Publish Date:Jul 31, 2024
అతి తెలివితేటలకి ఆకారం ఇస్తే ఎలా వుంటుందంటే, బీఆర్ఎస్ నాయకుడు కేటీఆర్‌లాగా వుంటుంది. అసెంబ్లీలో కావచ్చు, బయట కావచ్చు.. ఆయన ఎప్పుడు, ఎక్కడ మాట్లాడినా ఆ మాటల్లో అతి తెలివితేటలు స్టీరియో ఫోనిక్ సౌండ్ డీటీఎస్‌లో వినిపిస్తూ వుంటాయి. తమ పార్టీ ఓడిపోయి కాంగ్రెస్ పార్టీ అధికారంలోకి రావడం, ముఖ్యంగా రేవంత్‌రెడ్డి ముఖ్యమంత్రి కావడాన్ని కేసీఆర్ కుటుంబం భరించలేకపోతోంది. ఆ కడుపులో మంట కేటీఆర్ నోట్లోంచి బయటపడుతోంది. రేవంత్ రెడ్డి ముఖ్యమంత్రి అయినప్పటి నుంచి కేటీఆర్ కాంగ్రెస్ పార్టీలో నాయకుల మధ్య పుల్లలు పెట్టే మాటలను అతి తెలివిగా మాట్లాడుతున్నారు. ఆ అతితెలివి మాటలను కేటీఆర్ తాను చాలా తెలివిగా మాట్లాడుతున్నానని అనుకుంటూ వుండొచ్చు.. అది వేరే విషయం! మొదట్నుంచీ కేటీఆర్ అనే మాట ఏమిటంటే, ఉప ముఖ్యమంత్రిగా వున్న మల్లు భట్టి విక్రమార్క తెలంగాణ రాష్ట్రానికి ముఖ్యమంత్రి అవ్వాలి. ఈ డైలాగు కేటీఆర్ వీలున్నప్పుడల్లా వాడుతున్నారు. పైకి మాత్రం రాష్ట్రానికి దళితుడు ముఖ్యమంత్రి అవ్వాలన్న బిల్డప్పు, కానీ మనసులో వున్న పాయింట్ మాత్రం వేరే. మల్లు భట్టి విక్రమార్క మనసులో ‘ముఖ్యమంత్రి’ అనే బీజాన్ని నాటడం ద్వారా కాంగ్రెస్ పార్టీలో లుకలుకలు సృష్టించాలన్నది కేటీఆర్ ప్లాన్. అందుకే భట్టి విక్రమార్క ముఖ్యమంత్రి కావాలన్న ఆకాంక్షను ప్రస్తుతం జరుగుతున్న అసెంబ్లీ సమావేశాల్లో కూడా కేటీఆర్ వ్యక్తం చేశారు. ఈరకంగా పదకొండో శతాబ్దం రాజకీయ తెలివితేటలను కేటీఆర్ ఇరవై ఒకటో శతాబ్దంలో ఉపయోగిస్తున్నారు. ఈయన మాటలను మనసులో పెట్టేసుకునేంత అమాయకుడు కాదు భట్టి విక్రమార్క. అయినా దళితుడైన భట్టి విక్రమార్క ముఖ్యమంత్రి కావాలని ఇప్పుడు తెగ ఫీలైపోతున్న కేటీఆర్ తన తండ్రికి ఈ ఉపదేశం ఎందుకు చేయలేదో! తెలంగాణ రాష్ట్రం ఏర్పడ్డాక రాష్ట్రానికి తొలి ముఖ్యమంత్రి దళితుడే అవుతాడని ప్రకటించిన కేసీఆర్ ఆ తర్వాత ఆ ఊసే ఎత్తలేదు. రెండుసార్లూ తానే ముఖ్యమంత్రి అయ్యారు. మూడోసారి కూడా తానే ముఖ్యమంత్రి అయి, నాలుగోసారి కేటీఆర్ని ముఖ్యమంత్రి చేయాలని అనుకున్నారు. ఇప్పుడు భట్టి విక్రమార్క విషయంలో చేస్తున్న కామెంట్లు, కేటీఆర్ తన తండ్రి దగ్గరే చేసి వుంటే బాగుండేది కదా? అందుకే ఆచార్య ఆత్రేయ, ‘ఎదుటి వారికి చెప్పేటందుకే నీతులు వున్నాయి’ అని ఏనాడో చెప్పారు. కేటీఆర్ లాంటివాళ్ళు ఆ నీతులను ఈనాడూ అమలు చేస్తున్నారు.
By Teluguone
en-us
Political News
http://www.teluguone.com/news/content/over-smartness-of-ktr-39-181869.html
నామినేషన్ల ఉపసంహరణ గడువు ముగిసే నాటికి రాష్ట్ర వ్యాప్తంగా 77 జడ్పీటీసీలు, 2051 ఎంపీటీసీలు ఏకగ్రీవమైనట్లు ఎన్నికల అధికారులు వెల్లడించారు. ఇక మిగిలిన స్థానాలకు పోటీ పడుతున్న 21 వేల 012 మంది అభ్యర్థుల భవితవ్యం తేల్చేందుకు ఓటర్లు పోలింగ్ కేంద్రాల వద్ద బారులు తీరారు.
