ఇది దర్యాప్తు కాదు… డైవర్షన్ డ్రామా : కేటీఆర్

Publish Date:Jan 23, 2026

Advertisement

 

సిట్ విచారణ అనంతరం బీఆర్ఎస్ వర్కింగ్ ప్రెసిడెంట్ కేటీఆర్ తీవ్ర స్థాయిలో కాంగ్రెస్ ప్రభుత్వంపై విరుచుకుపడ్డారు. ఈ సందర్భంగా తనకు సంఘీభావంగా వచ్చిన ఎమ్మెల్యేలు, రాష్ట్ర-జిల్లా స్థాయి నాయకులు, కార్పొరేటర్లు, కార్యకర్తలకు హృదయపూర్వక కృతజ్ఞతలు తెలిపారు.

గత రెండేళ్లుగా కాంగ్రెస్ ప్రభుత్వం తమ అసమర్థ పాలన, పరిపాలనా వైఫల్యాల నుంచి ప్రజల దృష్టిని మళ్లించేందుకు వరుసగా “కాలక్షేప కథాచిత్రాలు” నడుపుతోందని కేటీఆర్ ఆరోపించారు. అదే పరంపరలో భాగంగా తనను ఫోన్ ట్యాపింగ్ అంశంపై నోటీసులు ఇచ్చి పిలిపించారని అన్నారు. విచారణకు పూర్తిగా సహకరించానని, దాదాపు ఏడున్నర గంటల పాటు పోలీసులు అడిగిన ప్రతీ ప్రశ్నకూ సమాధానం ఇచ్చానని తెలిపారు.

విచారణ సందర్భంగా తాను కూడా అధికారులను ప్రశ్నించానని కేటీఆర్ చెప్పారు. గత రెండేళ్లుగా విచారణల పేరుతో జరుగుతున్న లీకులు, ముఖ్యంగా బీఆర్ఎస్ నేతల వ్యక్తిత్వ హననానికి బాధ్యులు ఎవరు? అని అడిగితే, “మాకు సంబంధం లేదు, మీడియా ఏం రాస్తే మాకేం సంబంధం” అంటూ చేతులు దులుపుకున్నారని కేటీఆర్ విమర్శించారు.

మీడియాకు ప్రత్యేకంగా విజ్ఞప్తి చేసిన కేటీఆర్ 

ఈ ప్రభుత్వం లీకుల మీద నడిచే ప్రభుత్వం. వాళ్లు ఇచ్చే అడ్డగోలు లీకులను యథేచ్ఛగా ప్రచురించకండి. నిజం ఎంత, అబద్ధం ఎంత చెక్ చేసుకుని రాయండి” అని మాజీ మంత్రి కోరారు. తమకు కుటుంబాలు ఉన్నాయి, అభిమానులు ఉన్నారు, కార్యకర్తలు ఉన్నారని… ఇష్టమొచ్చినట్టు వార్తలు రాయడం వల్ల వాళ్లు బాధపడతారని అన్నారు.

హరీష్ రావు విచారణ సమయంలో కూడా ఇలాగే అడ్డగోలు లీకులు ఇచ్చారని, ఈరోజూ కూడా “ఎన్ని ప్రశ్నలు అడిగారు, ఉక్కిరిబిక్కిరి చేశారు” అంటూ కథనాలు నడుస్తున్నాయని ఆగ్రహం వ్యక్తం చేశారు. వాస్తవానికి అక్కడ ఎనిమిది గంటలు 300 మంది పేర్లు చదువుతూ “ఈయన తెలుసా? ఫలానా తెలుసా?” అని టైంపాస్ చేయడం తప్ప అసలు విషయమే లేదన్నారు.

బీఆర్ఎస్ ఒక బాధ్యత గల ప్రతిపక్ష పార్టీగా ఎన్ని సార్లు పిలిచినా విచారణలకు హాజరవుతామని, చట్టాన్ని గౌరవిస్తూ పూర్తిస్థాయిలో సహకరిస్తామని కేటీఆర్ స్పష్టం చేశారు. కానీ ప్రభుత్వ వైఫల్యాలు, అవినీతి, డైవర్షన్ రాజకీయాలను మాత్రం ఎండగడుతూనే ఉంటామని హెచ్చరించారు.

