బొమ్మై కన్నీరు కథేంటో ..?

Publish Date:Jun 14, 2022

Advertisement

కర్ణాటక ముఖ్యమంత్రి బసవరాజ్‌ బొమ్మై కన్నీరు పెట్టుకున్నారు. ఒక విధంగా ఆయన ఏడ్చేశారు. అయితే, ఆయన కన్నీరు పెట్టుకుంది, రాజకీయంగా ఏదో ఇబ్బంది వచ్చికాదు.  అవును గతంలో అప్పటి ముఖ్యమంత్రి కుమారా స్వామి, సంకీర్ణ ప్రభుత్వ సారధ్య కష్టాలు తట్టుకోలేక అనేక పర్యాయాలు కన్నీరు మున్నీరుగా విలపించారు. చివరకు శాసన సభలో కూడా సంకీర్ణ  భాగస్వామ్య పక్షం, తనను అడుగడుగునా అడ్డు తగులుతూ, అవమానాలకు గురి చేస్తోందని ఆయన సభలో కన్నీరు పెట్టుకున్నారు.అయితే, పిట్ట పోరు పిట్టపోరు పిల్లి తీర్చింది అన్నట్లుగా, బీజేపీ కాంగ్రెస్, జేడీ (ఎస్) సంకీర్ణ ప్రభుత్వాన్ని కూల్చేసి, గద్దె నెక్కి కూర్చుంది, అనుకోండి అది వేరే విషయం. 

అయితే, ప్రస్తుత ముఖ్యమంత్రి బొమ్మైకు కూడా రాజకీయ కష్టాలు లేక పోలేదు. ఆయన అధికార పగ్గాలు చేపట్టి ఇంకా నిండా సంవత్సరం అయినా పూర్తి కాలేదు. అయినా, ఇప్పటికే ఆయన కుర్చీ కిందకు నీళ్లోచ్చాయనే వార్తలు తరచూ వినిపిస్తూనే ఉన్నాయి. మాజీ ముఖ్యమంత్రి, బీజేపీ అగ్రనేత యడ్యూరప్ప  ముఖ్యమత్రి  బొమ్మైకి పక్కలో బల్లెమై కూర్చున్నారు. కంటి మీద కునుకు లేకుండా చేస్తున్నారని, బొమ్మై వర్గీయులు కేంద్ర నాయకత్వానికి ఫిర్యాదులు చేయడం, విచారణలు జరగడం వంటి క్రతువంతా జరిగింది, జరుగుతూనే వుంది. అయితే, బొమ్మై కన్నీరుకు రాజకీయాలు కారణం కాదు. 

ఒక సినిమా, అందులో కుక్క పాత్ర  అయన చేత కన్నీరు పెట్టించాయి. ఒకే సారి ఐదు భాషల్లో విడుదలైన, ‘777 చార్లీ’ సినిమా చూసి ఆయన ఉద్వేగానికి గురయ్యారు. ఇంకా స్పష్టంగా చెప్పాలంటే, ఈ చిత్రం ఆయనకు, ఒక సంవత్సరం క్రితం చనిపోయిన  తన పెంపుడు కుక్కను గుర్తుచేసింది. ఆ ఉద్వేగంలోనే ఆయన కన్నీరు పెట్టుకున్నారు. 

ఇటీవల విడుదలైన కన్నడ చిత్రం ‘777 చార్లీ’ చిత్రం ఒక్క బొమ్మైని మాత్రమే కాదు, ఆ సినిమా చుసిన చాలామంది చేత కంటతడి పెట్టిస్తోంది. నిజానికి, కుక్కలంత విశ్వాసపాత్రమైన జంతువూ మరొకటి ఉండదని అంటారు. అది చాలా మందికి అనుభవంలో ఉన్న విషయమే, ఇప్పుడు ఈ సినిమా కథ కూడా అదే. ఒక మనిషి, కుక్కకు  మధ్య అనుబంధాన్ని చక్కగా తెరకెక్కించిన చిత్రం ‘777 చార్లీ’. అందుకే ఈ చిత్రం ప్రేక్షకులను విరీతంగా ఆకర్షిస్తోంది. ఈ చిత్రాన్ని ముఖ్యమంత్రి బొమ్మై కూడా వీక్షించారు.

‘కుక్కల మీద ఎన్నో చిత్రాలు వచ్చాయి.కానీ ఈ చిత్రంలో ఒక జంతువులో ఉండే ఎమోషన్‌ను బాగా చూపించారు.అది కళ్లతోనే తన భావాలను పలికించింది.ఇది అందరూ వీక్షించాల్సిన చిత్రం. మనుషుల ప్రేమ కంటే కుక్క మనిషి పట్ల చూపే ప్రేమ షరతులు లేని ప్రేమ. అది స్వచ్ఛమైంది’ అంటూ ఆయన ఉద్వేగానికి గురయ్యారు. తన పెంపుడు కుక్క స్నూబీ గుర్తుకు రావడంతో కన్నీరు పెట్టుకున్నారు. ఆయన ముఖ్యమంత్రి పదవి చేపట్టడానికి కొద్దిరోజుల ముందు అది మరణించింది. ఆ కుక్కతో తనకున్న అనుబంధాన్ని గుర్తు చేసుకుని, ఆయన కన్నీరు పెట్టుకున్నారు. 

అయితే, ఆయన ఎందుకు కనీరు పెట్టుకున్నా, బొమ్మై కన్నీరు మీద సోషల్  మీడియాలో , ‘మంచి నటుడే’ వంటి పొలిటికల్ కామెంట్స్ కూడా రాకపోలేదు. అయితే, ఈ సినిమా  ఒక్క బొమ్మైని మాత్రమే కాదు, భూతదయ ఉన్న ఎవరినైనా ఈ సినిమా కన్నీరు పెట్టిస్తుందని అంటున్నారు. అయితే మాత్రమేంటి, రాజకీయాలకు కాదేదీ అనర్హం, అనే కదా అంటారు.

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.