వైసీపీపై అధికార కూటమి ఒత్తిడి, అక్రమాలు ఉన్నప్పటికీ క్షేత్రస్థాయిలో ప్రజలు వైసీపీకి వ్యతిరేకంగా ఉన్నారని పరోక్షంగా వ్యాఖ్యానించి, ప్రజా క్షేత్రంలో వైసీపీ బలహీనంగా ఉందని చెప్పకనే చెప్పారు. గతంలో తాము అధికారంలో ఉన్నప్పుడు వ్యవహరించిన తీరు కారణంగానే నేడు వైసీపీకి ఈ గతి పట్టిందంటూ అంబటి చేసిన వ్యాఖ్యలు రాజకీయంగా ప్రాధాన్యత సంతరించుకున్నాయి.
పాడిందే పాటరా అన్న సామెత చందంగా ఉంది జగన్ తీరు. ఆంధ్రప్రదేశ్‌లో మున్సిపల్ ఎన్నికల ఫలితాలు వైఎస్ఆర్ కాంగ్రెస్ పార్టీలో తీవ్ర నిరాశను మిగిల్చాయి. గతంలో 2024 సార్వత్రిక ఎన్నికల ఓటమి తర్వాత ఏ విధంగానైతే ఈవీఎంలు, ఎన్నికల సంఘాన్ని వైఎస్ జగన్మోహన్ రెడ్డి తప్పుపట్టారో, ఇప్పుడు మున్సిపల్ ఎన్నికల ఫలితాల విషయంలోనూ అదే పాతరాగాన్ని అందుకున్నారు.
2024 ఎన్నికలలో విశాఖ జనం జగన్ విశాఖ రాజధాని ప్రతిపాదనను తిరస్కరించారు. ఇప్పుడు జగన్ మావిగన్ ప్రతిపాదనను మచిలీపట్నం, విజయవాడ, గుంటూరు జనం ఓటుతో తోసి రాజన్నారు.
2021 లో జగన్ మోహన్ రెడ్డి కుప్పంలో నాటిన విత్తనం మహావృక్షమై దాని వేర్లు పులివెందుల వరకు పాకుతాయని జగన్ ఊహించి ఉండరు. 2021 జగన్ కుప్పం మునిసిపాలిటీ ని తెలుగుదేశంకు దక్కకుండా చేసి, చంద్రబాబు ముఖం ఇప్పుడు చూడాలి అన్న పరుష వ్యాఖ్యలే పులివెందులతో పులివెందులపై తెలుగుదేశం గట్టిగా నిర్ణయం తీసుకోవడానికి కారణమైంది.
ఏపీలో జరుగుతున్న పురపాలక సంఘం ఎన్నికల ఫలితాల్లో అధికార కూటమి పక్షాలు తమ జోరును ప్రదర్శిస్తున్నాయి.
రాష్ట్రంలోని పలు ముఖ్యమైన మున్సిపాలిటీలు, నగర పంచాయతీల్లో కూటమి అభ్యర్థులు ఘన విజయాలు నమోదు చేస్తున్నారు. ముఖ్యంగా కడప జిల్లాలోని బద్వేల్ మున్సిపల్ చైర్‌పర్సన్ పీఠాన్ని కూటమి దక్కించుకుంది.
పులివెందుల మున్సిసిపల్ ఎన్నికల పోలింగ్ రోజున వైసీపీ అధినేత వైఎస్ జగన్ మోహన్ రెడ్డి ప్లాన్ చేసిన డ్రామాలు, ఎన్నికల వాతావరణాన్ని దెబ్బతీసేందుకు చేసిన ప్రయత్నాలను ఎస్ఈసీ దృష్టికి తీసుకెళ్లారు. ఓటర్లను భయభ్రాంతులకు గురిచేయడమే లక్ష్యంగా వైసీపీ శ్రేణులు ప్రవర్తించాయని, రాజ్యాంగబద్ధంగా జరుగుతున్న ఎన్నికల ప్రక్రియను అడ్డుకోవడానికి ప్రయత్నించారని ఆరోపించారు.
తాను ఒక్కసారి గ్రీన్ సిగ్నల్ ఇస్తే ప్రత్యర్థులు ఎవరూ నిలబడలేరని ఆయన హచ్చరించారు. ఈ అస్తవ్యస్త పరిస్థితుల మధ్య ఎన్నికల్లో ఓటు వేయడం అంటే ఆ అక్రమాలను అంగీకరించడమే అవుతుందని భావించి, తాను ఓటు హక్కును వినియోగించుకోకుండానే పులివెందుల నుంచి వెనుదిరగారు.
Publish Date:Oct 31, 2026
రేపే మున్సిపల్ ఎన్నికల పోలింగ్.. ప్రశాంతంగా సాగేనా.?
