రఘురామకృష్ణం రాజు కస్టోడియల్ టార్చర్ కు ఏడాది.. బదులు తీర్చుకుంటానన్న వైసీపీ రెబల్ ఎంపీ

Publish Date:May 14, 2022

Advertisement

రఘురామ కృష్ణం రాజు.. తెలుగు రాష్ట్రాలలో ఈ పేరు తెలియని వ్యక్తి ఉండరు. వైసీపీ రెబల్ అయిన రఘురామకృష్ణం రాజు పేరు వింటే జగన్ పార్టీ నేతలకు చెమట్లు పడతాయి. నిశితంగా సొంత పార్టీ తప్పులను నిర్భయంగా, సూటిగా ఎత్తి చూపే రఘురామకృష్ణం రాజును దారిలోకి తెచ్చుకోవడానికి జగన్ పార్టీ చేయని ప్రయత్నం లేదు.

సామ,దాన, భేద, దండోపాయలన్నిటినీ ఉపయోగించి చేతగాక చేతులెత్తేసింది. రఘురామకృష్ణం రాజు మాత్రం అలుపెరుగని పోరాట యోధుడిగా సొంత పార్టీ  ప్రజా వ్యతిరేక నిర్ణయాల వ్యతిరేకంగా పోరు సాగిస్తూనే ఉన్నారు.  అటువంటి రఘురామ కృష్ణంరాజుపై కస్టోడియల్ టార్చర్ జరిగి నేటికి సరిగ్గా సంవత్సరం. శనివారం ఆయన 60వ జన్మదినం. అంటే సరిగ్గా ఏడాది కిందట ఆయన 59వ జన్మదినోత్సవం రోజున జగన్ సర్కార్ ఆయనకు కస్టోడియల్ టార్చర్ ను పుట్టున రోజు బహుమతిగా ఇచ్చింది. ఇదే విషయాన్ని ఆయన శనివారం తన పుట్టిన రోజు సందర్భంగా ఢిల్లీలో ఏర్పాటు చేసిన విలేకరుల సమావేశంలో చెప్పారు.

ఆ బహుమతిని తాను జీవితంలో మరచిపోననీ, ప్రజలు తన వెంటే ఉన్నారనీ, ఏదో  ఒక రోజున బదులు తీర్చుకుంటాననీ చెప్పారు. రఘురామ కృష్ణం రాజు వైసీపీ ఎంపీ అయినా, తమ పార్టీ, అధినేత తీసుకునే తప్పుడు నిర్ణయాలు, అ మలు చేసే ప్రజా వ్యతిరేక విధానాలను ఎండగట్టడంలో ఏ మాత్రం వెనుకాడరు. మూడు రాజధానుల నిర్ణయం నుంచి వైసీపీ తీసుకున్న ప్రతి నిర్ణయంలోని లొసుగులు, దుర్మార్గపు ఆలోచనలను ప్రజలకు వివరిస్తూనే ఉన్నారు. తన రచ్చ బండ కార్యక్రమం ద్వారా జగన్ సర్కార్ తప్పిదాలను ఉతికేస్తూనే ఉన్నారు. శనివారం ఢిల్లీలో విలేకరుల సమావేశం ఏర్పాటు చేసిన రఘురామ రాజు గత ఏడాది ఇదే రోజున తనపై జగన్ సర్కార్ చేసిన పాశవిక దాడి గురించి గుర్తు చేసుకున్నారు. తన 59వ పుట్టిన రోజున అంటే ఏడాది కిందట ఇదే రోజున ఏపీ సీఐడీ తనను హైదరాబాద్ లో అరెస్టు చేసిన విషయాన్ని గుర్తు చేసుకున్నారు. ఒక ఎంపీనైన తనను అత్యంత దారుణంగా కొట్టారని  చెప్పారు.

ఏపీ సీఎం జగన్ రాష్ట్రంలో పెంచి పోషిస్తున్న ఉన్మాది సంస్కృతిలో భాగంగానే ఇదంతా జరిగిందన్నారు. గత ఏడాది తన పుట్టిన రోజు సందర్భంగా జగన్ సర్కార్ ఘనంగా సన్మానించిందనీ, అందుకు ఆ ప్రభుత్వానికి ధన్యవాదాలనీ వ్యంగ్యాస్త్రాలు సంధించారు. గత ఏడాది తన అరెస్టు, ఆ తరువాత తనను దారుణంగా హింసించడం వెనుక ఉన్నది ఏపీ సీఎం, మా పార్టీ అధినేత జగన్ ఉన్నారని విస్పష్టంగా చెప్పారు. జగన్ అరాచకాలకు 2024లో ప్రజలు ఓటుతో బుద్ధి చెప్పడం ఖాయమని రఘురామ కృష్ణం రాజు అన్నారు. నాడు కుట్ర పూరితంగా తనను అరెస్టు చేసి చిత్ర హింసలు పెట్టారనీ, గుంటూరు సీఐడీ కార్యాలయంలో సీసీ కెమేరాలు తీసేసి, తన వ్యక్తిగత సెక్యూరిటీని బయటకు పంపేసి విచక్షణా రహితంగా కొట్టారనీ, దుర్భాషలాడారని రఘురామ కృష్ణంరాజు వివరించారు.

ఏ ఎంపీ అయినా తన పుట్టిన రోజును సొంత నియోజకవర్గంలో జరుపుకుంటారనీ, అయితే ఢిల్లీలో పుట్టిన రోజు జరుపుకునే ఏకైక ఎంపీని తానేనని చెప్పిన రఘురామ కృష్ణం రాజు ఏపీలో హింస పెచ్చరిల్లిందన్నారు. తనపై జరిగిన కస్టోడియల్ టార్చర్ గురించి లోక్ సభ స్పీకర్, సుప్రీం కోర్టులకు ఫిర్యాదు చేసినట్లు చెప్పిన రఘురామ కృష్ణం రాజు వాటిపై రాష్ట్రపతి ఎన్నిక తరువాత కదలిక ఉంటుందని చెప్పారు.
ఏపీలో తెలుగుదేశం, జన సేనల మధ్య పొత్తులు ఉంటాయన్నారు. ఏపీలో పాలనపై ప్రజా వ్యతిరేకతకు గడప గడపకూ ప్రభుత్వం కార్యక్రమానికి వస్తున్న స్పందనేనన్నారు. జనం జగన్ సర్కార్ ను సాగనంపేందుకు ప్రజలు నిర్ణయించేసుకున్నారనడానికి గడప గడపకూ వస్తున్న స్పందనే నిదర్శనమని రఘురామకృష్ణం రాజు అన్నారు.  ప్రజా సంక్షేమం కోసం రాక్షస వధ జరిగి తీరాలనీ, , దీనికోసం రాజకీయాల్లో కొంతమంది కలయికలు ఉంటాయని ఆయన స్పష్టం చేశారు.  

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.