జగన్మాయ కోసం కేసీఆర్ అర్రులు.. అవినీతి కేసుల బెడద నుంచి బైట పడేయమంటూ వేడుకోలు

Publish Date:May 21, 2022

Advertisement

జగన్ ఇప్పుడు టీఆర్ఎస్ అధినేతకు ఆపద్భాంధవుడిగా మారిపోయారా? జగన్ సహాయం కోసం కేసీఆర్ అర్రులు చాస్తున్నారా? జగన్ దావోస్ పర్యటనలో ఆకస్మిక బ్రేక్ తీసుకుని లండన్ లో ల్యాండ్ అవడానికి కారణం కేసీఆర్ కు తన వంతు సహాయం చేయడానికేనా, అందులో భాగంగానే  కేసీఆర్  తనయుడు కేటీఆర్ తో భేటీ అయ్యారా?  అన్న ప్రశ్నలకు అత్యున్నత స్థాయి అధికారుల నుంచి అందుతున్న అత్యంత విశ్వసనీయ సమాచారం మేరకు ఔననే చెప్పాల్సి వస్తోంది. ఇంతకీ అసలు కథేమిటంటే..

ఇటీవలి కాలంలో కేసీఆర్ అవినీతిపై బీజేపీ తెలంగాణ అధ్యక్షుడు బండి సంజయ్ తీవ్ర స్థాయిలో ఆరోపణలు గుప్పిస్తున్న సంగతి తెలిసిందే. త్వరలో కేసీఆర్ అరెస్టు కావడం తథ్యం అంటూ ఆయన చెబుతున్నది వట్టి ‘సోది’ కాదని కేసీఆర్ అవినీతి, అక్రమ సంపాదనపై ఈడీ, సీబీఐలు నజర్ పెట్టాయనీ అత్యంత విశ్వసనీయ సమాచారం. ఈ సమాచారాన్ని కేసీఆర్ కు లీక్ చేసింది కూడా కేంద్రంలోని అత్యున్నత స్థాయిలో ఉన్న అధికారులేననీ కూడా అంటున్నారు.  దీంతో ఈడీ సోదాల నుంచీ, సీబీఐ దర్యాప్తు నుంచీ తప్పించుకోవడానికి ఏం చేయాలన్న యోచనలో కేసీఆర్ కు జగన్ ఆపద్బాంధవుడిగా కనిపించారని అంటున్నారు.

ఎందుకంటే జగన్ కూడా అక్రమాస్తుల కేసులను ఎదుర్కొంటున్నారు. ఈ కేసులలో సీబీఐ విచారణను ఎదుర్కొన్నారు.ఈడీ దర్యాప్తునూ ఎదుర్కొంటున్నారు. ఈ నేపథ్యంలోనే ఈడీ సోదాల నుంచి, సీబీఐ దర్యాప్తు నుంచి బయటపడటమెలా అన్న విషయంలో జగన్ సహాయ సహకారాలను కేసీఆర్ కోరినట్లు సమాచారం. అందుకు అంగీకరించిన జగన్ గత ఎన్నికలలో తన విజయానికి అన్ని విధాలుగా సహాయపడిన తన రాజకీయ స్నేహితుడిని ఆదుకోవడానికి తన అధికారిక విదేశీ పర్యటనలో అనధికార మార్పులు చేసుకుని మరీ లండన్ లో ల్యాండ్ అయ్యారనీ, అక్కడ ఈ విషయాలపై కేసీఆర్ తనయుడు కేటీఆర్ తో సమావేశమై, ఈడీ, సీబీఐ ల నజర్ నుంచి తప్పించుకోవడానికి ఏం చేయాలన్న దానిపై సూచనలూ సలహాలూ ఇచ్చారనీ విశ్వసనీయ వర్గాల సమాచారం.

అయితే జగన్, కేసీఆర్ రహస్య బంధం ఇక్కడితో ఆగిపోదనీ, అవినీతి ఆరోపణల నుంచి బయటపడేందుకు కేంద్రం పెద్దలను ఆశ్రయించి ఊరట పొందేందుకు కూడా కేసీఆర్ జగన్ సహాయం కోరారనీ ఆ వర్గాలు చెబుతున్నాయి. కేసీఆర్ ను ప్రధాని మోడీ, హోంమంత్రి అమిత్ షాలు ఎంటర్ టైన్ చేసే పరిస్థితి లేకపోవడం, తన ఢిల్లీ టూర్ లోకేసీఆర్ కేంద్ర  హోంమంత్రి అప్పాయింట్ కోరినా ఆయన ఇవ్వకపోవడంతో కేసీఆర్ జగన్ ను  ఆశ్రయించడంతో ఆయన బీజేపీలోని తనకు అనుకూల వర్గాల ద్వారా కేసీఆర్ ను ఈ ఇబ్బంది నుంచి బయటపడేసేందుకు అంగీకరించి ఆ దిశగా కొంత గ్రౌండ్ వర్క్ కూడా చేశారని అత్యంత విశ్వసనీయ వర్గాల సమాచారం.

జగన్ సర్కార్ ఆర్థిక క్రమశిక్షణ పాటించకుండా రాష్ట్రాన్ని దివాళా దిశగా తీసుకువెళ్లేలా ఆర్థక ఉగ్రవాదానికి పాల్పడుతున్నా, చిన్నపాటి మందలింపులతో సరిపెట్టేసి రాష్ట్రానికి రుణ సహకారం అందిస్తున్న కేంద్రం, తెలంగాణ విషయంలో మాత్రం అత్యంత కఠినంగా వ్యవహరిస్తూ అప్పుల విషయంలో తిప్పలు పెడుతోంది. ఏపీతో పోలిస్తే.. తెలంగాణ ఆర్థిక విధానాలు నిబంధనలను దాదాపు కచ్చితంగా పాటిస్తున్నా..

ఏవో కొర్రీలతో కేంద్రం ఇబ్బందులు పెడుతున్న సంగతి తెలిసందే. ఈ నేపథ్యంలోనే కేంద్రానికి దగ్గర కావాలన్నా... అవినీతి ఆరోపణలపై విచారణనుంచి తప్పించుకోవాలన్నా జగన్ ను ఆశ్రయించడమే మార్గమని నిర్ణయానికి వచ్చిన కేసీఆర్ వ్యూహాత్మకంగా వేసిన ఎత్తుగడలో భాగమే లండన్ వేదికగా జగన్ తో కేటీఆర్ భేటీ అని పరిశీలకులు విశ్లేషిస్తున్నారు. 

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.