తెలంగాణలో చేయడానికి ఏ పనీ లేదు. ఎన్నికల ఫలితాలు వచ్చిన తరువాత కూడా తెలంగాణ ముఖ్యమంత్రిగా రేవంత్ కంటే సమర్థులు, అనుభవజ్ణులూ ఉన్నారంటూ ఆమె చేసిన వ్యాఖ్యలు.. ఆమెను తెలంగాణ రాజకీయాల నుంచి దాదాపు దూరం చేసేసినట్లేనని పరిశీలకులు చెబుతున్నారు. ఈ పరిస్థితుల్లో ఆమె కాంగ్రెస్ గూటికి చేరి.. తెలంగాణను వదిలి ఏపీలో రాజకీయాలు చేసుకోవలసిందేనని కూడా విశ్లేషిస్తున్నారు. కాగా వైఎస్సార్టీపీ కాంగ్రెస్ లో విలీనం అంటు పెద్ద ఎత్తున చర్చ జరుగుతన్న సమయంలోనే తెలుగువన్.. ఇక ఆమె రాజకీయ క్షత్రం ఏపీయే తప్ప తెలంగాణ అయ్యే అవకాశాలు ఇసుమంతైనా లేవని విస్పష్టంగా చెప్పింది.

 ఇప్పుడు అదే జరగబోతోంది. ఆమె కాంగ్రెస్ గూటికి చేరి ఏపీలో పని చేయనున్నారు. ఈ విషయం ఇంకెంత మాత్రం ఊహాగానం కాదు. ఎందుకంటే ఏపీ పీసీసీ చీఫ్  గిడిగు రుద్రరాజు స్వయంగా షర్మిల ఏపీ కాంగ్రెస్ లో చేరనున్నట్లు తెలిపారు. రాష్ట్ర కాంగ్రెస్ లో వైఎస్ షర్మిల కీలక పాత్ర పోషిస్తారని గుడుగు పేర్కొన్నారు.  దీంతో ఇంత కాలం ఆమె ఏం చేసినా ఆమె టార్గెట్ మాత్రం ఏపీ సీఎం, తన సోదరుడు జగన్ మాత్రమేనని తేటతెల్లమైపోయింది. ఈ విషయాన్ని ఆమె స్వయంగా కర్నాటక సీఎం డీకే శివకుమార్ తో తెలంగాణలో వైఎస్సార్టీపీ విలీనం చర్చల సందర్భంగా చెప్పినట్లు రాజకీయవర్గాలలో చర్చ జరుగుతోంది. ఆ కారణంతోనే వైఎస్సార్టీపీని కాంగ్రస్ లో విలీనం ప్రతిపాదనను ఆమె కాంగ్రెస్ ముందుంచారని కూడా అంటున్నారు. అయితే వైఎస్సార్టీపీ విలీనం ప్రతిపాదన ద్వారా  తెలంగాణలో తనతో కలిసి నడిచిన వారికి న్యాయం చేయాలన్నదే ఆమె ఉద్దేశం. అయితే ఆమె ప్రతిపాదనను తెలంగాణ కాంగ్రెస్ నేతలు తీవ్రంగా వ్యతిరేకించడంతో గత్యంతరం లేని పరిస్థితుల్లో ఆమె తెలంగాణలో పోటీ నుంచి కాంగ్రెస్ కు మద్దతుగా వైదొలిగారని విశ్లేషిస్తున్నారు.

