కేసీఆర్ వర్సెస్ కేటీఆర్.. తెరాసలో కొత్త సమస్య!

Publish Date:May 18, 2022

Advertisement

తెలంగాణ రాష్ట్ర సమితిలో కీలక వ్యక్తుల మధ్య విభేదాలు పొడసూపాయా? తండ్రీ కొడుకుల మధ్యే ఏదో గ్యాప్ వారికి ఊపిరి సలపనీయడంలేదా? మొత్తంగా టీఆర్ఎస్ లో పైకి కనిపించని కల్లోలం అధినేతను కలవరపెడుతోందా? అన్న ప్రశ్నలకు రాజకీయ వర్గాల నుంచి ఔననే సమాధానమే వస్తోంది.

ఇందుకు వారు బుధవారం పట్టణ ప్రగతిపై జరిగిన సమీక్షకు మంత్రి కేటీఆర్ గైర్హాజర్ కావడమే నిదర్శనంగా చెబుతున్నారు. ముఖ్యమంత్రి కల్వకుంట్ల చంద్రశేఖరరావు బుధవారం పల్లె పట్టణ ప్రగతి కార్యక్రమాలపై ఉన్నత స్థాయి సమీక్ష నిర్వహించారు.   16 రోజుల పాటు పామ్ హౌస్ లో దాదాపు అజ్ణాత వాసం చేసిన ముఖ్యమంత్రి కేసీఆర్ ఎట్టకేలకు ఆ అజ్ణాత వాసాన్ని వీడి సోమవారం ప్రగతి భవన్ కు చేరుకున్నారు. 18 నుంచి వరుసగా అధికారిక కార్యక్రమాలలో పాల్గొంటున్నారు.  మొదటిగా ప్రగతి భవన్‌లో పల్లె ప్రగతి, పట్టణ ప్రగతిపై బుధవారం సమీక్ష నిర్వహించారు.  

ఈ సమీక్షా సమావేశానికి మంత్రులు, మేయర్లు, ప్రభుత్వ ప్రధాన కార్యదర్శి సోమేశ్‌ కుమార్‌, సంబంధిత శాఖల కార్యదర్శులు, జిల్లా కలెక్టర్లు, స్థానిక సంస్థల అడిషనల్‌ కలెక్టర్లు హాజరయ్యారు.  కీలకమైన ఈ సమావేశానికి సంబంధిత మంత్రి, కేసీఆర్ తనయుడు, పార్టీ కార్యనిర్వాహక అధ్యక్షుడు కల్వకుంట్ల తారకరామారావు(కేటీఆర్) గైర్హాజరయ్యారు. కేటీఆర్ గైర్హాజరీయే రాజకీయ వర్గాలలో పలు చర్చోపచర్చలకు తెరతీసింది.

కేటీఆర్ గైర్హాజరీకి ఆయన లండన్ పర్యటనలో ఉండటమే కారణమని టీఆర్ఎస్ వర్గాలు చెబుతున్నప్పటికీ, రాజకీయ వర్గాలలో మాత్రం భిన్న కథనాలు వినవస్తున్నాయి. ఇటీవలి కాలంలో తండ్రీ కొడుకులిద్దరూ ముఖాముఖి ఎదురు పడిన సందర్భాలు లేకపోవడం.. కేసీఆర్ ఫామ్ హౌస్ నుంచి ప్రగతి భవన్ కు వచ్చిన తెల్లారే కేటీఆర్ లండన్ పర్యటనకు బయలుదేరి వెళ్లడంపై రాజకీయ వర్గాలలో పలు సందేహాలు వ్యక్తమౌతున్నాయి.  కేసీఆర్ ఫాం హౌస్ లో ఉన్న 16 రోజులూ కేటీఆర్ క్షణం తీరిక లేకుండా వరుస కార్యక్రమాలు, ప్రారంభోత్సవాలతో బిజీగా ఉండటం, నిత్యం జనంలో ఉంటూ కేంద్రంపై విమర్శలు గుప్పించడాన్ని ఈ సందర్భంగా పరిశీలకులు గుర్తు చేస్తున్నారు.

కేసీఆర్ ప్రగతిభవన్ కు చేరుకున్న తెల్లారే విదేశీ పర్యటనకు వెళ్లడం అనుమానాలకు తావిస్తున్నదంటున్నారు.  తాను జాతీయ రాజకీయాలపై దృష్టి కేంద్రీకరిస్తానంటూ ఇటీవలి కాలంలో కేసీఆర్ తరచూ చెబుతుండడాన్ని ఈ సందర్భంగా వారు గుర్తు చేస్తున్నారు. సీఎం పీఠంపై కేటీఆర్ ను కూర్చోబెట్టాలన్న ప్రణాళిక అమలులో కేసీఆర్ చేస్తున్న తాత్సరంపై తనయుడు కేటీఆర్ అసంతృప్తితో ఉన్నారనీ, అందుకే తండ్రికి ఎదురు పడడం లేదనీ అంటున్నారు. ఇటీవలి కాలంలో ఇరువురూ కలిసి ఒకే వేదిక పంచుకున్న దాఖలాలు కూడా లేవనీ కారణం ఇదే అయి ఉండొచ్చనీ అంటున్నారు. లేకపోతే కీలకమైన సమావేశానికి హాజరు కాకుండా సంబంధిత శాఖ మంత్రి అయి ఉండి కూడా లండన్ పర్యటనకు ఎలా వెళతారని వారు ప్రశ్నిస్తున్నారు.  

మామూలుగా అయితే లండన్ పర్యటనను వాయిదా వేసుకుని ఉండేవారనీ, అలా చేయకుండా పెద్దగా ప్రాముఖ్యత లేని పర్యటనకే మొగ్గు చూపి, కీలకమైన సమీక్షా సమావేశానికి డుమ్మా కట్టడంతోనే ఏదో ఇబ్బంది, గ్యాప్ ఉందన్న విషయం స్పష్టమౌతోందని విశ్లేషణలు చేస్తున్నారు.  దాదాపు 16 రోజుల పాటు కేసీఆర్ ఎర్రవల్లి ఫామ్ హౌస్ లో ఉండిపోవడం, రాష్ట్ర రాజకీయాలపై, ఆయన జాతీయ ఎజెండాపై కూడా ఒక్క మాట మాట్లాడకుండా మౌన వ్రతం పాటించడం వెనుక కారణం తనయుడితో గ్యాపేనని అనుమానాలు వ్యక్తం చేస్తున్నారు. తనయుడిని బుజ్జగించేందుకే అంతకు ముందు కూడా తన దృష్టి అంతా జాతీయ రాజకీయాలపైనే అంటూ లీకులిచ్చారని చెబుతున్నారు.

ఏది ఏమైనా కేసీఆర్ ఎర్రవల్లి పాంహౌస్ నుంచి బయటకు వచ్చిన తెల్లారే కేటీఆర్ విదేశీ పర్యటనకు వెళ్లడం ఆల్ ఈజ్ నాట్ వెల్ అన్న సంకేతాన్ని ఇస్తున్నదని పరిశీలకులు అంటున్నారు. అలాగే రాజ్యసభకు తెరాస అభ్యర్థుల ఎంపిక సమయంలో కేటీఆర్ అందుబాటులో లేకపోవడం కూడా పార్టీలో ఏదో ఇబ్బందికరమైన వాతావరణం ఉందనడానికి సంకేతమని రాజకీయ వర్గాలలో చర్చ జరుగుతోంది.  


 

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.