ఏపీఐఐసీ ఛైర్ పర్సన్ గానే తిరుమల దర్శనాల దందాకు తెరలేపిన రోజా!

Publish Date:Jun 28, 2024

Advertisement

రోజా అక్రమాలు, అవినీతి అంటూ వచ్చిన ఆరోపణలు, విమర్శలు అన్నీ కూడా ఆమె మంత్రిగా పదవీ బాధ్యతలు చేపట్టిన తరువాత నుంచే అని అంతా  భావిస్తున్నారు. ఔను ఆమె మంత్రిగా పదవీ బాధ్యతలు చేపట్టిన తరువాత ఆమె తీరు పూర్తిగా మారిపోయింది. మంత్రి పదవి కోసం చకోరపక్షిలా వేచి చూసిన రోజాకు ఎట్టకేలకు వైసీపీ అధికారంలోకి వచ్చిన మూడేళ్ల తరువాత జగన్ తన కేబిన్ పునర్వ్యవస్థీకరణలో భాగంగా టూరిజం శాఖ మంత్రిగా పదవీ బాధ్యతలు అప్పగించారు. అంతకు ముందు కూడా ఆమెనేమీ తీసి పక్కన పెట్టలేదు. ఆమెకు  ఏపీఐఐసీ ఛైర్ పర్సన్ గా కీలక బాధ్యతలు అప్పగించారు. 

అప్పుడు ఆమె ఏమీ సుద్దపూసలా వ్యవహరించలేదు. ఆ హోదాలో కూడా ఆమె  ముడుపుల మూటల వ్యవహరాంలో ఎలాంటి ముఖమాటాలకూ పోలేదు.   ఆ విషయానికి వచ్చే ముందు మంత్రిగా ఆమెకు ఆమె పార్టీ వారే ఇచ్చిన బిరుదు ఏమిటంటే కలెక్షన్ క్వీన్.  మంత్రి పదవి రాగానే, ముడుపులు ముట్ట రాదు, లంచాలు పుచ్చుకోరాదు అని రూలు ఏమైనా  ఉందా అన్నట్లుగా ఆమె మంత్రిపదవి చేపట్టిన వంద రోజులకే క్యాష్  కౌంటర్ ఓపెన్ చేసి ఓపెన్ గా ముడుపులు స్వీకరించడం మొదలు పెట్టేశారని వైసీపీ వర్గాల నుంచే పెద్ద ఎత్తున విమర్శలు వెల్లువెత్తాయి.   మినిస్టర్ రోజా.. అప్పాయింట్మెంట్ కే రూ. 50 వేలు తీసుకుంటారనీ, పోస్టింగులకు ఇంత అన్నట్లుగా ఆమె అందివచ్చిన ఏ అవకాశాన్నీ విడవకుండా రేట్ల కట్టి మరీ ముడుపులు తీసుకున్నారన్న విమర్శలూ ఉన్నాయి. 

సరే ఇప్పుడు విషయానికి వస్తే ఆమె మంత్రిగా పదవీ బాధ్యతలు చేపట్టడానికి చాలా ముందు నుంచే అంటే ఏపీఐఐసీ ఛైర్ పర్సన్ గా ఉన్నప్పుడు కూడా అడ్డగోలు సంపాదన కోసం అర్రులు చాచారని ఇప్పడు వెలుగులోనికి వస్తుంది. మంత్రిగా ఆమె వారం వారం వందల మందితో చేసే వీఐపీ బ్రేక్ దర్శనాలు పెద్ద కుంభకోణమని, తిరుమలేశుని దర్శనం పేరిట ఆమె కోట్లు దండుకున్నారన్న విమర్శలు ఉన్నాయి. అయితే ఈ వీఐపీ బ్రేక్ దర్శనాల దందా ఆమె ఏపీఐఐసీ ఛైర్ పర్సన్ గా ఉన్నప్పుడే మొదలు పెట్టారని ఇప్పుడు వెల్లడైంది. ఏపీఐఐసీ ఛైర్ పర్సన్ గా ఉన్న సమయంలోనే ఆమె ఒకే  సిఫారసు లేఖ మీద 20 మందికి వీఐపీ బ్రేక్ దర్శనం చేయించినట్లు ఆధారాలతో సహా తేలింది. ఒక లేఖపై ఆరు లేదా ఏడుగురికి మించి బ్రేక్ దర్శనానికి అనుమతిలేదని టీటీడీ నిబంధనలు పేర్కొంటాయి. అయితే రోజా సిఫారసు లేఖ ఉంటే నిబంధనలు బేఖాతరే అని టీటీడీ ఆచరణలో చూపింది. ఆనం వెంకట్రామరెడ్డి వీఐపీ బ్రేక్ దర్శనాల పేర రోజా కోట్లలో దండుకున్నారని చేసిన ఆరోపణలకు బలం చేకూర్చేదిగా ఆమె ఒకే లేఖలో పదుల సంఖ్యలో బ్రేక్ దర్శనాలకు సిఫారసు చేయడం నిలుస్తోంది. 

By
en-us Political News

  
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
తెలుగు చలనచిత్ర పరిశ్రమలో తీవ్ర విషాదం చోటుచేసుకుంది.
తీపి పదార్థమనుకుని నోట్లో పెట్టుకున్నాడు.. చివరకు విగతజీవిగా మారాడు!
డిజిటల్ ఆర్థిక వ్యవస్థలో కీలక పాత్ర పోషిస్తున్న గిగ్ వర్కర్ల సంక్షేమానికి తెలంగాణ ప్రభుత్వం కీలక అడుగులు వేస్తోంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.