స్టూడియోల పేరున భూమ్..ధామ్..?

Publish Date:Feb 13, 2022

Advertisement

ఆంధ్రప్రదేశ్ ముఖ్యమంత్రి జగన్మోహన్ రెడ్డి, మంచి అడ్మినిస్ట్రేటర్ కాక పోవచ్చును, కానీ, మంచి వ్యాపారవేత్త. ఇది, ఆయన రాజకీయ ప్రత్యర్ధులు సైతం ఆమోదించి తీరవలసిన వాస్తవం. అదే విహయాన్ని ఆయన మరో సారి నిరుపించుకున్నారు. గతంలో ఉమ్మడి ఆంధ్రప్రదేశ్’లో ప్రత్యక్షంగా అధికారంలో లేకుండానే, ఆయన తమ వ్యాపార దక్షతను చూపారు. వ్యాపార సామ్రాజ్యాన్ని విస్తరించి రుజువు చేశారు. ‘క్విట్ ప్రో కో’ తో  కుప్పలు కుప్పలుగ డబ్బులు సంపదించారు. సరే ఆ తర్వాత, ఆయన అక్రమాలకు పాల్పడ్డారని  ఆరోపణలు రావడం,అయన ఓ 16 నెలలు జైలులో ఉండి రావడం అదంతా చరిత్ర. అలాగే, కొన్నికేసులకు సంబంధించి కోట్ల రూపాయల ఆస్తులను ఈడీ జప్తు చేసిందనుకోండి,అది కూడా వేరే విషయం అనుకోండి. అయితే, ఇప్పటికీ, ఆయన సీబీఐ, ఈడీ దాఖలు చేసిన ఓ పదివరకు చార్జి షీట్లలో ఏ1 ముద్దాయిగా ఉన్నారు. 

ఆదలా ఉంటే, ఇప్పుడు జగన్ రెడ్డి బిజినెస్ యాంగిల్’లో అలోచించి సినిమా ఇండస్ట్రీతో రియల్ ఎస్టేట్ వ్యాపారం చేసేందుకు పథకాలను సిద్దంచేస్తున్నట్లు రాజకీయ,పరిశ్రమ వర్గాల్లో అనుమానాలు వ్యక్త మవుతున్నాయి. సినిమా టికెట్ల రేట్ల తగ్గింపు ఎక్కిపు లెక్కలతో మొదలైన సర్కార్, సినీ పరిశ్రమ వర్గాల చర్చలు, చివరకు భూదందాకు చేరాయి. సినిమా పరిశ్రమ, ‘సమస్యలు’ చర్చించేందుకు, మెగా స్టార్ చిరంజీవి బృందంతో జరిపిన చర్చల్లో ముఖ్యమంత్రి, హీరోలకు ‘ల్యాండ్ బిస్కూట్స్’ ఆఫర్ చేశారు. ‘వైజాగ్ వచ్చేయండి, ఇల్లు కట్టుకునేందుకు, స్టూడియోలు పెట్టుకునేందుకు భూములిస్తాను’ అంటూ ఓపెన్ ఆఫర్ ఇచ్చారు. 

అటునుంచి వచ్చిన రియాక్షన్ ఏమిటో కానీ, ఇంతలోనే, ప్రభుత్వం చకచక పావులు కదపడం మొదలు పెట్టింది. ముఖ్యమంత్రి నోటి నుంచి సినిమా పరిశ్రమకు భూములు ఇస్తామనే మాట వచ్చిన రెండు రోజుల్లోనే, అదికార యంత్రాంగం భూసేకరణకు సిద్డమై పోయింది. ముఖ్యమత్రి ఒక్క విశాఖపట్నం అంటే, అధికారులు విశాఖతో పాటు తిరుపతి, రాజమహేంద్రవరంలోనూ స్టూడియోలకు భూసేకరణ చేయాలని నిర్ణయించారు. ఈ మేరకు ప్రభుత్వ అధికారులు భూములను గుర్తించాలని కింది స్థాయి అధికారులకు ఆదేశాలు కూడా ఇచ్చేసినట్లు, క్రింది స్థాయి అధికార వర్గాల సమాచారం.  
మరో వంక  ‘ల్యాండ్  బూమ్’ క్రియేట్  చేసేందుకు, సినిమా పరిశ్రమను ప్రభుత్వం పావులుగా ఉపయోగించు కుంటోందని, ఇటు సినిమా, అటు రాజీకీయ, వ్యాపార రంగాలు  పండిన పెద్దలు హెచ్చరిస్తున్నారు. మరో వంక ఇప్పటికే, అసైన్డ్ ల్యాండ్స్ సహా ఏదీ వదలకుండా అందుబాటులో ఉన్న భూములను ఎదో ఒక పేరున సేకరించి అమ్మకానికి పెట్టిన ప్రభుత్వం, ఇక ఇప్పుడు స్టూడియోల పేరున  రైతుల భూమలను సేకరించేందుకు రంగం చేస్తోందని అంటున్నారు. ఇప్పటికే  రాజధాని అమరావతి భూములనే అమ్మేందుకు  సిద్దమైన ప్రభుత్వం స్టూడియోల పేరిట సేకరించి రతుల భూములను కూడా అమ్మేస్తుందని రైతులు ఆందోళన వ్యక్త పరుస్తున్నారు. స్టూడియోల పేరిట సేకరించిన భూములను స్టూడియోలకు ఇస్తారో లేదో తెలియదు, అలాగే తీసుకున్న వారు స్టూడియోలు కడతారో లేదో కానీ ఆ పేరున భూసేకరణ మాత్రం జరిగి పోతుందని, అంటున్నారు. మొత్తానికి ప్రభుత్వమే పనికట్టుకుని సృష్టించిన,సినిమా టికెట్ల వ్యవహారం, అటు తిరిగి ఇటు తిరిగి తమ భూములకు ఎసరు తెస్తోందని, రైతుల వేదన వ్యక్త పరుస్తున్నారు.
 

By
en-us Political News

  
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
తెలుగు చలనచిత్ర పరిశ్రమలో తీవ్ర విషాదం చోటుచేసుకుంది.
తీపి పదార్థమనుకుని నోట్లో పెట్టుకున్నాడు.. చివరకు విగతజీవిగా మారాడు!
డిజిటల్ ఆర్థిక వ్యవస్థలో కీలక పాత్ర పోషిస్తున్న గిగ్ వర్కర్ల సంక్షేమానికి తెలంగాణ ప్రభుత్వం కీలక అడుగులు వేస్తోంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.