Top Stories

కాంగ్రెస్ సీనియర్ నాయకురాలు, కేంద్ర మాజీ మంత్రి మోహ్సినా కిద్వాయ్ కన్నుమూత

ఐదు రోజుల్లో పెళ్లి.. యువ వ్యాపారవేత్త ఆత్మహత్య

పైలట్ ట్రైనింగ్ కు వచ్చిన యువతిపై ట్రైనర్ అత్యాచారం

కేసీఆర్, హరీష్ పిటిషన్.. తీర్పు వాయిదా వేసిన తెలంగాణ హైకోర్టు

యువతులకు ఉగ్ర శిక్షణ.. సైదా బేగం విచారణలో విస్తుపోయే వాస్తవాలు!

కాంగ్రెస్ సీనియర్ నాయకురాలు, కేంద్ర మాజీ మంత్రి మోహ్సినా కిద్వాయ్ కన్నుమూత

కాంగ్రెస్‌లో అత్యంత సీనియర్ నాయకురాలు, కేంద్ర మాజీ మంత్రి మోహ్సినా కిద్వాయ్ ఇకలేరు. గత కొంతకాలంగా వయస్సు సంబంధిత రుగ్మతలతో బాధపడుతున్న ఆమె బుధవారం ( ఏప్రిల్ 8) తెల్లవారు జామున తుదిశ్వాస విడిచారు. ఆమె వయస్సు 94 ఏళ్లు. మోహ్సినా కిద్వాయ్ మృతి పట్ల కాంగ్రెస్ అగ్ర నాయకత్వంతో పాటు పలువురు రాజకీయ ప్రముఖులు తీవ్ర సంతాపం వ్యక్తం చేశారు. సుదీర్ఘ రాజకీయ అనుభవం కలిగిన కిద్వాయ్, గాంధీ కుటుంబానికి అత్యంత సన్నిహితురాలిగా గుర్తింపు పొందారు. మోహ్సినా కిద్వాయ్ అంత్యక్రియలు ఢిల్లీలోని నిజాముద్దీన్ స్మశాన వాటికలో బుధవారం (ఏప్రిల్ 8) సాయంత్రం నిర్వహించనున్నట్లు కుటుంబ సభ్యులు తెలిపారు. ఉత్తరప్రదేశ్ రాజకీయాల్లో తనకంటూ ఒక ప్రత్యేక గుర్తింపు తెచ్చుకున్న కిద్వాయ్, ఆరు దశాబ్దాలకు పైగా కాంగ్రెస్ పార్టీకి అంకితభావంతో సేవలు అందించారు. ఇందిరా గాంధీ, రాజీవ్ గాంధీ హయాంలో కేంద్ర మంత్రిగా రవాణా, ఆరోగ్యం, పట్టణాభివృద్ధి వంటి కీలక శాఖలను నిర్వహించారు. ఉత్తరప్రదేశ్‌లోని మీరట్ నియోజకవర్గం నుండి లోక్‌సభకు ప్రాతినిధ్యం వహించడమే కాకుండా, ఛత్తీస్‌గఢ్ నుండి రాజ్యసభ సభ్యురాలిగా పనిచేశారు. పార్టీ సంస్థాగత వ్యవహారాల్లో కూడా ఆమె చురుకైన పాత్ర పోషించారు. ఏఐసీసీ జనరల్ సెక్రటరీగా, కాంగ్రెస్ వర్కింగ్ కమిటీ సభ్యురాలిగా ఆమె సేవలందించారు. పార్టీ కష్టకాలంలో ఉన్నప్పుడు కూడా ఆమె కాంగ్రెస్ వెంటే నిలిచారు. ముఖ్యంగా 1978లో జరిగిన అజంగఢ్ ఉప ఎన్నికలో ఆమె సాధించిన విజయం, కాంగ్రెస్ పునరుజ్జీవనానికి నాంది పలికిందని చెప్పాల్సి ఉంటుంది. ఆమె మృతి పార్టీకి తీరని లోటని కాంగ్రెస్ జాతీయ అధ్యక్షుడు మల్లికార్జున ఖర్గే తన సంతాప సందేశంలో పేర్కొన్నారు.కిద్వాయ్ మృతి పట్ల సోనియా గాంధీ, రాహుల్ గాంధీ సహా పలువురు ప్రముఖులు తీవ్ర దిగ్భ్రాంతి వ్యక్తం చేశారు.