సింగరేణి టెండర్లలో భారీ అవినీతి జరిగిందని, ముఖ్యమంత్రి మంత్రుల మధ్య వాటాల పంచాయతీలో దొంగలు దొరికారని హరీష్ రావు ఆధారాలతో చెప్పినా ప్రభుత్వం స్పందించలేదన్నారు. అలాగే సీఎం రేవంత్ అనుచరుడు, మంత్రి ఓఎస్డీ మధ్య 300 కోట్ల రూపాయల పంచాయతీ వ్యవహారం, రెవెన్యూ మంత్రి కుమారుడి భూ కబ్జాలు, హెచ్‌ఐఎల్టీపీ పేరుతో హైదరాబాద్ ఆస్తుల దోపిడీ, అమృత్ పథకంలో అక్రమ టెండర్లు… వీటన్నింటిపైనా ఎందుకు సిట్ వేయడం లేదని ప్రశ్నించారు.

“న్యాయం ధర్మం ఖాకీ బుక్ అందరికీ ఒకటేనా? మాపై మాత్రమే సిట్‌లు, మిగతావాళ్లపై ఎందుకు ఉండవు?” అని కేటీఆర్ నిలదీశారు. విచారణలో తన పక్కన ఇంకెవరూ లేరని, తారక రామారావు ఒక్కడే ఉన్నాడని, బయట వచ్చిన కథనాలన్నీ కల్పితమని స్పష్టం చేశారు. మంత్రుల, ప్రతిపక్ష నేతల ఫోన్లు ట్యాప్ అవుతున్నాయన్నది నిజమని తేలిపోయిందన్నారు.

ప్రజల దృష్టిని ప్రభుత్వ వైఫల్యాల నుంచి మళ్లించేందుకు సీఎం రేవంత్ రెడ్డి పోలీసు వ్యవస్థను వాడుకుంటున్నారని కేటీఆర్ ఆరోపించారు. “మేము భయపడేవాళ్లమైతే కోర్టుకు వెళ్లి సమయం అడిగేవాళ్లం. నిన్న సిరిసిల్లలో ఉన్నాను, 4:30కి రమ్మంటే రాత్రే బయల్దేరి వచ్చాను. హరీష్ రావు కూడా పిలవగానే వచ్చారు. మాకు భయం ఉంటే ఎందుకు వస్తాం?” అని కేటీఆర్ ప్రశ్నించారు.

