కొరివితో తల గోక్కుంటున్న కేసీఆర్!

Publish Date:Jun 15, 2024

Advertisement

బీఆర్ఎస్ నాయకుడు కేసీఆర్ కొరివితో తల గోక్కుంటున్నారు. ఇప్పటికే ఆయన పార్టీ ఇటు రాష్ట్రంలో అట్టడుగుకి వెళ్ళిపోయింది. అటు కేంద్రంలో శూన్యం అయిపోయింది. గతంలో మాదిరిగా ఆయన బిల్డప్ మాటలు, ఉడత ఊపులు ఊపితే భయపడేవారు, నమ్మేవారు ఎవరూ లేరు. చింత చచ్చినా పులుపు చావలేదని అన్నట్టుగా, అధికారం పోయి పాతాళంలోకి పడిపోయినా కేసీఆర్‌లో పొగరు ఎంతమాత్రం తగ్గలేదు. లక్షల పుస్తకాలు చదివిన ఈ కుహనా మేధావికి ఎక్కడ నెగ్గాలో, ఎక్కడ తగ్గాలో తెలియడం లేదు. ఈయన నిరంకుశ విధానాల ఫలితంగా ఆయన కుమార్తె కల్వకుంట్ల కవిత తీహార్ జైల్లో విశ్రాంతి తీసుకుంటున్నారు. కాళేశ్వరం కేసులో కావచ్చు, ఫోన్ ట్యాపింగ్ కేసులో కావచ్చు, మిగతా అవినీతి కేసులలో కావచ్చు కేసీఆర్ కుటుంబం మొత్తం జైలుకు వెళ్ళే సూచనలు కనిపిస్తున్నాయి. ఇలాంటి పరిస్థితుల్లో రాజకీయ చాణక్యం ప్రదర్శించి ముళ్ళ కంప మీద పడ్డ గుడ్డను మెల్లగా బయటకి తీసుకునేలాగా వ్యవహరించాల్సిన కేసీఆర్ అలా చేయడం లేదు. కొరివితో తల గోక్కునే విధంగా వ్యవహరిస్తున్నారు. ఇప్పటికే పాతాళంలోకి పడిపోయిన ఆయన, అక్కడ కూడా గోతులు తవ్వుకుంటూ వాటిలో పడిపోవడానికి సిద్ధమవుతున్నారు.

కేసీఆర్ అధికారంలోకి రాగానే కోతికి కొబ్బరిచిప్ప దొరికినట్టుగా సంబరపడిపోయారు. నేనేం చేసినా నడుస్తుంది.. నన్నెవరూ ఏమీ అడగలేరు.. నేను ఎవరికీ సమాధానం చెప్పాల్సిన అవసరం లేదన్నట్టుగా వ్యవహరించారు. సాధారణంగా ఒక రాష్ట్రం ఇంకో రాష్ట్రం నుంచి విద్యుత్ కొనుగోలు చేయాలంటే టెండర్లు పిలిచి, ఎవరు తక్కువ కోట్ చేస్తే వాళ్ళ దగ్గర కొనుగోలు చేయాల్సి వుంటుంది. అయితే కేసీఆర్ మాత్రం తనను తాను నిబంధనలకు అతీతుడైన మహారాజులా భావించుకున్నారు. ఎలాంటి టెండర్లను ఆహ్వానించకుండా, ఛత్తీస్‌ఘడ్ రాష్ట్రం నుంచి చాలా ఎక్కువ రేటుకు కరెంట్ కొనే ఒప్పందాలను చేసుకున్నారు. ఇప్పుడు ఆ ఒప్పందాలు కేసీఆర్ పీకకి చుట్టుకున్నాయి. ఈ అంశం మీద రేవంత్ రెడ్డి ప్రభుత్వం జస్టిస్ నరసింహారెడ్డి నేతృత్వంలో విచారణ కమిషన్‌ని ఏర్పాటు చేసింది. 