Publish Date: Apr 8, 2026 3:58PM

మళ్లీ పెరిగిన బంగారం ధరలు

బంగారం ధరలు మళ్లీ పెరిగాయి. బులియన్ మార్కెట్ లో 10 గ్రాముల 24 క్యారెట్ల బంగారం ధర మంగళవారం (ఏప్రిల్ 7) 1,49,840 రూపాయలు, 10 గ్రాముల 22 క్యారెట్ల బంగారం 1,37,350 రూపాయలు, అలాగే10 గ్రాముల 18 క్యారెట్ల బంగారం ధర 1,12,380 దగ్గర ట్రేడ్ అయింది. గుడ్ రిటర్న్స్ వెబ్ సైట్ ప్రకారం బుధవారం (ఏప్రిల్ 8) 24 క్యారెట్లపై 3,980 రూపాయలు.. 22 క్యారెట్లపై 3,650 రూపాయలు.. 18 క్యారెట్లపై 2,990 రూపాయలు పెరిగింది. హైదరాబాద్ మార్కెట్‌లో ఉదయం పది గంటల ప్రాంతంలో బంగారం ధరలు ఇలా ఉన్నాయి. 10 గ్రాముల 24 క్యారెట్ల బంగారం 1,53,820 రూపాయల దగ్గర ట్రేడ్ అవుతోంది. 10 గ్రాముల 22 క్యారెట్ల బంగారం 1,41,000 రూపాయల దగ్గర.. 10 గ్రాముల 18 క్యారెట్ల బంగారం 1,15,370 రూపాయల దగ్గర ట్రేడ్ అవుతోంది. ఈ రోజు వెండి ధరలు కూడా భారీగా పెరిగాయి. కేజీ వెండిపై పది వేలు పెరిగి 2,65,000 రూపాయల దగ్గర ట్రేడ్ అవుతోంది. 100 గ్రాముల వెండిపై వెయ్యి పెరిగి 26,500 రూపాయల దగ్గర ట్రేడ్ అవుతోంది.

