ఆంధ్ర, తెలంగాణాలలో మారిన రాజకీయ బలాబలాలు

Publish Date:Dec 30, 2013

Advertisement

 

మూడేళ్ళ క్రితం కాంగ్రెస్ పార్టీ తెలంగాణా ప్రకటన చేయగానే సీమాంధ్ర నేతలందరూ పార్టీలకతీతంగా మూకుమ్మడిగా రాజీనామాలు చేయడంతో కాంగ్రెస్ వెనక్కి తగ్గక తప్పలేదు. సీమాంధ్ర నేతలు కేంద్ర నిర్ణయాన్ని సైతం మార్చగలగడంతో వారి శక్తిపై సీమాంధ్ర ప్రజలకు అపారమయిన నమ్మకం, విశ్వాసం ఏర్పడ్డాయి. ఆ తరువాత తెలంగాణా ఉద్యమాలు జోరుగా సాగుతున్నతరుణంలో టీ-కాంగ్రెస్ నేతలు, ఇతర పార్టీలు, జేయేసీలు కలిసి పనిచేస్తూనే ఒకరితో మరొకరు కీచులాడుకొంటుంటే, ఇంత అనైక్యంగా ఉన్నవీరు తెలంగాణా సాధించేనా? అని అందరూ పెదవి విరిచారు. సీమాంధ్ర నేతల శక్తి యుక్తులపై ప్రజలకున్నఅపార నమ్మకం వల్ల, తెలంగాణా ప్రజలు, పార్టీలు ఎంతగా పోరాడినా తెలంగాణా ఏర్పడే అవకాశం లేదనే ధీమా కూడా ఉండేది. బహుశః ఆ ధీమాతోనే అన్ని పార్టీలు రాష్ట్ర విభజనకు అంగీకరిస్తూ లేఖలు కూడా ఇచ్చాయి.

 

అయితే తెలంగాణా ప్రజల అలుపెరగని పోరాటాల వల్లనయితేనేమి, రాహుల్ గాంధీని ప్రధానిని చేయాలనే సోనియా గాంధీ దృడసంకల్పం వల్లనయితేనేమి, రాష్ట్రంలో ప్రత్యర్ధ రాజకీయ పార్టీలను దెబ్బతీయాలనే కాంగ్రెస్ దురాలోచన వల్లనయితేనేమి, సీమాంధ్ర మంత్రుల, యంపీల సహకారం వల్లనయితేనేమి మొత్తం మీద హటాత్తుగా రాష్ట్ర విభజనకి, తద్వారా తెలంగాణా ఏర్పాటుకి రంగం సిద్దమయిపోయింది.

 

అయితే మరి సర్వశక్తివంతులనుకొన్న సీమాంధ్ర నేతలందరూ ఈసారి ఎందుకు విఫలమయ్యారు? అనే ప్రశ్నకు జవాబు అందరికీ తెలిసిందే. రాష్ట్ర విభజన జరుగుతోందని చాలా ముందే కాంగ్రెస్ నేతలందరికీ తెలిసినప్పటికీ, వారిలో కొంతమంది మంత్రి పదవులకు, మరికొందరు పార్టీ టికెట్లకు, కాంట్రాక్టులకు అమ్ముడుపోయారనేది బహిరంగ రహస్యం. అంటే తెలంగాణా సాధనకు తెలంగాణా ప్రజల కృషి పట్టుదల ఎంత ఉందో, అందుకు సరిసమానంగా సీమాంధ్ర యంపీలు, మంత్రులు, నేతల సహకారం కూడా ఉందని అంగీకరించక తప్పదు. మళ్ళీ వారే ఇప్పుడు కాంగ్రెస్ పార్టీ తమను అన్యాయం చేసిందని వాపోతూ అద్భుతంగా నటిస్తున్నారు.

