బీజేపీ ప్రాపకం కోసం తెలుగుదేశం కూటమికి మద్దతు.. జగన్ దివాళాకోరుతనం!

Publish Date:Jun 25, 2024

Advertisement

ఎలాగోలా అధికారం దక్కించుకోవడం, ఆ అధికారాన్ని అడ్డుపెట్టుకుని అడ్డంగా దోచేసుకోవడం, ప్రత్యర్థులపై కక్ష సాధించడం, వారిని వేధింపులకు గురి చేయడం, వీలైతే అక్రమ కేసులు పెట్టి అరెస్టు చేయించడం, కస్టడీలో మ్యాన్ హ్యాండిలింగ్ చేయడం తప్ప వైసీపీకి సిద్ధాంతం అంటూ ఉన్నట్లు కనిపించదు. 2019 ఎన్నికలకు ముందు ఒక్క చాన్స్ ప్లీజ్ అంటూ  అధికారంలోకి వచ్చిన వైసీపీ అంతకు ముందు కూడా అంటే జగన్ తన కోసం తానే పెట్టుకున్న పార్టీగా తప్ప వైసీపీకి ఎలాంటి సిద్ధాంతం ఉన్నట్లు గోచరించదు. 2014 ఎన్నికలలో పరాజయం తరువాత జగన్ ఏదో విధంగా అధికారంలోకి రావాలన్న లక్ష్యంతో సెంటిమెంట్ అస్త్రాలన్నిటినీ వాడేశారు. తనపై కోడి కత్తి దాడి డ్రామా, సొంత బాబాయ్ హత్య కేసు, తల్లీ, చెల్లి ప్రచారం ఇలా ప్రతి అవకాశాన్నీ వాడుకుని, ప్రజలను మభ్యపెట్టి అధికారంలోకి వచ్చారు. సరే  రాష్ట్ర ముఖ్యంత్రిగా పదవీ బాధ్యతలు చేపట్టిన తరువాత  జగన్ తన అధికారాన్నంతా ప్రత్యర్థులను వేధించడానికి, కక్ష సాధింపునకే వినియోగించారు. పాలన అంటే సంక్షేమం అంటూ బటన్ నొక్కడం, రాజకీయ ప్రత్యర్థులను వేధించడం మాత్రమే అన్నట్లుగా వ్యవహరించారు. 

 ఏ రాజకీయ పార్టీకైనా ప్రజలలో పలుకుబడి, ఆదరణ లభించాలంటే విలువలు పాటించాలి.  కానీ జగన్ మాత్రం విలువలు అన్న మాటే మా పార్టీ డిక్షనరీలో లేదు అన్నట్లుగా వ్యవహరించారు.   ఫలితంగా  ఐదేళ్ల ముందు అధికారం కట్టబెట్టిన జనమే ఐదేళ్లు గిర్రున తిరిగే సరికి కనీసం ప్రతిపక్షంలో కూర్చునే అర్హత కూడా లేదని విస్పష్టంగా తీర్పు ఇచ్చారు. అయితే జగన్ మాత్రం ప్రజా తీర్పును ఆపహాస్యం చేస్తున్న చందంగా మాట్లాడుతున్నారు. నెపం ఈవీఎంల మీద నెట్టేస్తున్నారు. గత ఎన్నికల సమయంలో ఈవీఎంలు ప్రజా తీర్పునకు అద్దం పడతాయనీ, ప్రతి ఓటరూ తన ఓటు ఎవరికి పడిందో వీవీపాట్ లో చూసుకోవచ్చని చెప్పిన జగన్.. ఓటమి తరువాత మాట మార్చేసి ప్రజలంతా తనకే ఓటేశారనీ, కానీ ఈవీఎంలను ట్యాంపర్ చేసి చంద్రబాబు మోసం చేశారన్న అర్ధం వచ్చేలా మాట్లాడుతున్నారు. 

సరే అదలా ఉంచితే.. తన పార్టీకి సిద్ధాంతమనేదే లేదని జగన్ మరో సారి రుజువు చేశారు. నైతికంగా వైసీపీ దీవాళాకోరుతనానికి ఇంతకు మంది ఉదాహరణ అవసరం లేదన్నట్లుగా ఈయన తాజాగా తీసుకున్న నిర్ణయం ఉంది. ఈ సారి ఎన్నికలలో తెలుగుదేశం, జనసేన, బీజేపీ కూటమిగా ఏర్పడి పోటీ చేసి ఘన విజయం సాధించాయి. రాష్ట్రంలో జగన్ ను, జగన్ పార్టీనీ ఉనికిమాత్రంగా ఎన్నికల ఫలితాలు మార్చేశాయి. కేంద్రంలో ఉన్న అండతోనే ఈవీఎంలను మాయ చేసి చంద్రబాబు అదికారంలోకి వచ్చారని స్వయంగా జగన్ చెప్పారు. కాంగ్రెస్ లో తన పార్టీ విలీనం చేయడానికి ఒక పక్క సంప్రదింపులు చేస్తూనే మరో పక్క కేంద్రంలో అధికారంలో ఉన్న ఎన్డీయే కూటమి కరుణాకటాక్ష వీక్షణాల కోసం ప్రయత్నాలు చేస్తున్నారు. అందుకోసం  కేంద్రంలో ఎన్డీయే కూటమికి మద్దతు ఇవ్వడానికి రెడీ అయిపోయారు. కేంద్రంలో ఎన్డీయే సర్కార్ కు మద్దతు ఇవ్వడమంటే.. తెలుగుదేశం పార్టీకి మద్దతు ఇవ్వడమే అనడంలో సందేహం లేదు. అయినా జగన్ ఎన్డీయేకే మద్దతు ఇవ్వడానికే నిర్ణయించారు.  

ఎన్డీయే కూటమి తరఫున ఎన్డీయే కూటమి అభ్యర్థిగా ఓం బిర్లాను బీజేపీ ప్రకటించింది.  కూటమిలో బీజేపీ తరువాత అతి పెద్ద పార్టీ తెలుగుదేశం. అంటే కూటమి అభ్యర్థిగా ఓం బిర్లా తెలుగుదేశం ఆమోదించి, అంగీకరించిన అభ్యర్థే అవుతారు.  అలాంటి అభ్యర్థికి వైసీపీ మద్దతు ఇవ్వడానికి నిర్ణయిం చుకుంది.  ఏపీలో  తెలుగుదేశంతో  పోరాడుతూ… ఢిల్లీలో అదే పార్టీ  కూటమి తరపున నిలబెట్టిన అభ్యర్థికి జగన్ మద్దతు ఇస్తున్నారు.  ఇంత కంటే దిగజారుడు తనం ఉంటుందా అని సొంత పార్టీలోనే జగన్ పట్ల వ్యతిరేకత వ్యక్తం అవుతోంది. ఏపీలో ఐదేళ్లు అధికారంలో ఉండి  అధ్వాన పాలన సాగించిన జగన్..   బీజేపీ ప్రాపకం కోసం సొంత పార్టీకి రాజకీయ సమాధి కట్టడానికి కూడా రెడీ అయిపోయారు.  

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.