కాషాయి కండువా కప్పుకోనున్నకొండా దంపతులు?

Publish Date:May 7, 2022

Advertisement

వరంగల్ రాజకీయాల్లో రెబల్ జంట కొండా సురేఖ- మురళి దంపతులు. రాజకీయాల్లో ఎన్నో ఒడుదుడుకులు ఎదుర్కొన్నారు. ఎన్ని ఎదురుదెబ్బలు తగిలినా ప్రజాప్రతినిధులుగా తమ మార్క్ ఏంటో చూపించారు. వరంగల్ రాజకీయాల్లో ఈ పొలిటికల్ దంపతులది ఓ ప్రత్యేక స్థానం. జిల్లా రాజకీయాల్లోనే కాకుండా ఉమ్మడి ఆంధ్రప్రదేశ్ రాష్ట్ర రాజకీయాల్లో కూడా ఈ జోడీ సంచలనాలే సృష్టించిందని చెప్పాలి. దివంగత సీఎం వైఎస్ రాజశేఖరరెడ్డి హయాంలో కొండా సురేఖ దంపతులు ఓ వెలుగు వెలిగారు. వైఎస్ మరణానంతరం ఆయన కొడుకు జగన్ కు అండగా నిలబడిన కొండా దంపతులు ఆనక ఆయనతో పడక వైసీపీకి రాజీనామా చేసి, టీఆర్ఎస్ పార్టీ తీర్థం పుచ్చుకున్నారు. ఆ తర్వాత టీఆర్ఎస్ అధినేతతో విభేదించి మళ్లీ కాంగ్రెస్ గూటికి చేరారు. కరీంనగర్ జిల్లా హుజూర్ నగర్ ఉప ఎన్నికల తర్వాత కొండా దంపతులు మళ్లీ మౌనమే తమ భాషగా చేసుకున్నారు. తాజాగా కొండా దంపతులు మళ్లీ కాషాయం కండువా కప్పుకోనున్నారనే ఊహాగానాలు సర్వత్రా వస్తున్నాయి.

కొండా మురళి- సురేఖ ప్రేమించి పెళ్లి చేసుకున్నారు. వారి ఏకైక కుమార్తె సుస్మితా పటేల్. కొండా సురేఖ వరంగల్ రూరల్ జిల్లా ఊకల్ లో 1964 ఆగస్టు 19న తుమ్మ చంద్రమౌళి- రాధ దంపతులకు పుట్టారు. పింగళి ప్రభుత్వ మహిళా కళాశాలలో డిగ్రీ చదివారు. కొండా మురళి 1963 అక్టోబర్ 23న కొండా చెన్నమ్మ- కొమురయ్య పటేల్ దంపతులకు జన్మించారు. మురళి స్వస్థలం వరంగల్ రూరల్ జిల్లా గీసుకొండ మండలం వంచనగిరి. మురళి 1987లో వంచనగిరి గ్రామ సర్పంచ్ గా రాజకీయ జీవితం ప్రారంభించగా.. సురేఖ 1995లో మండల పరిషత్ కు ఎన్నికవడం ద్వారా రాజకీయాల్లోకి అడుగుపెట్టారు. కొండా మురళి వరంగల్ ఎమ్మెల్సీగా రెండుసార్లు ఎన్నికయ్యారు. సురేఖ 1996 నుంచి కాంగ్రెస్ పార్టీలో పలు పదవులు నిర్వహించారు. శాయంపేట ఎమ్మెల్యేగా ఎన్నికయ్యారు. 2004లో మరోసారి శాయంపేట నుంచే అసెంబ్లీలో అడుగుపెట్టారు. 2009లో పరకాల అసెంబ్లీ సెగ్మెంట్ లో గెలిచి, వైఎస్ రాజశేఖర్ రెడ్డి కేబినెట్ లో మహిళాభివృద్ధి, శిశు సంక్షేమం, బధిరుల సంక్షేమశాఖ మంత్రిగా పనిచేశారు. వైఎస్సార్ మరణం తర్వాత ఆయన పేరును ఎఫ్ఐఆర్ పెట్టినందుకు, జగన్ కు సీఎం పదవి ఇవ్వనందుకు నిరసనగా 2011 జులై 4న తన ఎమ్మెల్యే పదవికి రాజీనామా చేశారు. 2012 జూన్ 12న జరిగిన పరకాల ఉప ఎన్నికలో వైసీపీ అభ్యర్థిగా పోటీ చేశారు. మరో 13 నెలలకే ఆమె వైసీపీకి కూడా గుడ్ బై చెప్పేశారు. ఆ తర్వాత టీఆర్ఎస్ లో చేరి వరంగల్ ఈస్ట్ నుంచి ఎమ్మెల్యేగా ఎన్నికయ్యారు. 2018లో మళ్లీ కాంగ్రెస్ పార్టీలో చేరిన కొండా సురేఖ ప్రస్తుతం అక్కడ కూడా కొద్ది రోజులుగా మౌనంగా ఉంటున్నారు.