 

ఇప్పుడు ఆంధ్ర, తెలంగాణాలో రాజకీయపార్టీల పరిస్థితి పూర్తిగా తారుమరయ్యింది. ఒకప్పుడు ఐకమత్యంగా ఉన్న సీమాంధ్ర నేతలు, పార్టీలు ఇప్పుడు ఎవరికివారే యమునా తీరే అన్నట్లుగా విడిపోవడమే కాకుండా, సీమాంధ్రపై పట్టుకోసం ఎంతకయినా దిగజారేందుకు వెనకాడటం లేదు. వచ్చేఎన్నికలలో పోటీ చేసేందుకు టికెట్ల కోసం, పార్టీలను, సిద్ధాంతాలను అన్నిటినీ పక్కనబెట్టి అటూఇటూ పరుగులు తీస్తున్నారు.

 

ఇక తెలంగాణాలో పార్టీల నేతలందరూ ఇంతవరకు వచ్చిన తెలంగాణాను ఎట్టి పరిస్థితుల్లో వెనక్కి పోనీయకూడదనే గట్టి పట్టుదలతో తమ విభేదాలను, పార్టీ జెండాలను కూడా పక్కనబెట్టి సమైక్యంగా ముందుకు కదులుతున్నారు. వారు ఇప్పుడు సీమాంధ్ర నేతలను ఎదుర్కోవడం తమకు పెద్ద సమస్య కాదనే పూర్తి నమ్మకంతో ఉన్నారు. సీమాంధ్ర నేతలలో చిత్తశుద్ధి కొరవడిందనే సంగతి గ్రహించడమే అందుకు కారణం.

 

తెలంగాణా బిల్లుని శాసనసభలో ఓడిస్తామని, లేకుంటే పార్లమెంటులో ఓడిస్తామని, ఇంకా కుదరకుంటే రాష్ట్రపతికి అఫిడవిట్లు సమర్పించి ఆయన మనసు మార్చేస్తామని, లేకుంటే సుప్రీం కోర్టులో కేసులు వేసి ఆపేస్తామని ఇలా ఏవేవో కట్టు కధలు, పిట్ట కధలు సీమాంధ్ర నేతలు చెపుతూనే ఉన్నారు. అయితే వారి అసలయిన లక్ష్యం రాష్ట్ర విభజనను ఆపడం కాదు. ఆపడానికి తాము మాత్రమే చాలా గట్టిగా కృషి చేసామని చెప్పుకొంటూ వచ్చే ఎన్నికలలో ప్రజల ఓట్లు దండుకోవడమే. మొన్న శాసనసభ సమావేశాలప్పుడు వారందరూ ప్రవర్తించిన తీరు అనుసరించి వ్యూహాలే అందుకు చక్కటి ఉదాహరణగా చెప్పుకోవచ్చును. 

 

ఎన్నికలలో గెలుపే లక్ష్యంగా సాగుతున్నఈ వికృత రాజకీయ క్రీడని బహుశః రాష్ట్ర విభజన జరిగిపోయిన తరువాత కూడా ఎన్నికలు పూర్తయ్యేవరకు వారు ఆడుతూనే ఉంటారు. అందుకు ప్రజలు తగిన ప్రతీకారం తీర్చుకోదలిస్తే తమను ఇంతగా మోసం చేసినవారు ఏ పార్టీలో చేరినా వారిని నిర్దాక్షిణ్యంగా ఓడించడమోకటే మార్గం.

