Publish Date:Sep 26, 2024
మాజీ మంత్రి, ఒంగోలు మాజీ ఎమ్మెల్యే బాలినేని రాజకీయ అడుగులు తడబడుతున్నాయి. ఆయన ఒకటి తలిస్తే మరోటి జరుగుతోంది. వైసీపీలో ఓ మూడేళ్ల పాటు ఓ వెలుగు వెలిగిన బాలినేని.. అప్పట్లో జగన్ మంత్రివర్గాన్ని పునర్వ్యవస్థీకరించిన సమయంలో మంత్రి పదవి కోల్పోయారు. అప్పటి నుంచీ ఆయన జగన్ తో టామ్ అండ్ జెర్రీ ఆట ఆడుతూ వస్తున్నారు. అలకలు, అసంతృప్తులతో జగన్ కు చెవిలో జోరీగలా, చెప్పులో రాయిలా మారారు.
అయితే జగన్ అధికారం కోల్పోయే వరకూ వైసీపీతో, జగన్ తో తన బంధం తెగకుండా అన్ని జాగ్రత్తలూ తీసుకున్నారు. ఎప్పుడూ కూడా ఆయన తెగే వరకూ లాగలేదు. జగన్ నుంచి చిన్న పాటి పిలుపుకు, బుజ్జగింపులకు మెత్తబడిపోయారు. అయితే జగన్ అధికారం కోల్పోయాకా.. ఇంకా ఎందుకు అనుకు న్నారేమో వైసీపీకి రాజీనామా చేసేసి జనసేన గూటికి చేరడానికి రెడీ అయిపోయారు. అయితే ఒంగోలులో తెలుగుదేశం, జనసేన శ్రేణులు ఆయన చేరికను తీవ్రంగా వ్యతిరేకించాయి. అయినా కూడా జనసేనాని బాలినేని చేరికకు గ్రీన్ సిగ్నల్ ఇచ్చేశారు. దీంతో ఆయన గురువారం (సెప్టెంబర్26)న జనసేన తీర్ధం పుచ్చుకోవడానికి రెడీ అయిపోయారు. జనసేనాని పవన్ కల్యాణ్ సమక్షంలో అట్టహాసంగా, మందీ మార్బలంతో పెద్ద ఎత్తున బలప్రదర్శనతో ఆయన జనసేన తీర్థం పుచ్చుకోవడానికి రెడీ అయిపోయారు. అయితే ఇక్కడే పవన్ కల్యాణ్ ఆయనకు ఊహించని ఝలక్ ఇచ్చారు.
బాలినేని బలప్రదర్శనకు ఆయన అంగీకరించలేదు. మంది మార్బలంతో, అనుచరగణంలో జనసేనలో చేరాలన్న బాలినేని ఆశలను పవన్ కల్యాణ్ మొగ్గలోనే తుంచేశారు. బాలినేని చేరిక సందర్భంగా ర్యాలీకి కూడా జనసేన అధిష్ఠానం అనుమతించలేదు. దీంతో తాను జనసేనలో చేరేది లేదంటూ అలగడానికి ప్రయత్నించినా.. జనసేన అధినేత స్పందించలేదు.
దీంతో గత్యంతరం లేక ఒంటరిగానే అంటే ఒక్కడుగానే పార్టీలో చేరేందుకు సిద్ధమైపోయారు బాలినేని. చేరాలనుకుంటే ఒక్కడివే మంగళగిరి వచ్చి జనసేన కండువా కప్పుకో.. అంతే కానీ ఒంగోలులో సభ, భారీ ర్యాలీ అంటే కుదరదని జనసేన అధినేత కుండబద్దలు కొట్టినట్లు బాలినేనికి చెప్పేశారని తెలుస్తోంది.
By Teluguone
en-us
Political News
http://www.teluguone.com/news/content/pawankalyan-no-to-balineni-rally-25-185625.html
అనంతపురం జిల్లాలో జరుగుతున్న పరిషత్ ఎన్నికల పోలింగ్ ప్రక్రియ తీవ్ర ఉద్రిక్తతలకు దారితీసింది.
