కాంగ్రెస్ కు సింహ స్వప్నంగా మారిన మోడీ

Publish Date:Mar 31, 2013

Advertisement

 

ఒక వైపు కర్ణాటక శాసనసభ ఎన్నికలకు ముహూర్తం ఖాయం అయిపోవడం, మరో వైపు గుజరాత్ ముఖ్యమంత్రి నరేంద్ర మోడీని పార్లమెంటరీ బోర్డులోకి మళ్ళీ తీసుకోవడానికి బాజపా సిద్ధం అవడంతో కలవరపడుతున్న కాంగ్రెస్ పార్టీ, తన యువనాయకుడయినా రాహుల్ గాంధీకి పెనుసవాలుగా మారనున్న నరేంద్ర మోడీ మీదకు తనకు బాగా అలవాటయిన చవకబారు అస్త్రాన్ని సందించి ఆయనను అప్రదిష్టపాలు చేసే ప్రయత్నాలు మొదలు పెట్టింది.


ఇటీవల అమెరికన్‌ కాంగ్రెస్‌ సభ్యులు గుజరాత్‌ వచ్చి మోడీని కలవడం, ఆయనను ప్రశంసలతో ముంచెత్తడం, ఆయనను అమెరికా రమ్మని వారు ఆహ్వానించడం చూసి జీర్ణించుకోలేని కాంగ్రెస్ పార్టీ, వారి పర్యటనకు పరోక్షంగా బీజేపీయే డబ్బు అందించడమే కాకుండా, నరేంద్రమోడీని కలిసినందుకు కొన్ని బహుమతులు కూడా అందజేసిందని ఆరోపించింది. . చికాగో కేంద్రంగా పనిచేస్తున్న నేషనల్‌ ఇండియన్‌ అమెరికన్‌ పబ్లిక్‌ పాలసీ ఇన్‌స్టిట్యూట్‌ ఈ ట్రిప్‌ను స్పాన్సర్ చేయగా, దానికి అమెరికాలో ఉంటున్న వ్యాపారవేత్తలు మరియు ఇతరులు కలిసి అవసరమయిన సొమ్ము సమకూర్చారని బాజపా విదేశీ వ్యవహారాల శాఖ కన్వీనర్ విజయ్ జోలీ మీడియాకు తెలిపారు.

 

అమెరికాలో ప్రతీ పనికి కొంత మూల్యం చెల్లించడం తప్పనిసరి అని, చివరికి అమెరికా అధ్యక్షుడు ఒబామాతో కలిసి కూర్చొని సరదాగా భోజనం చేయలన్నాకూడా దానికి అక్కడ డబ్బు వసూలు చేయడం సర్వసాదారణ విషయమని, అటువంటప్పుడు 18మంది అమెరికన్‌ కాంగ్రెస్‌ సభ్యులు, వ్యాపారవేత్తలు కలిసి భారత్ పర్యటనకు రావడానికి కూడా తగిన మూల్యం చెల్లించక తప్పదని, దానిని అమెరికాలో స్థిరపడిన కొందరు భారతీయులు భరించారు తప్ప, నరేంద్ర మోడీ కానీ, గుజరాత్ ప్రభుత్వం గానీ భరించలేదని అటువంటప్పుడు కాంగ్రెస్ పార్టీకి ఏమిటి అభ్యంతరం అని ఆయన ప్రశ్నించారు.