By
en-us Political News

  
విరాట్ కోహ్లీ. ఈ పేరు విన‌గానే.. సూప‌ర్ బ్యాట్స్‌మేన్‌.. డాషింగ్ బ్యాట్స్‌మెన్‌.. టెరిఫిక్ కెప్టెన్‌.. అగ్రెసివ్ యాటిట్యూడ్‌.. ఖ‌త‌ర్నాక్ ఫీల్డ‌ర్‌.. ఇలాంటి స్టేట్‌మెంట్సే గుర్తుకు వ‌స్తాయి. కానీ, ఈ ప‌రుగుల యంత్రం ఖాతాలో తాజాగా ఓ ప‌ర‌మ చెత్త‌ రికార్డు జ‌మ అయింది. 
మూడ్ ఆఫ్ ది నేష‌న్ పేరుతో ఇండియా టుడే స‌ర్వే. గ‌తంలో చేసిన స‌ర్వేలోనే జ‌గ‌న్ గ్రాఫ్ దారునంగా ప‌త‌న‌మైంద‌ని తేలింది. లేటెస్ట్‌గా మ‌రో స‌ర్వే కూడా చేసింది ఇండియా టుడే. మ‌న రాష్ట్రానికి చెందిన మీడియా సంస్థ కాదు కాబ‌ట్టి.. ఎల్లో మీడియా అనే అబాంఢాలు వేసే అవ‌కాశ‌మే లేదు. సో.. ఈ స‌ర్వే నివేదిక కాస్త రియ‌లిస్టిక్‌గా ఉంటుంద‌ని న‌మ్మొచ్చు. మూడ్ ఆఫ్ ది నేషన పేరుతో ఇండియా టుడే విడుదల చేసిన పోల్‌లో ఏపీకి సంబంధించి ఆసక్తికరమైన విషయాలు వెల్లడయ్యాయి. 
ఎన్నికల సందర్భంగా ఇచ్చీ హామీలు అన్నీ అమలు చేయడం, ఏపీ ముఖ్యమంత్రి జగన్మోహన్ రెడ్డి ప్రభుత్వానికే కాదు, ఏ ప్రభుత్వనికీ సాధ్యంకాదు. కానీ, ఏవో కొన్ని ఉచితాలు తప్ప, ఇచ్చిన హామీలు ఏవీ, ముఖ్యంగా సుస్థిర అభివృద్ధికి ఆడగా నిలిచే హామీలు ఏవీ  అమలు చేయని ఘనత మాత్రం నిస్సందేహంగా వైసీపీ ప్రభుత్వానికి, ముఖ్యమంత్రి జగన్ రెడ్డికి మాత్రమే దక్కుతుంది. 
ఓట‌మికి ప్ర‌తీకారం తీర్చుకొనేందుకు బ‌రిలో దిగింది టీమిండియా. మొద‌ట బ్యాటింగ్ చేసి.. సౌత్ ఆఫ్రికాకి 287 ప‌రుగుల‌ భారీ టార్గెట్ ఇచ్చింది. కెప్టెన్ కేఎల్ రాహుల్ హాఫ్ సెంచ‌రీతో రాణించాడు. రిష‌భ్ పంత్ చెల‌రేగి పోయాడు. చివ‌రాఖ‌రిలో బౌల‌ర్లు శార్దూల్‌ ఠాకూర్‌, అశ్విన్ స్టో అండ్ స్ట‌డీగా ప‌రుగులు సాధించి భారీ స్కోరుకు కార‌ణ‌మ‌య్యారు. విరాట్ కోహ్లీ డ‌కౌట్ కావ‌డం ఒక్క‌టే కాస్త నిరాశ ప‌రిచే అంశం.
కేఎల్ రాహుల్‌కు గోల్డెన్ టైమ్ న‌డుస్తున్న‌ట్టుంది. ప్ర‌స్తుతం సౌతాఫ్రికా టూర్‌లో వ‌న్డే సిరీస్‌కు టీమిండియా కెప్టెన్‌గా ప్ర‌మోష‌న్ ద‌క్కింది. ఆ జోష్ అలా కంటిన్యూ అవుతుండ‌గానే.. లేటెస్ట్‌గా వెడ్డింగ్ న్యూస్ బ‌య‌ట‌కు వ‌చ్చింది. ల‌వ‌ర్ క‌మ్ బాలీవుడ్ బ్యూటీ అతియా శెట్టిని త్వ‌ర‌లోనే పెళ్లి చేసుకోనున్నాడు కేఎల్ రాహుల్. ఈ అప్‌డేట్ ఇటు బాలీవుడ్‌.. అటు క్రికెట్‌వుడ్‌లో ఇంట్రెస్టింగ్‌గా మారింది. 