జస్టిస్ నరసింహారెడ్డి కమిషన్ ఈనెల 15 లోగా కేసీఆర్ ఈ అంశం మీద వివరణ ఇవ్వాలని సీరియస్‌గా ఆదేశించింది. దానికి కేసీఆర్ జులై 30 వరకు తనకు గడువు కావాలని అడిగారు. అలా కుదరదు.. జూన్ 15 లోగా వివరణ ఇవ్వాల్సిందేనని కమిషన్ ఆదేశించింది. ఈ నేపథ్యంలో కేసీఆర్ జస్టిస్ నరసింహారెడ్డి కమిషన్‌కి వివరణ ఇస్తూ 12 పేజీల సుదీర్ఘ లేఖ రాశారు. ఈ లేఖ వివరణ ఇస్తున్నట్టుగా లేదు. రేవంత్ రెడ్డి ప్రభుత్వం మీద విరుచుకు పడుతున్నట్టుగా వుంది. జస్టిస్ నరసింహారెడ్డిని అవమానించే విధంగా వుంది.

తెలంగాణ రాష్ట్రం ఏర్పడినప్పుడు రాష్ట్రానికి కేటాయించిన విద్యుత్ రాష్ట్ర అవసరాలకు సరిపోయే విధంగా లేదని కేసీఆర్ తన వివరణలో చెప్పారు. అందుకే రాష్ట్ర అవసరాల కోసం కరెంట్ కొనుగోలు చేశామని కేసీఆర్ వివరించారు. అక్కడితో ఆగకుండా, రేవంత్ రెడ్డి ప్రభుత్వం తన మీద రాజకీయ కక్ష సాధించడం కోసం ఈ విచారణ కమిషన్ ఏర్పాటు చేసిందని విమర్శించారు. పనిలోపనిగా విచారణ కమిషన్ మీద, జస్టిస్ నరసింహారెడ్డి మీద కూడా కేసీఆర్ విమర్శలు చేశారు. ‘‘మా ప్రభుత్వం గణనీయ మార్పుతో కరెంటు ఇచ్చిన సంగతి అందరికీ తెలిసిందే. మా మార్పును తక్కువచేసి చూపించడానికి ప్రయత్నాలు జరుగుతున్నాయి. విలేకరుల సమావేశంలో విచారణ కమిషన్ ఇష్టమొచ్చినట్టు మాట్లాడింది. విచారణ అనేది ఒక పవిత్రమైన బాధ్యత. ఇరుపక్షాల మధ్య మధ్యవర్తిగా నిలిచి నిగ్గుతేల్చాలి. అన్ని కోణాల్లో సమగ్రంగా పరిశీలించి నిర్ణయాలు వెల్లడించాలి. కానీ, ఈ కమిషన్ మా ప్రభుత్వానికి వ్యతిరేకంగా రిపోర్టు ఇవ్వాలి అన్నట్టుగా మాట్లాడుతున్నట్టు వుంది. మీ విచారణలో నిస్పాక్షికత ఎంతమాత్రం కనిపించడం లేదు. నేను మీ ముందు హాజరై ఏం చెప్పినా ప్రయోజనం వుండదు. మేం చెప్పిన విషయాలను పరిగణనలోకి తీసుకుని జస్టిస్ నరసింహారెడ్డి కమిషన్ బాధ్యతల నుంచి వైదొలగితే మంచిదని వినయపూర్వకంగా కోరుతున్నా’’ అని కేసీఆర్ తన వివరణలో పేర్కొన్నారు.

ప్రభుత్వం ఏర్పాటు చేసిన కమిషన్‌కి నాయకత్వం వహిస్తున్న న్యాయమూర్తిని వ్యక్తిగతంగా విమర్శించడం, ఆయన మీద లేనిపోని ఆరోపణలు చేయడం కొరివితో తల గోక్కోవడమే అవుతుంది. కేసీఆర్ తన వంతు బాధ్యతగా కొరివితో తల గోక్కున్నారు. ఇక కొరివి తన బాధ్యతను తాను నిర్వర్తిస్తుంది.

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.