Publish Date: Apr 8, 2026 3:43PM

ఫుట్ పాత్‌పై ఆక్రమణల కూల్చివేతలు

మేడ్చల్ మల్కాజిగిరి ప్రాంతంలో ఉద్రిక్త వాతావరణం నెలకొంది. మల్కాజిగిరి చౌరస్తాలో ఫుట్‌పాత్ ఆక్రమణల తొలగింపు చర్యలను మున్సిపల్ అధికారులు ప్రారంభించారు. చౌరస్తా ఇరువైపులా ఫుట్‌పాత్‌లను ఆక్రమించి ఏర్పాటు చేసిన దుకాణాలు, తాత్కాలిక షెడ్లు, స్టాళ్లను అధికారులు తొలగిస్తు న్నారు. టౌన్ ప్లానింగ్ విభాగం ఆధ్వర్యంలో భారీ పోలీస్ బందోబస్తు మధ్య ఈ చర్యలు కొనసాగుతు న్నాయి. ఆక్రమణల తొలగింపులో భాగంగా జేసీబీలు, మున్సిపల్ సిబ్బంది రంగంలోకి దిగి ఫుట్ పాత్ పై ఉన్న షాపులను తొలగిస్తున్నారు. ముందుగా ఎటువంటి సమాచారం లేకుండా అకస్మాత్తుగా అధికారులు వచ్చి ఫుట్‌పాత్‌లపై ఆక్రమణలు తొలగించడంతో దుకాణదారులు ఆవేదన వ్యక్తం చేస్తున్నారు. “కొద్దిగా సమయం ఇవ్వండి, మేమే మా సామాను తీసేస్తాం” అంటూ వ్యాపారులు విజ్ఞప్తి చేశారు. అయితే ట్రాఫిక్‌కు అంతరా యం కలగకుండా, పాదచారుల సౌకర్యం కోసం వెంటనే చర్యలు తీసుకోవాల్సిందేనని అధికారులు స్పష్టం చేశారు. ఈ సందర్భంగా ఫుట్‌ పాత్‌పై వ్యాపారం చేసుకుంటున్న చిరు వ్యాపారులు అధికారులతో వాగ్వాదానికి దిగారు. దీంతో అక్కడ కొంత ఉధృత వాతావరణం నెలకొని ఉంది. పాదచారుల భద్రత, ట్రాఫిక్ సౌలభ్యం దృష్ట్యా ఫుట్‌పాత్ ఆక్రమణలపై ప్రత్యేక డ్రైవ్ కొనసాగు తుందని మున్సిపల్ అధికారులు తెలిపారు. పరిస్థితి ఉదృతంగా మారడంతో పోలీసులు వెంటనే అప్రమత్తమై చిరు వ్యాపారుల సామాన్లన్నీ తీసుకునే వరకు వెయిట్ చేసి అనంతరం కూల్చి వేసే పనులు చేపట్టారు.

Publish Date: Apr 8, 2026 3:39PM

హోర్ముజ్ జలసంధిపై ట్రంప్ కీలక ప్రకటన

అమెరికా, ఇరాన్ మధ్య కొనసాగుతున్న ఉద్రిక్తతల నేపథ్యంలో కీలక పరిణామం చోటుచేసుకుంది. హోర్ముజ్ జలసంధిని తెరిచేందుకు ఇరాన్‌కు అమెరికా అధ్యక్షుడు డొనాల్డ్ ట్రంప్ మరో రెండు వారాల గడువు ఇచ్చారు. ఇరాన్‌పై దాడులను తాత్కాలికంగా రెండు వారాల పాటు నిలిపివేస్తున్నట్లు ప్రకటించారు. ఈ రెండు వారాల సమయంలో శాంతి చర్చలు కూడా జరగనున్నాయి. ఇరాన్ కూడా ఈ తాత్కాలిక ఒప్పందానికి అంగీకరించినట్లు ట్రంప్ పేర్కొన్నారు. ఇరాన్‌కు ఇచ్చిన గడువును పొడిగించాలన్న పాకిస్థాన్ ప్రధాని షెహబాజ్ షరీఫ్ ప్రతిపాదనను అంగీకరించి ఈ నిర్ణయం తీసుకున్నట్టు 'ట్రూత్' ద్వారా ట్రంప్ వెల్లడించారు. పాక్ ప్రధాని షరీఫ్, ఫీల్డ్ మార్షల్ మునీర్‌తో మాట్లాడాననీ, వారి వినతి మేరకు ఇరాన్‌కు ఇచ్చిన గడువును పొడిగించి, దాడులను నిలిపివేస్తున్నట్లు ప్రకటించారు. అయితే హోర్ముజ్ జలసంధిని తెరవాలనే షరుతుకు లోబడి ఈ రెండు వారాల గడువుకు, కాల్పుల విరమణకు అంగీకరించానని ట్రంప్ పేర్కొన్నారు. ఇరు దేశాల వైపు నుంచి ఈ కాల్పుల విరమణ ఉంటుందని పేర్కొన్న ట్రంప్.. ఇరాన్ పది సూత్రాలతో పంపిన ప్రతిపాదన బాగుందని చెప్పారు. ఈ రెండు వారాల సమయంలో ఇరాన్‌తో శాంతి చర్చలు జరుగుతాయన్నారు. ఇరాన్‌తో శాశ్వాత ఒప్పందానికి, పశ్చిమాసియాలో ప్రశాంతతను నెలకొల్పడానికి ఈ రెండు వారాల గడువు ఉపయో గపడుతుందని ట్రంప్ పేర్కొన్నారు. దీర్ఘకాలిక సమస్యకు పరిష్కారం త్వరలోనే దొరకబోతోందని ఆశాభావం వ్యక్తం చేశారు.