ఎన్నికలు అన్నతర్వాత హామీలు ఇవ్వవలసిందే. అమలు చేయడం చేయక పోవడం తర్వాతి విషయం. అయితే ఓ వంక ఏపీలో అదే హామీ ఇచ్చి అధికారంలోకి వచ్చిన తర్వాత చేతులు ఎత్తేసిన సీపీఎస్ రద్దు, హామీని ఫిబ్రవరిలో అసెంబ్లీ ఎన్నికలు జరిగే యూపీలో వినిపించడం కొంచెం ఆసక్తిగా మారింది. 2019 అసెంబ్లీ ఎన్నికలకు ముందు వైసీపీ అధినేత జగన్మోహన్ రెడ్డి, తమ ప్రతి అధికారంలోకి వస్తే, సీపీఎస్ రద్దు చేస్తామని హమీనిచ్చారు. ఆ హామీకి స్పందించిన  ఉద్యోగులు గంప గుత్తగా వైసీపీకి ఓటేశారు. వైసీపీ గెలిచింది. హామీ ఇచ్చిన జగన్మోహన్ రెడ్డి ముఖ్యమంత్రి అయ్యారు. రెండున్నర సంవత్సరాలు అయింది. అయినా, సీపీఎస్ రద్దు హామీ మాత్రం నెరవేరలేదు. అంతేకాదు, అది అయ్యేది కాదని, ముఖ్యమంత్రి చేతులు ఎత్తేశారు. ఇప్పడు ఏపీలో రోడ్డెక్కిన ఉద్యోగులు  సీపీఎస్ రద్దు హామీ ఇచ్చి అది అమలు చేయక పోగా పీఆర్సీ, హెచ్ఆర్ఎకు ఎసరు తెచ్చారని ఆగ్రహం వ్యక్త పరుస్తున్నారు. 
ఉత్తర ప్రదేశ్ అసెంబ్లీ ఎన్నికలు దగ్గరయ్యే కొద్దీ రాష్ట్ర రాజకీయాలు సంచలనంగా మారుతున్నాయి. బీజేపీ నుంచి ముగ్గురు మంత్రులు మరి కొందరు ఎమ్మెల్యేలు సమాజ్ వాదీ (ఎస్పీ) తీర్ధం పుచ్చుకున్నారు. మరో వంక ఎస్పీ ఫస్ట్ ఫ్యామిలీ నుంచి ములాయం సింగ్ యాదవ్ రెండవ కోడలు అపర్ణ, ములాయం తోడల్లుడు, మాకీ ఎమ్మెల్యే ప్రమోద్ గుప్తా కమలం గూటికి చేరారు. కాంగ్రెస్, బీఎస్పీ కూడా పోటీలో ఉన్నా ప్రధాన పోటీ బీజేపీ, సమాజ్ వాదీ కూటమి మధ్యనే అన్నట్లుగా ప్రచారం సాగుతోంది. మరో వంక కాంగ్రెస్ పార్టీ చాలా కాలం తర్వాత ఒంటరిగా బరిలో నిలుస్తోంది.అంతే కాకుండా, సర్వేలన్నీ హస్తం పార్టీకి సింగిల్ డిజిట్ చూపిస్తున్నా, కాంగ్రెస్ ప్రచార బాధ్యతలు నిర్వహిస్తున్న, పార్టీ ప్రధాన కార్యదర్శి, ప్రియాంకా వాద్రా మాత్రం దూకుడుగా ముందుకు సాగుతున్నారు. 
