అట్టుడికిన అమలాపురం.. కోనసీమ జిల్లా పేరు మార్పుపై భగ్గుమన్నజిల్లా

Publish Date:May 24, 2022

Advertisement

కోనసీమ జిల్లా పేరు మార్పుపై అమలాపురంలో ఆందోళనకారులు రెచ్చిపోయారు. ప్రశాంతంగా ఉండే పట్టణం ఒక్కసారిగా రగిలిపోయింది. ఆందోళనలు హింసాత్మకం రూపం దాల్చాయి. మంత్రి పినిపే విశ్వరూప్ ఇంటికి, ఎమ్మెల్యే పొన్నాడ సతీష్ క్యాంపు ఆఫీసుకు ఆందోళనకారులు నిప్పు పెట్టారు.

ఐదు బస్సులను దగ్ధం చేశారు. పోలీసు వాహనాలపై రాళ్ల దాడి చేశారు. పలువురు పోలీసులు ఈ దాడిలో గాయపడ్డారు. ఎస్పీ తలకు గాయమైంది. ఈ ఆందోళనకు కారణం కోనసీమ జిల్లా పేరును బీఆర్ అంబేడ్కర్ కోనసీమ జిల్లాగా మార్చడమే. మార్పును వ్యతిరేకిస్తూ ఆందోళనలు ప్రారంభం కావడంతో జిల్లా అంతటా 144వ సెక్షన్ విధించారు. అయితే ఆంక్షలను ఉల్లంఘించి వేలాది మంది అమలాపురంలో రోడ్లపైకి వచ్చి నిరసన వ్యక్తం చేశారు.  

పోలీసుల లాఠీ చార్జితో పరిస్థితి అదుపు తప్పింది.  ప్రభుత్వ వాహనాలు, భవనాలే లక్ష్యంగా ఆదోళనకారులు విధ్వంసానికి తెగబడ్డారు. అసలీ పరిస్థితికి కారణం ప్రభుత్వమేనన్న విమర్శలు వెల్లువెత్తుతున్నాయి. కేవలం ఓటు బ్యాంకు రాజకీయాల కోసం జగన్ ప్రభుత్వం ఏకపక్షంగా పేరు మార్చడంతోనే సమస్య ఉత్పన్నమైందని రాజకీయ వర్గాలు అంటున్నాయి. తొలుతే బీఆర్ అంబేడ్కర్ కోనసీమ జిల్లా అని పేరు పెట్టి ఉంటే ఎలాంటి సమస్యా ఉండేది కాదని అంటున్నారు. కొత్త జిల్లాల ఏర్పాటు సమయంలో జిల్లాకు బీఆర్ అంబేడ్కర్ కోనసీమ జిల్లా అని పేరు పెట్టాలన్న అభ్యర్థనలు వచ్చినా పట్టించుకోని సర్కార్ జిల్లాకు కోనసీమ అని పేరు ఖరారు చేసింది.

అప్పట్లో ప్రభుత్వ సలహాదారు సజ్జల రామకృష్ణారెడ్డి, మంత్రులు కూడా కోనసీమ జిల్లా పేరు మార్పు ప్రసక్తే లేదనీ, ప్రభుత్వం నిర్ణయం తీసుకున్న తరువాత ఇక పునరాలోచన ఉండదనీ స్పష్టం చేశారు. కానీ ఇన్ని రోజులు గడిచిన తరువాత మరే జిల్లా విషయంలోనూ లేని విధంగా కోనసీమ జిల్లా పేరు మార్పునకు ప్రభుత్వం నిర్ణయం తీసుకుని ప్రాథమిక నోటిఫికేషన్ విడుదల చేయడంతోనే సమస్య ఉత్పన్నమైందంటున్నారు. కోనసీమ సాధన సమితి నాయకులు కూడా ఇదే చెబుతున్నారు. తాము అంబేడ్కర్ కు కానీ జిల్లాకు ఆయన పేరు పెట్టడానికి కానీ తాము వ్యతిరేకంకాదనీ అయితే.. ప్రభుత్వం రాజకీయ ప్రయోజనాల కోసం పేరు మార్పు విన్యాసాలు చేయడాన్నే వ్యతిరేకిస్తున్నామని చెబుతున్నారు. అంబేడ్కర్ అంటే తమకు అపారమైన గౌరవమనీ, ఇలా ఓట్ల కోసం, రాజకీయ లబ్ధి కోసం ఆయన పేరును వాడుకుని అవమానించడాన్నే తాము తప్పుపడుతున్నామని చెబుతున్నారు. 

ప్రశాంతతకు మారుపేరైన కోససీమ  ఇప్పడు ఆందోళనల సెగతో వేడెక్కడానికి జగన్ సర్కార్ తప్పిదమే కారణమనీ, కొత్త జిల్లాల ఏర్పాటు, వాటికి పేర్ల విషయంలో ఎలాంటి కసరత్తూ లేకుండా తీసుకున్న నిర్ణయమే ఇప్పుడు కోనసీమలో అనవసర చిచ్చుకు, రచ్చకు కారణమైందనీ తెలుగువన్ గతంలోనే చెప్పింది. కొత్త జిల్లాల ఏర్పాటు ప్రకటించిన సమయంలోనే పలు దళిత సంఘాలు కోనసీమకు డాక్టర్ బి. ఆర్. అంబేడ్కర్ పేరు పెట్టాలని కోరాయి. అప్పడు వాటి వినతిని పెడచెవిన పెట్టి కోనసీమ జిల్లాగా నామకరణం చేసి ఇప్పుడు రాజకీయ లబ్ధి కోసం జిల్లా పేరు మార్పునకు నిర్ణయించడం వల్లనే కోనసీమలో ఆందోళనలు ఉవ్వెత్తున రేగాయని తెలుగువన్ జిల్లా వ్యాప్తంగా 144 సెక్షన్ విధించినప్పుడే పేర్కొంది. ప్రజల ఇష్టాయిష్టాలూ, భావోద్వేగాలతో సంబంధం లేకుండా కేవలం రాజకీయ లబ్ధి కోసం ప్రభుత్వం వెంపర్లాడటం వల్లనే ఎప్పడూ ప్రశాతంగా ఉండే కోనసీమ నేడు రగిలిపోతున్నది. కాగా   అధికార పార్టీ రాజకీయ వ్యూహంలో భాగంగానే కోనసీమలో ప్రస్తుత పరిస్థితి అన్న ఆరోపణలూ వెల్లువెత్తుతున్నాయి. ఇదంతా ప్రజల మధ్య చిచ్చు పెట్టి రాజకీయ పబ్బం గడుపుకోవాలన్న జగన్ సర్కార్ దుష్టపన్నాగమేనని పరిశీలకులు పేర్కొంటున్నారు. 

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.