ఆమె పేరు చెబితే చాలు పాప్ ప్రేమికులు పులకరించిపోతారు. ఆమె ఎవరో కాదు.. పాప్ సామ్రాజ్యానికి మకుటం లేని మహారాణి లేడీ గాగా. ఇప్పుడు ఈమె ఆస్కార్ అవార్డుల వేదిక మీద తన పాప్ ప్రదర్శన ఇవ్వడానికి అంగీకరించారు. త్వరలో జరగబోతున్న ఆస్కార్ అవార్డుల ప్రదానోత్సవ వేదిక లేడీ గాగా పాప్ ప్రదర్శనతో హాట్ హాట్‌గా మారనుంది. లేడీ గాగా ఈ వేదిక మీద ప్రదర్శన ఇవ్వడం ఇదే తొలిసారి అవుతుంది. ఈమధ్య లేడీ గాగా తన హెయిర్ ‌స్టైల్‌ని పూర్తిగా మార్చేసింది. చాలా పొడవుగా వుండే తన జుట్టును బాబ్డ్ హెయిర్‌గా మార్చేసుకుంది. ఆ ఫొటోని తన ఇన్‌స్టాగ్రామ్‌లో పోస్ట్ చేసింది. తన హెయిర్ స్టైల్ తనకు సూపర్‌గా నచ్చేసిందని పేర్కొంది. అయితే లేడీ గాగా తన హెయిర్ స్టైల్ మార్చుకుంది ఆస్కార్ ప్రదర్శన కోసం కాదట.. తనను ఎంతగానో ప్రేమించే ఒక వ్యక్తి కోసం తన హెయిర్ స్టైల్ మార్చుకున్నానని వగలు పోతూ చెబుతోంది లేడీ గాగా.