క‌నిపిస్తే దాడులు.. కుదిరితే కేసులు.. వీలైతే హ‌త్య‌లు.. ఏపీలో వైసీపీ మూకల ఆగ‌డాల‌కు అంతేలేకుండా పోతోంది. ఇటీవ‌ల ప‌ల్నాడులో చంద్ర‌య్య‌ను వైసీపీ నాయ‌కులు న‌డిరోడ్డుపై దారుణంగా చంపేస్తే.. తాజాగా గుడివాడ‌లో టీడీపీ నేత బోండా ఉమాపై మ‌రోసారి హ‌త్యాయ‌త్నానికి పాల్ప‌డ్డారు. గుడివాడ‌లో గోవా క‌ల్చ‌ర్ తీసుకొచ్చి.. కె క‌న్వెన్ష‌న్‌లో గ‌బ్బు గ‌బ్బు చేసిన ఘ‌ట‌న‌పై.. టీడీపీ నిజ‌నిర్థార‌ణ క‌మిటీ కొడాలి నాని ఇలాఖాలో అడుగుపెట్టింది. టీడీపీ నాయ‌కుల రాక‌న త‌ట్టుకోలేని.. వైసీపీ మూక‌లు వారిపై దాడుల‌కు తెగ‌బ‌డ్డారు. 
బండ్ల గణేశ్ ఎపిసోడ్ గుర్తుందిగా! అప్ప‌ట్లో తెలంగాణ అసెంబ్లీ ఎన్నిక‌ల్లో కాంగ్రెస్ త‌ర‌ఫున పోటీ చేసేందుకు సిద్ద‌మ‌య్యారు. ఒక‌వేళ తాను ఓడిపోతే.. 7' ఓ క్లాక్ బ్లేడ్‌తో మెడ కోసుకొని చ‌స్తా నంటూ స‌వాల్ చేశారు. ఆ త‌ర్వాత అస‌లా ఎన్నిక‌ల్లో బండ్ల గ‌ణేశ్‌కు కాంగ్రెస్ పార్టీ టికెటే ఇవ్వ‌లేదు. ఆయ‌న పోటీనే చేయ‌లేదు. దీంతో.. కొంద‌రు ఉత్సాహ‌వంతులు 7' ఓ క్లాక్ బ్లేడ్ తీసుకొని ఆయ‌న ఇంటికెళ్లారు. బండ్ల గ‌ణేశ్ ఇంట్లో లేరు. అప్ప‌టి నుంచీ ఆయ‌న్ను బ్లేడ్ బాబ్జీ అంటున్నారు. ఆ త‌ర్వాత అదే విష‌యాన్ని మీడియా ప్ర‌తినిధులు ప్ర‌శ్నిస్తే.. ఊరుకోండి.. ఫ్లో లో ఎన్నెన్నో అంటాం.. అవ‌న్నీ చేస్తామా ఏంటి? అంటూ బండ్ల గ‌ణేశ్ కామెడీ చేశారు. సేమ్ టూ సేమ్‌.. అలాంటి సంద‌ర్భ‌మే ఇప్పుడు ఏపీలో తెర‌మీద‌కు వ‌చ్చింది. 
ఆయ‌న ప్ర‌భుత్వ ప్ర‌ధాన కార్య‌ద‌ర్శి. రాష్ట్రంలోకే అత్యంత సీనియ‌ర్ ఐఏఎస్ అధికారి. బాగా స‌మ‌ర్థ‌వంతుడు, ప‌నిమంతుడినే సీఎస్ ప‌ద‌విలో కూర్చొబెడ‌తారు. కానీ, తెలంగాణ సీఎస్ సోమేశ్ కుమార్ చ‌ర్య‌లు ప‌లుమార్లు విమ‌ర్శ‌ల పాల‌య్యాయి. అసంబ‌ద్ద‌ నిర్ణ‌యాల‌తో ప్ర‌భుత్వానికి త‌ల‌వొంపులు తీసుకొస్తున్నార‌నే ఆరోప‌ణ‌లు ఉన్నాయి. ఇంత‌కీ అస‌లేం జ‌రిగిందంటే....