 

అమెరికా నుండి వచ్చిన 18 మంది సభ్యులలో కేవలం ముగ్గురు కాంగ్రెస్‌ సభ్యులు ఆరన్‌ షాక్‌, సింథియా ల్యూమిస్‌, కాథే ఎం రోడ్జర్స్‌ మాత్రమే గుజరాత్ వెళ్లి మోడీని కలువగా మిగిలిన వారు దేశంలోని వివిధ రాష్ట్రాలను సందర్శిస్తున్నారని, వాటిలో కాంగ్రెస్ పాలిత రాష్ట్రాలు కూడా ఉన్నందున కాంగ్రెస్ కూడా వారి పర్యటనకు డబ్బు ఖర్చు చేస్తోందని భావించాలా? అని ఆయన ప్రశ్నించారు. భారత్ తో అమెరికా వ్యాపార సంబందాలు మరింత మెరుగుపడాలనే సదుదేశ్యంతో పంజాభీ ఎన్నారై సలభ్ సింగ్ నేతృత్వంలో నేషనల్‌ ఇండియన్‌ అమెరికన్‌ పబ్లిక్‌ పాలసీ ఇన్‌స్టిట్యూట్‌ తీవ్ర ప్రయత్నాలు చేసి అమెరికన్ కాంగ్రెస్ సభ్యులను, వ్యాపారవేత్తలను భారత పర్యటనకు ఒప్పించి, తాము ప్రోగు చేసిన విరాళాలతో వారిని భారత్ కు పంపిస్తే, దానిని స్వాగతించకపోగా కాంగ్రెస్ పార్టీ ఈవిధంగా రాజకీయం చేయడం హేయమయిన పని అని బాజపా విదేశీ వ్యవహారాల శాఖ కన్వీనర్ విజయ్ జోలీ అన్నారు.

 

నేటికీ ‘సోనియా గాంధీ అల్లుడు’ అనే ఏకైక హోదాతో రాబర్ట్ వాద్రా యావత్ ఖర్చులను భారతప్రభుత్వం భరిస్తున్నప్పటికీ సిగ్గుపడని కాంగ్రెస్ పార్టీ, అమెరికాలో స్థిరపడినప్పటికీ భారత్ ప్రయోజనాల కోసం కృషిచేస్తున్నభారతీయులను అభినందించకపోగా, వారి కృషిని తన రాజకీయ ప్రయోజనాల కోసం వాడుకోవడం చాల హేయమయిన పని అని ఆయన తీవ్రంగా విమర్శించారు.

 

ఇక, నరేంద్ర మోడీని ఓ ముగ్గురు అమెరికా దేశస్తులు పొగిడి, ఆయనను తమ దేశం రమ్మని ఆహ్వానిస్తే దానికి కూడా కాంగ్రెస్ పార్టీ ఇంతగా భయపడిపోవడం చూస్తే నరేంద్ర మోడీ కాంగ్రెస్ పార్టీకి సింహస్వప్నంలా మారారని అర్ధం అవుతోంది. కాంగ్రెస్ పార్టీ ఆత్మవిశ్వాసాన్ని కొల్పోయినందునే ఇప్పుడు ఆ పార్టీకి ‘నరేంద్రమోడీ విశ్వరూపం’లో దర్శనమిస్తున్నారని భావించవచ్చును.

 

నరేంద్ర మోడీ తను సాధించిన విజయాలతో ముందుకు వెళ్తుంటే, కాంగ్రెస్ పార్టీ ఈ 5 సం.లలో అనేక కుంభకోణాలు తప్ప సాధించిన ఘనకార్యం ఏమి లేనందున, ఎదుటవారి లోపాలనే తన ఆయుదాలుగా చేసుకొని యుద్దానికి బయలుదేరుతోంది. ఆ ప్రయత్నంలోనే ఇప్పుడు మోడీపై ఈ బురద జల్లుడు కార్యక్రమానికి పూనుకొందని చెప్పవచ్చును. అయితే, ఇటువంటి ఆయుధాలతో యుద్ధంలో విజయం సాదించడం అసంభవమని కాంగ్రెస్ పార్టీకి గుజరాత్ ఎన్నికలలో బాగా అర్ధం అయింది. కానీ, ఆ పార్టీకి ఇంత కంటే మరో దారి లేనందునే ఈ విధంగా దాడి చేస్తోంది. ఇది కాంగ్రెస్ పార్టీ దయనీయమయిన పరిస్థితికి అద్దం పడుతోంది.