సరిగ్గా ఆ సందర్భంలోనే తెలుగువన్.. షర్మిల తెలంగాణలో పోటీ నుంచి వైదొలిగి ఏపీలో కాంగ్రెస్ లో కీలక పాత్ర పోషిస్తారనీ, పార్టీ అధ్యక్ష పగ్గాలను ఆమె చేపట్టినా ఆశ్చర్యం లేదనీ తెలుగువన్ చెప్పింది. ఇప్పుడు జరుగుతున్న పరిణామాలను గమనిస్తే అదే జరిగే అవకాశాలు ఉన్నాయనిపించక మానదు.  షర్మిల కాంగ్రెస్ పార్టీ గూటికి చేరితే పార్టీ ఆమెను వైఎస్ వారసురాలిగా ఆహ్వానించే అవకాశాలు ఉన్నాయి. అంతే కాకుండా వైసీపీలో జగన్ తీరు నచ్చకపోయినా గత్యంతరం లేక ఆ పార్టీలో కొనసాగుతున్న మాజీ కాంగ్రెస్ వాదులందరికీ షర్మిల చేరికతో సొంత గూటికి ద్వారాలు తెరిచినట్లౌతుంది. వైఎస్ వర్గంగా వారంతా షర్మిల నాయకత్వం కింద పని చేయడానికి ఎటువంటి అభ్యంతరం వ్యక్తం చేసే అవకాశాలు ఉండవు. అదీ గాక ప్రస్తుతం ఏపీ కాంగ్రెస్ లో పదవులలో ఉన్నవారంతా నామ్ కే వాస్తే గా పదవులలో కొనసాగుతున్నవారే కానీ రాష్ట్రంలో పార్టీ పటిష్టతకు, బలోపేతానికి వారు చేసిందిగానీ, చేయగలిగింది కానీ ఏమీ లేదనే చెప్పారు. అదే గనుక ఇప్పుడు షర్మిల కాంగ్రెస్ గూటికి చేరి పార్టీలో కీలకంగా వ్యవహరిస్తే.. కాంగ్రెస్ శ్రేణులలో ఉత్సాహం రావడమే కాకుండా.. పార్టీ కార్యక్రమాలలో అంటీముట్టనట్టు వ్యవహరిస్తున్న నేతలలో చురుకు పుడుతుంది. అదే సమయంలో పార్టీని వీడి ఇతర పార్టీలలో సర్దుకున్న వారంతా తిరిగి పార్టీ గూటికి చేరే అవకాశాలున్నాయి. ప్రజలలో కూడా  వైఎస్ రాజశేఖరరెడ్డి పట్ల ఉన్న అభిమానం షర్మిల కారణంగా పార్టీకి ప్లస్ అయ్యే అవకాశాలు ఉన్నాయి. ఇక జగన్ విషయానికి వస్తే తండ్రి  మరణం తరువాత కాంగ్రెస్ తో విభేదించి సొంత పార్టీ పెట్టుకున్నారు. అప్పట్లో వైఎస్ కుటుంబం మొత్తం  ఆయన వెన్నంటి నిలిచి  వైఎస్ రాజకీయ వారసుడు జగనే అని చాటారు.

అయితే అధికార పగ్గాలు చేపట్టిన తరువాత ఆయన తీరుతో కుటుంబం మొత్తం ఆయనకు దూరమైంది. మరీ ముఖ్యంగా సొంత బాబాయ్ వైఎస్ వివేకానందరెడ్డి హత్య కేసు విషయంలో జగన్ వ్యవహరించిన తీరు, ఆరోపణలు ఎదుర్కొంటున్న అవినాష్ రెడ్డికి వత్తాసుగా  వివేకా కుమార్తెను ఇబ్బందులకు గురిచేసిన సంఘటనలతో  కుటుంబం జగన్ కు దూరమైంది. చివరకు సొంత తల్లి, చెల్లి కూడా ఆయనకు దూరం జరిగారు. అదే సమయంలో వివేకా హత్య కేసు దర్యాప్తు తీరుపై డాక్టర్ సునీత చేసిన, చేస్తున్న న్యాయపోరాటానికి షర్మిల మద్దతుగా నిలవడంతో వైఎస్ కుటుంబం  షర్మిల వెనుక  నిలిచారు. ఇక ప్రజలు కూడా వైఎస్ వారసుడిగా జగన్ ను చూడటం ఎప్పుడో మానేశారు. ఈ తరుణంలో షర్మిల కాంగ్రెస్ గూటికి చేరితే.. పార్టీకి దూరమైన అన్ని వర్గాలు, అలాగే వైఎస్ కుటుంబం కాంగ్రెస్ కు దన్నుగా మారే అవకాశాలున్నాయి. ఇది  జగన్ కు రాజకీయంగా పూడ్చుకోలేని నష్టం చేకూర్చడం తథ్యమని పరిశీలకులు విశ్లేషిస్తున్నారు.  

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.