కరోనా వైరస్ పవర్ తగ్గిందా... నిజమేనా?
Publish Date:Jun 2, 2020
Advertisement
కరోనా వైరస్ లో స్టార్టింగ్ లో ఉన్న శక్తి తగ్గిపోయిందని నిన్న ప్రముఖ ఇటలీ డాక్టర్ ఆల్బర్టో జాంగ్రీల్లో ప్రకటించారు. ఇటలీ లో కరోనా విలయ తాండవం చేసిన విషయం తెలిసిందే. అటువంటి ఇటలీలోనే అత్యధిక కరోనా కేసులను అటెండ్ చేసిన ప్రముఖ హాస్పిటల్ ఐసీయూ కి హెడ్ గా అయన పని చేస్తున్నారు. ప్రపంచంలోని ప్రముఖ మీడియా సంస్థలు కూడా ఆయన వ్యాఖ్యలను ప్రముఖంగా ప్రచురించాయి. ఐతే ఈ వ్యాఖ్యల పై స్పందించిన ప్రపంచ ఆరోగ్య సంస్థ మాత్రం అయన వ్యాఖ్యలను ఖండించింది. ఇటలీ డాక్టర్ వ్యాఖ్యలకు సపోర్ట్ చేసే సైన్టిఫిక్ రీసెర్చ్ ఏది జరగలేదని ఆ ప్రకటన లో పేర్కోంది. ఐతే ఇటలీ డాక్టర్ ఆల్బర్టో జాంగ్రీల్లో వ్యాఖ్యలను కూడా అంత ఆషామాషీగా తీసుకునే పరిస్థితి లేదు. ఎందుకంటే ఆయన తో పాటు పని చేస్తున్న మరో వైద్యుడితో కలిసి చేసిన అధ్యయనం ఆధారంగానే ప్రస్తుతం వ్యాపిస్తున్న కరోనా వైరస్ బలహీనపడిందని చెపుతున్నానని, ఈ రీసెర్చ్ గురించి ఈ వారాంతం లోనే పూర్తి డిటైల్స్ ప్రచురిస్తామని ఆ డాక్టర్ వెల్లడించారు. ఇటలీ డాక్టర్ చెపుతున్న విషయాలు నిజమైతే కరోనా విలయ తాండవం తో కుదేలవుతున్న ప్రపంచం మొత్తం కొంత ఊపిరి తీసుకునే అవకాశం ఉంటుంది.
http://www.teluguone.com/news/content/new-coronavirus-losing-potency-says-top-italian-doctor-25-99803.html





