వ్యూహం మార్చిన కేసీఆర్.. జాతీయ మీడియాలో పబ్లిసిటీతో హంగామా!

Publish Date:May 13, 2022

Advertisement

ఇంట గెలిచి రచ్చ గెలవాలన్నది నానుడి. తెలంగాణ సీఎం కేసీఆర్ ఇంట గెలిచేశానని భావించి ఇప్పుడు రచ్చ గెలవాలని వ్యూహాలు రూపొందిస్తున్నారు. జాతీయ మీడియాలో ప్రకటనల ద్వారా తెలంగాణ అభివృద్ధి అమోఘమని ఊదరగొట్టేస్తున్నారు.  తెలంగాణ ముఖ్యమంత్రి కల్వకుంట్ల చంద్రశేఖరరావుకు జాతీయ రాజకీయాలపై మక్కువ రోజు రోజుకూ పెరుగుతోందే కానీ తగ్గడం లేదు. ఒక ప్రాంతీయ పార్టీ నేతగా జాతీయ రాజకీయాలలో చక్రం తిప్పడం అంత సులువేం కాదు. కేంద్రంలో కూటమి ప్రభుత్వం అధికారంలోకి రావాలి. జాతీయ పార్టీల కంటే ఆ కూటమిలో ప్రాంతీయ పార్టీలకే ఎక్కువ మంది ఎంపీలుండాలి.

అప్పుడు అలా ఎక్కువ మంది ఎంపీలున్న ప్రాంతీయ పార్టీ జాతీయ రాజకీయాలలో చక్రం తిప్ప గలుగుతుంది. గతంలో తెలుగుదేశం అలాగే తిప్ప గలిగింది. అప్పట్లో పార్లమెంటులో అత్యధిక సభ్యులున్న పార్టీగా తెలుగుదేశం అవతరించడంతోనే వాజ్ పేయ్ హయాంలో  జాతీయ రాజకీయాలలో చంద్రబాబు చక్రం తిప్ప గలిగారు. అంతకు ముందు కూడా తెలుగుదేశం నేషనల్ ఫ్రంట్ లో కీలక పాత్ర పోషించగలిగింది. నేషనల్ ఫ్రంట్ కన్వీనర్ గా చంద్రబాబు  ప్రధాన మంత్రులను నిర్ణయించగలిగారు. మరి వచ్చే సార్వత్రిక ఎన్నికలలో కేసీఆర్ కు అటువంటి అవకాశం వస్తుందా? అన్న ప్రశ్నలు ఉత్పన్నమౌతున్నాయి. ఎందుకంటే.. జాతీయ స్థాయిలో బీజేపీయేతర, కాంగ్రెసేతర కూటమి కోసం ఆయన చేసిన ప్రయత్నాలు ఫలించలేదు. దీంతో కొంత కాలం మౌనంగా ఉన్న ఆయన జాతీయ అజెండా అంటూ మరో ప్రతిపాదనతో ముందుకు వచ్చినా అది కూడా ముందుకు కదల లేదు.  ఆ తరువాత మౌనంగా ఉండిపోయిన కేసీఆర్ జాతీయ రాజకీయాలలో తన ముద్ర వేయడం కోసం కొత్త వ్యూహం రూపొందించారని పరిశీలకులు అంటున్నారు.  దేశ వ్యాప్తంగా తెలంగాణ అభివృద్ధిని నమూనాగా ప్రజంట్ చేయడం ద్వారా జాతీయ స్థాయిలో ప్రత్యేక గుర్తింపు పొందేందుకు ఆయన పథక రచన చేశారంటున్నారు. 