By
en-us Political News

  
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు  జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు...
తెలంగాణ  రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో  సహజంగానే అందరిలోనూ ఆసక్తి నెలకొంది...
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో  తెర పడింది.రాష్ట్రంలోని మహబూబ్‌నగర్‌-హైదరాబాద్‌-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్‌ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది. 
​సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా  తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి   కూడా తానూ హిందువును అనే విషయం ఇప్పుడు గుర్తుకొచ్చింది.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది...
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు.
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు  అసమ్మతి స్వరాన్ని పెంచారు...
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే  అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి...
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’  సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది.  
నాలుగు రాష్టాలు అస్సాం, పశ్చిమ బెంగాల్ తమిళనాడు,కేరళ, కేంద్ర పాలిత ప్రాంతం పుదుచ్చేరి శాసన సభలకు  మరో రెండు నెలల్లో ఎన్నికలు జరుగుతాయి. ఇది అందరికీ తెలిసిన విషయం.
ఏపీ కేబినెట్ అనూహ్య నిర్ణయం తీసుకుంది. ఇప్పటికే 50 శాతం నిర్మాణం పూర్తయి.. పెండింగ్‌లో ఉన్న భవనాలను పూర్తి చేయాలని సర్కారు నిర్ణయించింది. అందుకు  3వేల కోట్ల బ్యాంక్ గ్యారంటీ ఇచ్చేందకు ప్రభుత్వం అంగీకరించింది. ఇప్పటికీ ప్రారంభం కానీ, కొద్దిగా ప్రారంభమైన భవనాల నిర్మాణాలపై ఇంజనీరింగ్ నివేదిక వచ్చాక నిర్ణయం తీసుకోవాలని కేబినెట్‌ అభిప్రాయ పడింది. 
ఆంధ్రప్రదేశ్ లో పంచాయతీ ఎన్నికల క్రతువు ముగిసింది. ఈ నెల 9వ తేదీన మొదలైన పోలింగ్, ఆదివారం జరిగిన నాల్గవ విడత పోలింగ్ తో ముగిసింది. ఇంచుమించుగా సంవత్సరంపాటు సాగిన పంచయతీ వివాదం చివరాఖరుకు ఆల్ ఈజ్ వెల్ దట్ ఎండ్స్ వెల్ అన్నట్లుగా మొత్తం 10,890 సర్పంచ్ స్థానాలకు జరిగిన ఎన్నికల పోలింగ్ చాలా వరకు ప్రశాంతంగా జరిగాయి.   ఈ ఎన్నికలలో ఎవరు గెలిచారు,ఎవరు ఓడిపోయారు అనే విషయాన్నిపక్కన పెడితే  కొవిడ్ భయాన్ని, ఇతరత్రా  ఎదురైన సమస్యలను పక్కన పెట్టి, గ్రామీణ ఓటర్లు, ప్రజాస్వామ్య స్పూర్తిని పుష్కలంగా కురిపించారు. నాలుగు దశల్లో పోలింగ్ జరిగితే, ప్రతి దశలోనూ ఓటర్లు ఉత్సాహంగా ఓటింగ్’లో పాల్గొన్నారు. మొత్తంగా చూస్తే 80.14 శాతం ఓటర్లు ఓటు హక్కును వినియోగించుకున్నారు.
రోడ్లన్నీ రద్దీ. గుంపులు గుంపులుగా జనం. ఉద్యోగాలు, వ్యాపారాలు, పెళ్లిళ్లు, ఫంక్షన్లు, గుళ్లు, పండగలూ ఇలా జనజీవనం మళ్లీ మామూలు స్థితికి వచ్చేసింది. కరోనా లేదు. గిరోనా లేదు. ఇండియన్ల ముందు చైనీస్ వైరస్ తోకముడిచిందంటూ గొప్పలు. మాస్కులు పెట్టుకోవడం తగ్గించేశారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.