ఇప్పటిదాకా ఓటర్ల కోసం ఖర్చు చేసిన అభ్యర్థులు ఇప్పుడు పోలీసు మామలను మామూళ్ళతో సంతృప్తిపరుస్తున్నారు. ఈ మామూళ్ళను నెల్లూరులోని స్టేషన్లవారీగా పంపించారు. అయితే పంపిణీ చేయటానికి పార్టీ తరపున వెళ్ళిన వ్యక్తి మామూళ్ళ పంపకంలో తేడా చేశారని గొడవ జరగడంతో విషయం లీకైంది. రాష్ట్రంలోని ఒక ప్రధానపార్టీ అభ్యర్థి ఈ మామూళ్ళను ఒకటి, మూడో నగర పోలీసుస్టేషన్లకు పంపించారు. స్టేషనుకు రూ.60వేల చొప్పున కేటాయించారు. అయితే ఈ రెండు స్టేషన్ల కానిస్టేబుల్స్ లో ఒకరికి రూ.600, వేరే స్టేషన్ కానిస్టేబుల్ కు 800రూపాయలు మామూళ్ళ కింద అందాయి. అసలే పోలీసులూ అందులోనూ మామూళ్ళ సమస్య ఎవరిని తక్కువ చేసినా ఊరుకోరు కాబట్టి ఇదేమి పంపిణీ రా అని పంపిణీదారుడిని నిలదీశారు. దీంతో విషయ, వెలుగులోకి వచ్చింది. ఇప్పుడు కానిస్టేబుల్స్ మొఖం చాటేస్తున్నారు.