Publish Date: Apr 8, 2026 3:34PM

అంబులెన్స్ లో ప్రసవం

జనన, మరణాలు మన చేతిలో లేవు. కానీ కొన్ని సందర్భాల్లో 108 సిబ్బంది సమయస్ఫూర్తి, ధైర్యంతో ప్రాణం పోస్తారు. అంబులెన్సులోనే సుఖ ప్రసవాలు జరిగేలా చూస్తారు. అటువంటి సంఘటనే ఆంధ్రప్రదేశ్ లో జరిగింది. ఓ గర్భిణీని అంబులెన్స్ లో తరలిస్తున్న సమయంలో మార్గమధ్యంలో పురిటి నొప్పులు వచ్చాయి. ప్రసవ వేదనతో బాధపడుతున్న ఆ గర్భిణికి 108 సిబ్బంది సమయస్ఫూర్తితో అంబులెన్స్ లోనే కాన్పు చేసి తల్లి బిడ్డలను సురక్షితంగా కాపాడారు. ఈ సంఘటన రాయచోటిలో జరిగింది. బుధవారం తెల్లవారుజామున ఓ గర్భిణీ ని మెరుగైన చికిత్స కోసం రాయచోటి ఏరియా హాస్పిటల్ నుండి కడప రిమ్స్ హాస్పిటల్ కి 108 అంబులెన్స్ లో తీసుకు వెళ్తున్న సమయంలో ఆమె కు నొప్పులు అధికమ య్యాయి. పరిస్థితిని అర్ధం చేసుకున్న అంబులెన్స్ సిబ్బంది ఈఆర్సిపి డాక్టర్ సింధుకు ఫోన్ చేసి విషయం వివరించారు. దీంతో డాక్టర్ సింధు సలహా మేరకు అంబులెన్స్ సిబ్బంది జయరామ్ అంబు లెన్స్ లోనే గర్భిణీకి ప్రసవం జరి పారు. ఆ గర్భిణి పండంటి బిడ్డకు జన్మనిచ్చింది. బిడ్డ, తల్లి ఇద్దరు క్షేమంగా ఉన్నారు. అనంతరం ఆ మహిళకు ఐవి ఫ్లూయిడ్స్ అందిస్తూ శిశువుకు అవసరమైన ప్రాథమిక సంరక్షణ చేపడుతూ... తల్లి ,బిడ్డలను మెరుగైన చికిత్స నిమిత్తం కడప రిమ్స్ హాస్పిటల్ కి సురక్షితంగా తరలించారు. అయితే అప్పటికే అంబు లెన్స్ లో ప్రసవించిన మహి ళను చూసి కుటుంబ సభ్యులు ఆశ్చర్యపోయారు. అత్యవసర సమయంలో సమయస్ఫూర్తితో వ్యవ హరించి ప్రసవం చేసిన 108 సిబ్బందిని అభినందించారు.