కృష్ణా జిల్లా గుడివాడలో క్యాషినో రగడ పెరిగిపోతూనే ఉంది. కొడాలి కన్వెన్షన్ సెంటర్ లో క్యాషినో ఏర్పాటు చేయడంపై టీడీపీ నేతలు తీవ్ర అభ్యంతరం వ్యక్తం చేస్తున్నారు. ఈ క్రమంలో కొందరు టీడీపీ నేతల నిజనిర్ధారణ కమిటీ క్యాషినో కథ నిగ్గు తేల్చేందుకు యత్నించింది. కే కన్వెన్షన్ వద్దకు వెళ్లేందుకు యత్నించిన టీడీపీ నేతలను పోలీసులు అడ్డుకున్నారు. దీంతో గుడివాడలో ఉద్రిక్త పరిస్థితులు నెలకొన్నాయి. టీడీపీ నేతలు వర్ల రామయ్య, కొనకళ్ల నారాయణ,  బోండా ఉమ, కొల్లు రవీంద్ర, ఆలపాటి రాజా, నక్కా ఆనంద్ బాబు, ఆచంట సునీత, తంగిరాల సౌమ్య సహా ఇతర నేతలను పోలీసులు అరెస్ట్ చేశారు. వారిని పామర్రు పోలీస్ స్టేషన్ కు తరలించారు. దీంతో గుడివాడలో పరిస్థితులు మరింత తీవ్ర స్థాయికి వెళ్లిపోయాయి.
ప్ర‌భుత్వం పీఆర్సీ పంతం వీడ‌ట్లేదు. ఉద్యోగులు పీఆర్సీపై ప‌ట్టు వీడ‌ట్లేదు. ఎవ‌రికి వారే త‌గ్గేదేలే అంటూ స‌త్తా చాటుతున్నారు. పీఆర్సీ జీవోల‌తో ఉద్యోగుల జీతాల‌కు భారీ చిల్లు ప‌డుతోంది. ఆ జీవోలు వెంట‌నే ర‌ద్దు చేయాలంటూ ఉద్యోగులు రోడ్డెక్కి పోరాడుతున్నారు. అయినా, పీఆర్సీలో ఎలాంటి మార్పు లేదంటూ.. ఆ జీవోల‌కు ఏపీ మంత్రివ‌ర్గం ఆమోద ముద్ర వేసింది. ఇటీవల రాష్ట్ర ప్రభుత్వం ప్రకటించిన పీఆర్సీ జీవోలను యథాతథంగా అమలు చేసేందుకు మంత్రివర్గం ఆమోదం తెలిపింది. ఉద్యోగుల పదవీ విరమణ వయస్సు 62 ఏళ్లకు పెంపు, కరోనాతో మరణించిన ఉద్యోగుల కుటుంబాల్లో కారుణ్య నియామకాలకు, జగనన్న స్మార్ట్‌ టౌన్‌ షిప్‌లలో ప్రభుత్వ ఉద్యోగులకు 10 శాతం కేటాయింపునకు మంత్రివర్గం ఆమోదం తెలిపింది. ఉద్యోగులకు 20 శాతం రిబేట్‌.. పెన్షనర్లకు 5 శాతం ప్లాట్లు కేటాయింపునకు కేబినెట్ గ్రీన్ సిగ్న‌ల్ ఇచ్చేసింది. 
కొవిడ్ కేసులు బీభ‌త్సంగా పెరుగుతున్నాయి. క‌ట్ట‌డి అదుపు త‌ప్పింది. విచ్చ‌ల‌విడి కేసుల‌తో క‌ల్లోలం మొద‌లైంది. బ‌స్సు, రైళ్ల ప్ర‌యాణంతో క‌రోనా ముప్పు మ‌రింత వ్యాపించే ప్ర‌మాదం ఉంది. అందుకే, ద‌క్షిణ మ‌ధ్య రైల్వే అల‌ర్ట్ అయింది. ప‌లు రైళ్ల‌ను ర‌ద్దు చేసింది. ఈ నెల 21 నుంచి 24వరకు.. 4 రోజుల పాటు 55 ప్యాసింజర్‌ రైళ్లను రద్దు చేస్తున్నట్టు ప్ర‌క‌టించింది. ఆ మేర‌కు ర‌ద్దైన రైళ్ల జాబితా రిలీజ్ చేసింది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.