By
en-us Political News

  
ఈ పురాతన క్షేత్రంలో భారీ మర్రి, రావి చెట్ల వేర్లు, ఊడల తొర్రలో శివలింగ రూపం కనిపించడం ఆధ్యాత్మిక విశేషంగా నిలుస్తోంది. కార్తీక మాసంలో  స్థానికులతో పాటు ఇతర ప్రాంతాల నుంచి కూడా భక్తులు పెద్ద సంఖ్యలో ఈ క్షేత్రాన్ని సందర్శించి పునీతులౌతారు.
అర్ధరాత్రి  దాటిన తర్వాత కూడా భారీ శబ్దాలు వచ్చేలా టపాసులు కాలుస్తూనే ఉన్నారని పేర్కొన్న రేణూ దేశాయ్ పండుగ రోజుల్లో తాను ఏదైనా మాట్లాడితే అనవసరంగా తనను హిందూ వ్యతిరేకిగా ముద్ర వేస్తారనే భయంతోనే  దీపావళి రోజు తాను మౌనంగా ఉన్నానన్నారు.,
. తామిరువురం పరస్పర అవగాహనతో ఒకరిపై ఒకరుసంపూర్ణ గౌరవంతో విడిపోతున్నామని వారా ప్రకటనలో పేర్కొన్నారు.   తమ వివాహ బంధం ఒక ముగింపునకు వచ్చిందని పవన్, అన్నా ఆ ప్రకటనలో స్పష్టం చేశారు. భార్యాభర్తలుగా తమ విడిపోయినప్పటికీ స్నేహితులుగా  కలిసే ఉంటామని పేర్కొన్నారు.
మీమ్ పేజీలు, మీడియా సంస్థలు, యూట్యూబ్ ఛానెళ్లు,  సోషల్ మీడియా యూజర్లు ఎవరైనా సరే ఈ వైరల్ కంటెంట్‌ను రీపోస్ట్ చేయడం, అప్‌లోడ్ చేయడం,  షేర్ చేయడం తక్షణమే ఆపాలని సురేఖ వాణి  పేర్కొన్నారు.
అమెరికాలో వైద్యులను సంప్రదించకుండా చాట్‌జీపీటీ సలహా మేరకు మూర్ఛ మందుల మోతాదును తగ్గించిన సాఫ్ట్‌వేర్ ఇంజినీర్ బోవెన్ వాన్ ఆకస్మిక మృతి చెందింది. ఈ ఘటనపై ఆమె తల్లిదండ్రులు OpenAIపై వేసిన సంచలన దావా వివరాలు.
హైదరాబాద్‌ పర్యటనకు వచ్చిన కేంద్ర హోంమంత్రి అమిత్ షాను వారిరువురూ బేగంపేటలో  ఐటీసీ కాకతీయ హోటల్‌లో సోమవారం (నవంబర్ 2)న కలిశారు.  ఈ సందర్భంగా వారు సినీ పరిశ్రమ ఎదుర్కొంటున్న  సైబర్ సవాళ్ల ను వివరించారు. ప్రధానంగా ఏఐ టెక్నాలజీ దుర్వినియోగం, డీప్ ఫేక్, మార్ఫింగ్ ద్వారా సినీ ప్రముఖుల ఫొటోలు, వీడియోలను అసభ్యకరంగా, అనుచిత రీతిలో అభ్యంతరకరంగా సామాజిక మాధ్యమంలో ప్రచారం చేస్తున్నారని ఈ సందర్భంగా చిరంజీవి అమిత్ షాకు తెలిపారు.
భారతదేశానికి జంబుద్వీపం అనే పేరు ఎలా వచ్చింది? పూజల సంకల్పంలో జంబుద్వీపం అని ఎందుకు అంటారు? పురాణాలు మరియు చరిత్ర తెలిపే ఆసక్తికరమైన విషయాలు తెలుసుకోండి.
Before choosing a group health insurance plan, you should consider the eligibility criteria and check whether the insurer has a smooth claim processing. Let us explore what are the group health insurance benefits in more detail.
ప్రాథమిక సమాచారం ప్రకారం, ఆసుపత్రి నిర్వహణకు సంబంధించిన ఆర్థిక వనరులు, లావాదేవీలపై ఐటీ   ప్రత్యేక దృష్టి పెట్టింది. గత కొంతకాలంగా పెద్ద మొత్తంలో జరిగిన నగదు లావాదేవీలకు సరైన లెక్కలు లేకపోవడం, పన్ను చెల్లింపుల్లో వ్యత్యాసాలు ఉండటమే ఈ దాడులకు ప్రధాన కారణంగా తెలుస్తోంది.
అలాంటి అరుదైన, విలక్షణమైన వన్యప్రాణుల జాబితాలో ఇండోనేషియాలోని సులవేసి ద్వీపానికి చెందిన  మ్యాక్రోసెఫాలోన్ మెలియో పక్షి  జాతి ఒకటి. సాధారణ పక్షుల వలె చెట్లపై గూళ్లు కట్టుకుని, గుడ్లను పొదిగే సంప్రదాయ పద్ధతికి ఇది పూర్తి భిన్నం. ఈ పక్షి జీవన శైలి  అడవి కోడిని పోలి ఉంటుంది.
ఈ ఆధునిక సాంకేతిక పరిజ్ఞానం, వాతావరణ రాడార్లు అందుబాటులోకి రాకముందే..   పూర్వీకులు చెట్లను, జంతువులను, కీటకాలను గమనించి రానున్న విపత్తులను అంచనా వేశారు. ఆ అంచనాలు దాదాపు కచ్చితంగా ఉండేవి. పర్యావరణంలో వచ్చే చిన్న చిన్న మార్పులను,  భూగర్భంలో జరిగే అలజడిని మనుషుల కంటే ముందుగా వృక్షజాలం పశుపక్ష్యాదులు పసిగడతాయని శాస్త్రీయ అధ్యయనాలుచెబుతున్నాయి.
ఈనాడు సంస్థల వ్యవస్థాపకుడు చెరుకూరి రామోజీరావు జీవిత విశేషాలు, ఆయన అవలంబించిన వ్యాపార విధానాలు మరియు ఎదుర్కొన్న రాజకీయ సవాళ్లపై ప్రముఖ సీనియర్ జర్నలిస్ట్ డి.ఎన్. ప్రసాద్  తెలుగువన్ ది జర్నలిస్ట్ మూడో  ఎపిసోడ్‌లో  తెలుగువన్ ఎండీ  రవిశంకర్ తో పంచుకున్నారు.  
ఉపాధి కోసం వలస వెళ్లిన కుటుంబంలో తీవ్ర విషాదం చోటుచేసుకుంది. బట్టలు ఉతికేందుకు కుంటకు వెళ్లిన ముగ్గురు నీటిలో మునిగి దుర్మరణం చెందారు. ఈ హృదయవిదారక ఘటన వివరాలు ఇక్కడ తెలుసుకోండి.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.