అందులో భాగంగానే ఇప్పుడు..జాతీయ మీడియాలో తెలంగాణ అభివృద్ధిపై పెద్ద ఎత్తున తెలంగాణ సాధించిన ప్రగతిపై డాక్యుమెంటరీల ప్రసారం. ఇందు కోసం భారీ వ్యయంతో స్లాట్ లు కొని మరీ ప్రసారం చేయిస్తున్నారు. ఆ డాక్యుమెంటరీలలో తెలంగాణ అభివృద్ధి కర్త, క్రియ, కర్మ అన్నీ కేసీఆర్ అన్న బిల్డప్ ఇస్తున్నారు.  ఆ డాక్యుమెంటరీలలో ఆవిర్భవించిన ఎనిమిదేళ్లలోనే దేశంలోనే అగ్రగామి రాష్ట్రంలో తెలంగాణ ఎదుగుదలకు కేసీఆర్ దక్షత, సామర్థ్యం, దార్శనికతే కారణమని, ఈ స్థాయిలో దేశం ప్రగతి సాధించలేకపోవడానికి కారణం అటువంటి దక్షత, సమర్ధత, దార్శనికత ఉన్న నాయకత్వం లేకపోవడమేనని చెప్పకనే చెబుతున్నారు. జాతీయ మీడియాలో భారీ స్థాయిలో ఈ డాక్యుమెంటరీల ప్రసారంపై రాష్ట్రంలో పెద్ద ఎత్తున చర్చ జరుగుతోంది. రాష్ట్ర ఖజానాను తన సొంత ప్రయోజనాల కోసం కేసీఆర్ ఖాళీ చేస్తున్నారని బీజేపీ, కాంగ్రెస్ లు విమర్శలు గుప్పిస్తున్నాయి. అలాగే జాతీయ స్థాయిలో కూడా ఈ డాక్యుమెంటరీలపై చర్చ ప్రారంభమైంది. తెలంగాణ అభివృద్ధిపై జాతీయ స్థాయిలో ఈ పబ్లిసిటీ ఏమిటన్న సందేహాలూ వ్యక్తమౌతున్నాయి.  తన సారథ్యంలో తెలంగాణ దేశానికే దిక్సూచి అనదగ్గ అభివృద్ధి సాధించిందని చాటుకోవడమే కేసీఆర్ చేసుకుంటున్న ఈ పబ్లిసిటీ ఉద్దేశమనీ, ఆ తరువాత తాను జాతీయ స్థాయి రాజకీయాలలోనికి సక్సెస్ ఫుల్ గా ఎంట్రీ ఇచ్చుందుకు మార్గం సుగమమౌతుందన్నది కేసీఆర్ భావనగా పరిశీలకులు విశ్లేషిస్తున్నారు.

ఇటీవలి తెరాస ప్లీనరీలో జాతీయ స్థాయిలో రాజకీయాలు నడిపేందుకు అవసరమైన నిధులను సమీకరించినట్లు కేసీఆర్ ప్రకటించడాన్ని ఈ సందర్భంగా వారు గుర్తు చేస్తున్నారు.అంతే కాకుండా ఇటీవల కేసీఆర్ పలు రాష్ట్రాల పర్యటన సందర్భంగా ఆయా రాష్ట్రాలలో దేశ్ కీ నేతా కేసీఆర్ అన్న హోర్డింగ్ లు దర్శనమివ్వడం వెనుక కూడా ఇదే వ్యూహం ఉందని రాజకీయ వర్గాలలో చర్చ జరుగుతోంది. అయితే కేసీఆర్ కూటమి, ఫ్రంట్ అంటే చేసిన ప్రయత్నాలకు ఇతర రాష్ట్రాలలోని బీజేపీయేతర, కాంగ్రెసేతర పార్టీల నుంచి పెద్దగా స్పందన రాకపోవడాన్ని బట్టి చూస్తే ఈ పబ్లిసిటీ వల్ల పెద్దగా ప్రయోజనం ఉండకపోవచ్చని పరిశీలకులు విశ్లేషిస్తున్నారు. అంతే కాకుండా జాతీయ స్థాయిలో విపరీతంగా చేసుకుంటున్న పబ్లిసిటీ వల్ల రాష్ట్రంలో ప్రతికూలత పెరిగే అవకాశం కూడా ఉంటుందని తెరాస వర్గాలలోనే గుసగుసలు వినిపిస్తున్నాయి. ఏది ఏమైనా, ఎవరు ఔనన్నా కాదన్నా.. జాతీయ రాజకీయాలలో చక్రం తిప్పటమే లక్ష్యంగా కేసీఆర్ అడుగులు వేస్తున్నారు.

 తెలంగాణలో తాను ఏం చేశానో చెప్పిన తర్వాత కేసీఆర్ నార్త్ లో అడుగు పెట్టేందుకు ప్రణాళికలు సిద్ధం చేసుకుంటున్నారని చెబుతున్నారు. ఇటీవల ప్లీనరీలో జాతీయ రాజకీయానికి కావాల్సినంత డబ్బులు కూడా సమీకరించానని ప్రకటించారు. అందుకే ప్రకటనలు పెద్ద ఎత్తున ఇస్తున్నారని అంటున్నారు. అయితే ఇలాంటి ప్రచారంతోనే కేసీఆర్ ఉత్తారదికి నాయకుడిగా వెళ్లగలరా అన్నది డౌటే. ఇటీవల కేసీఆర్ చాలా రాష్ట్రాలకు వెళ్లారు. వెళ్లిన చోటల్లా.. దేశ్ కీ నేత అనే ప్రచారం చేసుకున్నారు. ఆయన ప్రయత్నం ఈ ప్రచార వ్యూహంతో అయినా ఫలిస్తుందో లేదో.. రెండు, మూడు నెలల్లో తేలిపోయే అవకాశం ఉంది

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.