కొండా సురేఖ చురుకైన మహిళా రాజకీయ నాయకురాలు. మండల పరిషత్ సభ్యురాలిగా రాజకీయ జీవితం ప్రారంభించిన ఆమె నాలుగుసార్లు ఎమ్మెల్యేగా ఎన్నికయ్యారు. మంచి వాక్పటిమ, వాగ్దాటి గల సురేఖ మంత్రిగా పనిచేసిన అనుభవం ఉంది. ఈ నేపథ్యంలోనే తెలంగాణలో అధికారపీఠం అధిరోహించాలని ఉవ్విళ్లూరుతున్న బీజేపీ.. వరంగల్ జిల్లా నుంచి బలమైన రాజకీయ నేత కోసం అన్వేషిస్తోంది. వరంగల్ జిల్లాలో బలమైన నేతలుగా, మంచి క్యాడర్ ఉన్న కొండా దంపతులపై దృష్టి సారించినట్లు సమాచారం. త్వరలోనే కొండా దంపతులను బీజేపీలోకి ఆహ్వానించాలని రంగం సిద్దం చేస్తున్నట్లు తెలుస్తోంది. కొండా కపుల్ కు రెండు అసెంబ్లీ స్థానాలు కేటాయిస్తామని బీజేపీ నుంచి ఆఫర్ కూడా వచ్చినట్లు సమాచారం. అయితే.. తాము కాంగ్రెస్ పార్టీకి రాజీనామా చేస్తున్నట్లు వస్తున్న వార్తల్లో వాస్తవం లేదని కొండా దంపతులు కొట్టిపారేయడం గమనార్హం.

నిజానికి రెండు ఎమ్మెల్యే సీట్ల డిమాండ్ కొండా దంపతులు ఎప్పటి నుంచో చేస్తున్నారు. కరీంనగర్ జిల్లా హుజురాబాద్ ఉప ఎన్నికల బరిలో కొండా సురేఖను దింపాలని టీపీసీసీ యత్నించింది. అయితే.. అందుకు ప్రతిగా వచ్చే ఎన్నికల్లో తమకు వరంగల్ జిల్లాలో రెండు అసెంబ్లీ స్థానాలు కేటాయిస్తామని హామీ ఇస్తేనే హుజురాబాద్ లో పోటీ చేస్తానని సురేఖ కండిషన్ పెట్టినట్లు మీడియా వార్తలు వచ్చాయి. తమ కుమార్తె సుస్మితా పటేల్ ను బరిలో దింపాలనే ప్రయత్నాలు కొండా దంపతులు ఎప్పటి నుంచో చేస్తున్నారు. ఆ క్రమంలోనే వారు రెండు సీట్ల డిమాండ్ చేస్తుండడం గమనార్హం. కాంగ్రెస్ పార్టీకి పెట్టిన డిమాండ్ నే బీజేపీకి కూడా కొండా దంపతులు పెట్టడం గమనార్హం. దాని వెనుక తమ కుమార్తెను రాజకీయ వారసురాలిగా ప్రత్యక్షరాజకీయాల్లోకి తీసుకురావాలనే ప్రగాఢమైన కోరిక వారికి ఉందంటున్నారు.

వచ్చే ఎన్నికల్లో వరంగల్ ఈస్ట్ నుంచి సురేఖ బరిలో ఉంటారని, మరో సీటు ఇస్తే.. తమ కుటుంబంలో ఇద్దరం రెడీగా ఉన్నామని కొండా మురళి చెబుతుండడం విశేషం. అది కూడా ఉమ్మడి వరంగల్ జిల్లాలో కాంగ్రెస్ పార్టీ కష్టం అనుకున్న స్థానంలో సీటు ఇచ్చినా బరిలో దిగేందుకు తాము రెడీ అనడం గమనార్హం. మంత్రిగా సురేఖ, ఎమ్మెల్సీగా మురళి ఉమ్మడి వరంగల్ జిల్లాలో సేవలందించారు. ప్రజల మధ్య గడిపిన చరిత్ర వారిది. సామాన్యులు, కార్యకర్తలకు కష్టం వస్తే అండగా ఉంటారనే మంచి పేరు ఉంది. వరంగల్ తూర్పు, పరకాల, భూపాలపల్లి నియోజకవర్గాల్లో వీరికి మంచి పట్టు ఉంది. అయితే.. పరకాల నుంచి ఓటమి పాలైనప్పటి నుంచీ కాంగ్రెస్ కార్యక్రమాల్లో అంటీ ముట్టనట్లు ఉంటున్నారు. ఇంతకు ముందు జరిగిన గ్రేటర్ వరంగల్ మున్సిపల్ కార్పొరేషన్ ఎన్నికల్లో కొండా దంపతుల హవా ఏమీ కనిపించలేదు. తూర్పు నియోజకవర్గంలో ఒక్క కార్పొరేటర్ సీటు కూడా కాంగ్రెస్ పార్టీకి దక్కలేదంటే కొండా దంపతుల ప్రాబల్యం తగ్గిందని విశ్లేషణలు వస్తున్నాయి. ఈ పరిస్థితుల్లో వచ్చే ఎన్నికల్లో వారు కాంగ్రెస్ నుంచి బరిలో దిగినా.. లేదా బీజేపీ అభ్యర్థులుగా పోటీ చేసినా.. వారికి ఎలాంటి ఫలితాలు వస్తాయనేది ఇప్పుడే అంచనాకు అందని విషయం.

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.