పాపం జగన్ అండ్ కో ఎంతో పకడ్బందీగా ప్లాన్ చేసి గులకరాయి డ్రామా ఆడి జనంలో సానుభూతి సంపాదించుకోవాలని అనుకున్నారు. కానీ, ఆ సానుభూతి డ్రామా వికటించి వెటకారాలకీ, ట్రోలింగ్‌కి దారితీసింది. గులకరాయి డ్రామాని ‘కంటి’న్యూ చేస్తూ జగన్ కంటిమీద ఒక ప్లాస్టర్‌తో తిరుగుతున్నారు. నేను మాత్రం యాక్టింగ్‌తో తక్కువా అన్నట్టు వెల్లంపల్లి శ్రీనివాస్ కంటికి పెద్ద కట్టు కట్టుకుని తిరుగుతున్నారు. వీళ్ళ కట్లు, వ్యవహారం చూసి జనం నవ్వుకుంటున్నారు. ఈ కట్లను ఏపీ యూత్ చాలా కామెడీగా తీసుకుని వెటకారాలు చేస్తున్నారు. కొంతమంది జగన్, వెల్లంపల్లి తరహాలో బ్యాండేజీలు కట్టుకుని కనిపిస్తున్నారు. ఇదేంట్రా బాబూ అంటే, కొత్త ఫ్యాషన్ అని వెటకారంగా అంటున్నారు. మొత్తానికి జగన్ అండ్ కో ఏదో చేయాలనుకుంటే ఇంకేదో జరిగింది.