జమ్మూకాశ్మీర్ పాంపోర్‌లోని ఎంటర్‌ప్రెన్యూర్‌షిప్ డెవలప్‌మెంట్ ఇనిస్టిట్యూట్(ఈడీఐ) ప్రభుత్వ కార్యాలయంలో ఉగ్రవాదులు దాక్కున్న సంగతి తెలిసిందే. గత మూడు రోజులుగా వారు ఆ భవనంలోనే ఉండి కాల్పులు జరుపుతున్నారు. ఈనేపథ్యంలో భద్రతా దళాలు- ఉగ్రవాదుల మధ్య గత మూడురోజులుగా కాల్పులు కొనసాగుతూనే ఉన్నాయి. అయితే భద్రతా దళాలు జరిపిన కాల్పుల్లో ఒక ఉగ్రవాది చనిపోయినట్టు తెలుస్తోంది. ఒక ఉగ్రవాది హతమైనట్లు భద్రతా దళాలు ప్రకటించాయి. కాగా శ్రీనగర్-జమ్ము జాతీయ రహదారిని ఆనుకుని ఉన్న ఈ బిల్డింగ్‌లోకి కొన్ని రోజుల క్రితం ఇద్దరు ముగ్గురు ఉగ్రవాదులు చొరబడ్డారు. జీలం నది ద్వారా బోట్లలో వచ్చి ఈ బిల్డింగ్‌లో చొరబడినట్టు భద్రతా దళాలు భావిస్తున్నాయి.