నామినేషన్ల ఉపసంహరణ గడువు ముగిసే నాటికి రాష్ట్ర వ్యాప్తంగా 77 జడ్పీటీసీలు, 2051 ఎంపీటీసీలు ఏకగ్రీవమైనట్లు ఎన్నికల అధికారులు వెల్లడించారు. ఇక మిగిలిన స్థానాలకు పోటీ పడుతున్న 21 వేల 012 మంది అభ్యర్థుల భవితవ్యం తేల్చేందుకు ఓటర్లు పోలింగ్ కేంద్రాల వద్ద బారులు తీరారు.
వైసీపీపై అధికార కూటమి ఒత్తిడి, అక్రమాలు ఉన్నప్పటికీ క్షేత్రస్థాయిలో ప్రజలు వైసీపీకి వ్యతిరేకంగా ఉన్నారని పరోక్షంగా వ్యాఖ్యానించి, ప్రజా క్షేత్రంలో వైసీపీ బలహీనంగా ఉందని చెప్పకనే చెప్పారు. గతంలో తాము అధికారంలో ఉన్నప్పుడు వ్యవహరించిన తీరు కారణంగానే నేడు వైసీపీకి ఈ గతి పట్టిందంటూ అంబటి చేసిన వ్యాఖ్యలు రాజకీయంగా ప్రాధాన్యత సంతరించుకున్నాయి.
ఖమ్మం జిల్లాలో భారీ వర్షాలు, వరద ఉద్ధృతి తీవ్ర రూపం దాల్చడంతో తీవ్ర ఉత్కంఠ నెలకొంది.
ఇంట్లో మొదలైన చిన్నపాటి కుటుంబ కలహాలు.. చివరకు రెండు నిండు ప్రాణాలను బలిగొన్నాయి.
అంబులెన్స్‌లో మృతదేహం.. న్యాయం కోసం రోడ్డెక్కిన బంధువులు.!
ఉమ్మడి ఆంధ్రప్రదేశ్ శాసనమండలి ఛైర్మన్ ఏ. చక్రపాణి తుదిశ్వాస విడిచారు.
గ్రేటర్‌ హైదరాబాద్‌ నగరంలో తీవ్ర రూపం దాల్చుతున్న తాగునీటి ఎద్దడి విద్యాసంస్థలపై తీవ్ర ప్రభావం చూపుతోంది.
పాడిందే పాటరా అన్న సామెత చందంగా ఉంది జగన్ తీరు. ఆంధ్రప్రదేశ్‌లో మున్సిపల్ ఎన్నికల ఫలితాలు వైఎస్ఆర్ కాంగ్రెస్ పార్టీలో తీవ్ర నిరాశను మిగిల్చాయి. గతంలో 2024 సార్వత్రిక ఎన్నికల ఓటమి తర్వాత ఏ విధంగానైతే ఈవీఎంలు, ఎన్నికల సంఘాన్ని వైఎస్ జగన్మోహన్ రెడ్డి తప్పుపట్టారో, ఇప్పుడు మున్సిపల్ ఎన్నికల ఫలితాల విషయంలోనూ అదే పాతరాగాన్ని అందుకున్నారు.
2024 ఎన్నికలలో విశాఖ జనం జగన్ విశాఖ రాజధాని ప్రతిపాదనను తిరస్కరించారు. ఇప్పుడు జగన్ మావిగన్ ప్రతిపాదనను మచిలీపట్నం, విజయవాడ, గుంటూరు జనం ఓటుతో తోసి రాజన్నారు.
కేంద్ర ఆర్థిక మంత్రి నిర్మలా సీతారామన్ కాంగ్రెస్ నేత రాహుల్ గాంధీకి సవాల్ విసిరారు. సోషల్ మీడియాలో సవాళ్లు విసరడం మానేసి, EVMలు మరియు SIR అంశాలపై పార్లమెంట్‌లో చర్చకు రావాలని ఆమె డిమాండ్ చేశారు.
2021 లో జగన్ మోహన్ రెడ్డి కుప్పంలో నాటిన విత్తనం మహావృక్షమై దాని వేర్లు పులివెందుల వరకు పాకుతాయని జగన్ ఊహించి ఉండరు. 2021 జగన్ కుప్పం మునిసిపాలిటీ ని తెలుగుదేశంకు దక్కకుండా చేసి, చంద్రబాబు ముఖం ఇప్పుడు చూడాలి అన్న పరుష వ్యాఖ్యలే పులివెందులతో పులివెందులపై తెలుగుదేశం గట్టిగా నిర్ణయం తీసుకోవడానికి కారణమైంది.