Publish Date: Apr 8, 2026 3:25PM

ఐదు రోజుల్లో పెళ్లి.. యువ వ్యాపారవేత్త ఆత్మహత్య

మరో ఐదు రోజుల్లో పెళ్లి... ఇంట్లో అంతా సందడి... పెళ్లి బట్టలు, నగల షాపింగ్ అంటూ హడావుడి... అంతలోనే పెళ్లి కొడుకు ఆత్మహత్య చేసుకున్నాడన్న వార్త ఆ కుటుంబాన్ని విషాదంలో ముంచేసింది. ఈ ఘటన హైదరాబాద్ నగరంలో చోటు చేసుకుంది. హైదరాబాద్ గచ్చిబౌలిలో జరిగింది. వివరాలిలా ఉన్నాయి. గచ్చిబౌలి మంగళ అపార్ట్ మెంట్ లో నివాసముంటున్న మెట్ల వెంకట కృష్ణ శ్రీ సాయి అనే యువకుడు వ్యాపారం చేస్తున్నాడు. ఈనెల 12వ తేదీన వెంకట కృష్ణ డెస్టినేషన్ మ్యారేజ్ జరగనుంది. ఒకవైపు అంగరంగ వైభవంగా వివాహం జరిపించేందుకు ఏర్పాట్లు జరుగుతున్నాయి. ఇప్పటికే ఈ వివాహ ఏర్పాట్ల కోసం వెంకట కృష్ణ 20 లక్షల రూపాయలు ఖర్చు చేశాడు. ఆ సమయంలో వెంకటకృష్ణ తన సోదరుడికి ఒక మెసేజ్ పంపాడు. తాను తీవ్ర మానసిక వేదన కు గురి అవుతున్నానని ఆత్మహత్యకు పాల్పడుతున్నాన్నది ఆ మెసేజ్ సారాంశం. అది చూసి షాక్ కు గురైన సోదరుడు వెంటనే వెంకట కృష్ణ ఉంటున్న ఇంటికి వెళ్ళాడు. కానీ అప్పటికే వెంకట కృష్ణ రక్తపు మడుగులో పడి ఉన్నాడు... తీవ్ర మానసిక వేదనకు గురైన వెంకటకృష్ణ పెయిన్ కిల్లర్ టాబ్లెట్స్ మింగి అనంతరం కత్తితో గొంతు కోసుకున్నట్లు తెలుస్తోంది. అది చూసిన సోదరుడు వెంటనే వెంకట కృష్ణను హాస్పిటల్కి తరలిం చాడు. హాస్పిటల్ లో చికిత్స పొందుతూ వెంకటకృష్ణ మృతి చెందాడు. మృతుడి సోదరుడి ఫిర్యాదు మేరకు గచ్చిబౌలి పోలీసులు కేసు దర్యాప్తు చేపట్టారు. వెంకటకృష్ణ ఆత్మహత్య చేసుకోవ డానికి గల కారణాలపై పోలీసులు ఆరా తీస్తున్నారు. మరో ఐదు రోజుల్లో వివాహం చేసుకోబోయే యువ వ్యాపారవేత్త ఆత్మహత్య చేసుకోవడంతో పెళ్లి ఇల్లు శోకసంద్రంలో మునిగిపోయింది.

Publish Date: Apr 8, 2026 3:15PM

MOVIE NEWS

Get all the updates about andhra pradesh news, political news, articles, sr journalists books, regional news, telugu cinema news etc. Find information about Telugu film news, regional news, current affairs, gallery, wallpapers, etc. See Telugu news, news videos along with latest news only at TeluguOne.com.

TeluguOne Services

» TOne Home
» Movie News
» Movies
» Photos
» Grandalayam

» Short Films
» Bhakti
» Videos
» KidsOne
» TORi (Radio)

» Sahityam
» Recipes
» Astrology
» Comedy
» Vanitha

» NRI Corner
» Greetings
» Health
» Charity
» News

TeluguOne For Your Business
» Ad Tariff
About TeluguOne
» About TeluguOne
KEYWORDS: TELUGU NEWS

Disclaimer: All content on this website—including text, images, videos, graphics, and audio—is the property of ObjectOne Information Systems Ltd. or its associates. Unauthorized reproduction, distribution, modification, or publication of any material is strictly prohibited without prior written consent..